ಛಂದಸ್ಸ್ , ವ್ಯಾಕರಣೆಲೆಗ್ ಇಂಬುಕೊರ್ದ್ ಶಿಷ್ಟ ಸಾಹಿತ್ಯ ಪರಂಪರೆದಂಚಿ ಪೋಯಿನ
ರೂಪೊ, ಬುಕ್ಕೊಂಜಿ ಈ ರಡ್ಡೆಟ್ಲ ಮೆರೆಯಿನ, ಮೆರೆವೊಂದುಪ್ಪುನ ಭಾಷೆ - ತುಳು.
ಬೇತಬೇತೆ ರೂಪೊಲು ಬರಿಯರೆ ಕಾರಣೊಲು
ಜನೊಕ್ಕ್ ಲೆ ನಾಲಾಯಿಡ್ ನಲಿಪ್ಪುನ ಭಾಷೆಯಾಯಿನ ತುಳುಕ್ ಜನೊಕ್ಕುಲೆನ
ಸಾಮಾಜಿಕ ವರ್ಗ, ಪ್ರಾದೇಶಿಕತೆಗನುಸಾರಾದ್ ಬೇತೆಬೇತೆ ರೂಪೊಲುಲ್ಲೊ. ಒಂಜಿ
ನಿರ್ದಿಷ್ಟ ಜನವರ್ಗೊದಕ್ನುಲಯಿ ಪಾತೆರೊಡುಪ್ಪುನ ತುಳುರೂಪೊ ಹೆಚ್ಚಿಕಮ್ಮಿ
ಒಂಜೇ ರೀತಿಡಿತ್ತ್ಂಡ, ಬಾಕಿ ವರ್ಗೊದಕ್ಲೆನ ರೂಪೊಡ್ಡು ಬೇತೆ ಆದ್ ತೋಜುಂಡು.
ಭೌಗೋಳಿಕ ಪ್ರದೇಶೊ, ಸಾಮಾಜಿಕವರ್ಗೊ, ಸಂಸ್ಕೃತಿ, ಬಾಕಿ ಜನೊಕ್ಕುಲೆ ಸಂಪರ್ಕ
ಉಂದು ಮಾಂತ ಭಾಷಾರೂಪೋ ಬೇತೆಬೇತೆ ಆವರೆ ಕಾರಣಾದಿಪ್ಪುಂಡು. ಈ ದೃಷ್ಟಿಡ್
ತೂಯಿನಗ ತುಳುಟ್ ಮುಖ್ಯವಾದ್ ಭೌಗೋಳಿಕ ಬುಕ್ಕೊ ಸಾಮಾಜಿಕಭೇದೊಲಿಪ್ಪುನೆನ್
ತೂವೊಲಿ.
ಬ್ರಾಣೆರೆ ತುಳು - ಬಾಕಿದಕ್ಲೆನ ತುಳು ಪನ್ಪಿ ಅಭಿಪ್ರಾಯ
ತುಳುಟ್ ಬ್ರಾಣೆರೆ ತುಳು ಬುಕ್ಕೊ ಬ್ರಾಣೆರತ್ತಂದಿನಕ್ಲೆನ ತುಳುಂದ್ ರಡ್ದೇ
ರೂಪೊಲಿಪ್ಪು ನವುಂದ್ ಇಂಚಿಪ್ಪ ಮುಟ್ಟ ಭಾಷಾವಿಜ್ಞಾನಿಲೆಡ, ಆಂಡ
ಸಾಮಾನ್ಯಜನೊಕ್ಕುಲೆಡ ಇತ್ತೆಲ ಇಪ್ಪುನ ನಂಬಿಕೆ. ಆಂಡ ಸುಮಾರ್ ೧೫-೨೦ ವೊರ್ಸುಗು
ಪಿರಾವು ನಡತ್ತಿನ ಸಂಶೋಧನೆ, ತುಳು ನಿಘಂಟ್ ಯೋಜನೆಗಾದ್ ಸಂಗ್ರಹ ಮಲ್ತಿನ
ತುಳು ಶಬ್ದರೂಪೊಲೆ ಸುರ್ಪ ಮಾತ ತೂಯಿನಗ ತುಳುಟ್ ಈ ರಡ್ಡ್ ರೂಪೊಲು
ಮಾತ್ರ ಸಾಮಾಜಿಕವಾದ್ ಬೇತೆಬೇತೆ ರೂಪೊಲುಲ್ಲ ಪನ್ಪಿನವು ಗೊತ್ತಾಂಡ್.
ಸಾಮಾಜಿಕವಾದ್ ತುಳುತ್ತ ರೂಪಭೇದೊನ್ ತೂಪುನೆಡ್ದ್ ಲ ಭೌಗೋಳಿಕವಾದ್
ತೂಪುನವು ಹೆಚ್ಚ ಸರಿಯಾಯಿನವು ಪನ್ಪಿ ಅಭಿಪ್ರಾಯ ಮೂಡ್ದ್ ಬತ್ತ್ಂಡ್.
ಭೌಗೋಳಿಕ ರೂಪೋಲು
ರೂಪ -೧ : ತೆಣ್ಕಾಯಿದ ತುಳು (ನೇತ್ರಾವತಿ ತುದೆಡ್ದ್ ತೆಣ್ಕಾಯಿ ಮೆಯಿತ ತುಳು)
ರೂಪ - ೨ : ಬಡಕಾಯಿದ ತುಳು (ನೇತ್ರಾವತಿ ತುದೆಡ್ದ್ ಬಡಕಾಯಿ ಮೆಯಿತ ತುಳು)
ನನಲಾ ಸೂಕ್ಷ್ಮವಾದ ತುಲುತ ರೂಪೊಲೆನ್ ತೂವೊಡಾಂಡ ರೂಪ - ಒಂಜೆಟ್:
೧.೧. ತೆಣ್ಕಾಯಿ - ಪಡ್ಡಾಯಿದ ತುಳು (ಕಾಸರಗೋಡು ತಾಲೂಕ್ದ ತುಳು)
10
