ಒಂತೆ ಸಮಯೊಡ್ಡು ಪಿರಾವು ಭಾರತದೇಶೊಡ್ಡು ಸಾಂಸ್ಕೃತಿಕ ಪ್ರತಿನಿಧಿಕ್ಕುಲಾದ್ ಎಂಕುಲು ಕೆಲವರ್ ಕಜಾಕಿಸ್ತಾನೊಗು ಪೋದಿತ್ತ. ಆ ಕೂಟೊಡು ಎನ ಸಂಗತೊಡು ಕರ್ನಾಟಕದ ಎನ ಮಿತ್ರೆ ಡಾ. ಯು. ಆರ್. ಅನಂತಮೂರ್ತಿಲಾ, ಬೇತೆ ತಿಕ್ಕದ ಮೂವೆರ್ಲಾ ಇತ್ತೆರ್.ಭಾರತದಾತೇ ಮಲ್ಲ ದೇಶ ಅವು. ಎಂಕುಲು ಅಲ್ಪ ಬೇತೆ ಬೇತೆ ಜಾಗೆಲೆಗ್ ಪೋಯ. ಅಲ್ಪ ಸಂಸ್ಕೃತಿದ ಉಲಮೆಯಿನ್ ತೆರಿಯರೆ ಪ್ರಯತ್ನ ಬತ್ತ, ಅಲ್ತ ಲೇಕಖಕರೆಡ ಪಾತೆರಕತೆ ಮಲ್ತ 'ಕಝಾಕ್' ಜನೊಕ್ಲೆಗ್ ಮೋಸ್ಕೋದ ಸಾರ್ವಭೌಮತ್ವ 'ಕಝಾಕ್' ದಕ್ಲೆನ ಬೇನೆ ಬೆಂಗ್ ಮಸ್ತ್ ಪೊತ್ತೊಂದಿತ್ತ್ಂಡ್. ದಾಯೆನ್ನಗ ಮೋಸ್ಕೊ ಸರ್ವಾಧಿಕಾರಿಲು ಕಝಾಕ್ದಕಲ್ನ ಬಾಸೆನ್ ದಿಂಜ ಪೂಜೆಂಕಿಯೆರ್, ಅಕುಲು ನೆತ್ತ ಲಿಪಿನ್ ಮೂಜಿ ಮೂಜಿ ಸರ್ತಿ ಬದಲ್ ಮಲ್ತೆರ್. ಕಝಾಕ್ದಕಲೆಗ್ ಒಂಜಿ ಪ್ರಾಚೀನವಾಯಿನ ಪರಂಪರೆ ಇತ್ತ್ಂಡ್. 'ಅಬಾಯಿ' ನಂಚಿನ ಏತೋ ಸೂಫಿ ಕವಿಕುಲು ಸಿರಿತುಪ್ಪೆ ಕಟಿನಂಚಿನ ಕಾವ್ಯ ಸಂಪತ್ ಪೊರ್ಲಕಂಟ್ದ ಬಾಸೆ ಇತ್ತ್ಂಡ್, ಅವೆನ್ 'ಮಾಸ್ಕೋ ಅಧಿಕಾರಶಾಹಿ ನಾಶ ಮಲ್ತ್ಂಡ್!... ಉಂದು ಅಕಲ್ನ ಮಾತೆಡ್ದ್ ಮಲ್ಲ ಅಸಹನೆಗ್ ಕಾರಣ ಆದಿತ್ತ್ಂಡ್.
ಅಂಚಾದ್ ಬಾಸೆನ್ ಜನೊಕುಲು ಅಭಿಮಾನ ದೀಯೊಂದು ಒರಿತೊನೊಡು ಇಜ್ಜಿಂಡ ಬೊಕ್ಕ ಪಶ್ಚತ್ತಾಪ ಬುಡೊಡಾವು. ಎಂಕ್ ಮೂಲು ನಿಕಲ್ನ ತುಳು ಬಾಸೆ. ಅವೆತ ಕೆಲಸೊಲೆನ್ ತೂದು ಉಡಲ್ ತಲ್ಮೆನ ಆಂಡ್. ಇನಿ ಕಾಂಡೆ ಮುಲ್ಪ ನಿಕುಲು ತುಳು ಕೂಟದ ಕೂಡಾಟಿಕೆಡ್ ತುಳುಟು ಬರೆಪಿನಕಲ್ನ ಸಮಾವೇಶ ಮಲ್ತರ್. 'ಕೂಟ' ! ಆಹಾ ಏತ್ ಪೊರ್ಲುದ ಸಬ್ಬ! ಎಂಕ್ಲೆ ಕೇರಳೊಡ್ಲಾ 'ಅಯಲ್ ಕೂಟಂ', ನಾಟ್ಯಕೂಟಂ ಇಂಚಿನ ಕೂಟೊಲು ಉಲ್ಲ. ಅವೊಂಜಿ ಸೋದರತ್ವ ಸೇರಿಗೆ, ಬಾಸೆನ್ ಒರಿತೊನರೆ ಒಟ್ಟು ಸೇರ್ದ್ ಬೇಲೆ ಮಲ್ಪುನು. ಇಂಚಿನ ಕೂಟ ಸೇರುನೆಟ್ ಸಾಜವಾದ್ ಸಾಯ ಆಪುಂಡು.
ಎಂಕ್ ತುಳು ಬಾಸೆ ತೆರಿಯಂದಿನೆಕ್ಕ್ ಬೇಜಾರ್ ಆವೊಂದುಂಡು. ಎಂಕ್ ತಮಿಳದಂಚಿನ ರಡ್ಡ್ ಮೂಜಿ ಬಾಸೆಲು ಮಾತ್ರ ಬರ್ಪಿನಿ. ಏತೋ ಮಲಿಯಾಳಿಲೆಗ್ 3-4ಡ್ಡ್ ಲಾ ದಿಂಜ ಬಾಸೆಲು ಗೊತ್ತುಂಡು. ಅಯಿಟ್ ದಾನಿ-ನಷ್ಟ ಉಂಡಾ? ಕನ್ನಡದ ಏತೋ ಮಲ್ಲ ಶ್ರೇಷ್ಠ ಸಾಹಿತ್ಯ ಕೃತಿಕುಲು ಮಲಿಯಾಳಿಗ್ ತರ್ಜುಮೆ ಆದ್ ಎಂಕಲೆಗ್ ಓದರೆ ತಿಕ್ದ ಎಂಕುಲು ಕೇರಳೊಡು (ಯಾನ್ ಕೇರಳ ಸಾಹಿತ್ಯ ಅಕಾಡೆಮಿದ ಇತ್ತೆದ ಅಧ್ಯಕ್ಷೆ), ಒರ್ಸೊಸ್ರಲಾ 'ಮಾಸ್ತಿ ಶತಮಾನೋತ್ಸವ' ಆಚರಣೆ ಮಲ್ಪುವ. ಬಾಸೆ ತಡೆಗೋಡೆ ಅವರೆ ಬಲ್ಲಿ; ಅವು ನಮನ್ ಕೊಣವೊಡು.
6
