Grammar of the Dravidian or South Indian Family of Languages
ಪಣ್ಪಿ ಬೂಕುಡು ರಾಬರ್ಟ್ ಕಾಲ್ಸ್ಲ್ ಪನ್ಪುನಾರ್ "Tulu is one of the most
highly developed languages of the Dravidian family"ನ್ದ್ ಬರೆಯಿನನ್
ತೂಯಿ ಬುಕ್ಕೊ ಭಾಷಾವಿಜ್ಞಾನಿ ಗಮನೊ ತುಳುತ್ತಂಚಿ ಬತ್ತ್ಂಡ್. ಆತ್ ಮುಟ್ಟ
ತುಳುಟ್ಟ್ ಸಾಹಿತ್ಯ ಕೃತಿ ಇಪ್ಪುನವು ಗೊತ್ತಿಜ್ಜಂದಿನೆಡ್ ತುಳು ಒಂಜಿ ಮಲ್ಲ ಭಾಷೆ
ಪುನ ಅಂದಾಜಿ ಇಜ್ಜಂದಿನಡ್ಲಾ ತುಳುನ್ ಒಂಜಿ ಉಪಭಾಷೆಂದೇ
ಭಾಷಾವಿಜ್ಞಾನಿಲುಲಾ ಸಾಮಾನ್ಯ ಜನೊಕ್ಕುಲುಲ ತೆರಿಯೊಂದಿತ್ತೆರ್. ಕಾಲ್ಡ್ ವೆಲ್ನ
ಪಾತೆರೊ, ಇಂಚಿಪ್ಪ ಬೊಳ್ಪುಗು ಬತ್ತಿನ ನಾಲೈನ್ ಪ್ರಾಚೀನ ತುಳು ಸಾಹಿತ್ಯ ಕೃತಿಕ್ಕುಲು,
ತುಳು ಸಾಹಿತ್ಯ ಚಳವಳಿ - ಸಯ್ಯೊಂದುಬದ್ಕೊಂದಿತ್ತಿನ ತುಳುಕ್ ದಾತ್ ಪುಟ್ಟಾದ್
ಕೊರ್ಯೊ. ಅಂಚಾದ್ ಇನಿ ತುಳು ಒಂಜಿ ಪ್ರಬಲವಾಯಿನ ಭಾಷೆಯಾದ್
ಮೆರೆವೊಂದುಂಡು.
ಪ್ರಾಚೀನತೆ -ಮೂಲದ್ರಾವಿಡ ಭಾಷೆ
ಏತ್ ಮಲ್ಲ ತುದೆ ಆಂಡಲ ಅವು ಸುರುವಾಪುನೆ ಒಂಜಿ ಎಲ್ಯ ಒರತೆಡ್ದ್. ಪರಿತೊಂದು
ಪೋಯಿನಗ ಬೇತೆ ಬೇತೆ ತೋಡುಲು, ನೀರ ಕೈಕುಲು ಸೇರ್ದ್ ಮಲ್ಲ ತುದೆ ಆಪುನಂಚನೆ,
ಬೇತೆ ಬೇತೆ ದ್ರಾವಿಡಭಾಷೆ ಕೂಟೊಗೊಂಜಿ ಮೂಲಭಾಷೆ ಇತ್ತ್ಂಡ್. ಅಯಿನ್
ಮೂಲದ್ರಾವಿಡ ಪಣ್ಪೆರ್. ಆ ಮೂಲದ್ರಾವಿಡೊಡ್ ಇತ್ತೆ ಎಲ್ಪೊರ್ದ್ ಹೆಚ್ಚ ಉಪ್ಪುನ
ದ್ರಾವಿಡಭಾಷೆಲು ಬೇತೆಬೇತೆ ಕಾಲೊಡು ತೆಗ್ರ್ದ್ ಬುಳವೊಂದು ಬತ್ತೊ. ಆಂಡ
ಸುರುಟು ಸ್ವತಂತ್ರ ಆದ್ ಉಂತ್ನ ಭಾಷೆ ತುಳು. ಪಂಡ ಸುಮಾರ್ ರಡ್ಡರೆ ಸಾವಿರ
ವರ್ಸೊಗು ದುಂಬು ಈ ಘಟನೆ ನಡತ್ಂಡ್ಂದ್ ವಿದ್ವಾಂಸೆ ಅಂದಾಜಿ ಮಲ್ಪುವೆರ್.
ಅಯಿಡ್ದ್ ಬುಕ್ಕೊ ತಮಿಳ್, ಕನ್ನಡ, ತೆಲುಗು ಬೊಕ್ಕ ಅಕೇರಿ ಮಲಯಾಳ ಸ್ವತಂತ್ರ
ಭಾಷೆಲಾಯೊ. ಸುಮಾರ್ ರಡ್ಡರೆ ಸಾವಿರ ವರ್ಸೊಗು ದುಂಬೇ ತುಳು ಸ್ವತಂತ್ರ ಭಾಷೆ
ಆಂಡ್ಂದ್ ಭಾಷಾವಿಜ್ಞಾನಿಸಲು ಪಣ್ಪೆರ್.
ರಡ್ಡ್ ರೂಪೊಲು : ಜನೊಕ್ಕುಲೆ ಭಾಷೆ - ಸಾಹಿತ್ಯಭಾಷೆ (Diglosia concept - Tamil)
ಇಂಚ ಸ್ವತಂತ್ರ ಆಯಿನ ತುಳುಭಾಷೆಗ್ ಲ ಬಾಕಿ ಭಾಷೆದ ಲೆಕ್ಕನೆ ರಡ್ಡ್ ಸ್ವರೂಪೊಲುಲ್ಲೊ. ಜನೊಕ್ಕುಲೆ ಬಾಯಿಡ್ ಬೇತೆಬೇತೆ ರೂಪೊಲೆನ್ ಪಡೆವೊಂದು ನಲಿತ್ತೊಂದು ಉಪ್ಪುನ ರೂಪೊ ಒಂಜಿ ಕವಿಕಲ್ಪನೆನ್ ತೋಜಿಪಾದ್ ಕೊರ್ಪುನ
9
