ತಿಕ್ಕಯ! ಅಂಚಾದ್, ಕಿನ್ಯ ಪ್ರಾದೇಶಿಕ ಬಾಸೆಡ್ ಬರೆಯಿನ ಕೃತಿಕುಲ್ಲಾ, ಸಮಯ ಬನ್ಗ ಶ್ರೇಷ್ಠತೆನ್ ಪಡೆಪ, ಬೇತೆ ಬಾಸೆಲೆಡ್ದ್ ಪ್ರತ್ಯೇಕ ವಿಶಿಷ್ಟತೆನ್ ಮೆರೆವ. ಭಾರತದ ಮಾತಾ ಪ್ರಾದೇಶಿಕ ಬಾಸೆಲೆಗ್ಲಾ ಈ ವೈಶಿಷ್ಟ್ಯ ಉಂಡೇ ಉಂಡು.
ಬ್ರಿಟಿಷ್ ವೈಸರಾಯ್ 'ಲೋರ್ಡ್ ಮಿಂಟೋ ಮುಲ್ಪ ಆಡಳಿತ ಮಲ್ತೊಂದುಪ್ಪುನಗ, 'ಮೆಕಾಲೆ' ನೊಟ್ಟುಡು ಸೇರೊಂದು ಮಾತಾ ಕಡೆಟ್ಲಾ ಇಂಗ್ಲೀಷ್ ಬಾಸೆನೇ ಕಲ್ಪಾಲೇ, ಪ್ರಾದೇಶಿಕ ಬಾಸೆಲು ಮಾತ್ರ ಪ್ರೇಜನ ಇಜ್ಜಿ. ಆಧುನಿಕ ತಾಂತ್ರಿಕತೆನ್, ವೈಜ್ಞಾನಿಕ ತಿಳುವಳಿಕೆನ್ ಪ್ರಾದೇಶಿಕ ಬಾಸೆಲೆಗ್ ತಡೆತೊನರೆ ಸಾಧ್ಯ ಇಜ್ಜಿ. ಅಯ್ಕುಲು ಬೊಡ್ಚಿ "ಪಂಡ್ದ್ ತೀರ್ಮಾನ ಕೊರ್ಯೆ. ಮಾತಾ ದಿಕ್ಕ್ ಡ್ ಇಂಗ್ಲೀಷ್ನ್ ಕಲ್ಪಾವರೆ ಸುರುಮಲ್ತೆರ್. ನಿಜವಾದ್ ದಾದಾಂಡ್ ಪಂಡ, ಪ್ರಾದೇಶಿಕ ಬಾಸೆಲ ಮಾಯಾ ಆಯಿಜ, ಅವೆಕ್ಲೆಡ್ ಸಾಮರ್ತ್ಯ ಇತ್ತ್ಂಡ್! ಇಂಗ್ಲೀಷ್ದ ಎಡ್ಡೆಡ್ಡೆ ಅಂಶೋಲೆನ್ ಉಲಕೈಗೆತೊಂಡ ಪ್ರಾದೇಶಿಕ ಬಾಸೆಲು ಬೊಕ್ಕಲಾತ್ ಗಟ್ಟಿಯಾದ್ ಪುಡ್ಕೆನ ಬುಳೆಯ!
'ತುಲಸೀದಾಸ ರಾಮಾಯಣ' ಹಿಂದಿ ಬಾಸೆದವುಂದ್ ದಿಂಜ ಜನ ಗ್ರಯಿಪುವೆರ್. ಆಂಡ ಅತ್ತ್. ಎನ್ನ ಹಿಂದಿ ಜೋಸ್ಕಾರ್ಲು ಪಂಡಿ ಪ್ರಕಾರ ಸಾಮಾನ್ಯ ಹಿಂದಿ ಗೊತ್ತಿತ್ತನಕಲೆಗ್ ತುಲಸೀರಾಮಾಯಣ ಅರ್ತಾಪುಜಿ. ಅವೆನ್ ಬರೆತಿನಿ 'ಅವಧಿ' ಪನ್ಪಿ ಬಾಸೆಡ್. ಚಲಾವಣೆಡ್ ದಾಂತಿನ ಎಲ್ಯ ಒಂಜಿ-ಆ ಬಾಯಿ ಪಾತೆರದ-ಉಪಬಾಸೆಡ್- ಬಜೀ ಒಂತೆ ಜನ ಓದ್ಯರೆ ಸಾಧ್ಯ ಇತ್ತಿಂಚಿ ಅವದಿ ಬಾಸೆಡ್ ಆನಿ ಬರೆಯಿನ ಆ ಕಾವ್ಯ ಅವೆತ ಶ್ರೇಷ್ಠತೊಡ್ಡಾದ್ ಇಡೀ ಉತ್ತರ ಭಾರತೊಡು ಜನಮಾನಿಗ್ ಕೈತಲಾಂಡ್. ಇಂಚೆನೇ 'ಮೈಥಿಲಿ' ಬಾಸೆದ ಸೂರದಾಸೆರೆನ ಕೃತಿಕ್ಕುಲೆನ ಉದಾರ್ಮೆ ಉಂಡು.
ಅಂಚಾದ್ ಮಾನ್ಯತೆ ಪಡೆವಂದಿನ ಬಾಸೆಲುಲಾ, ಅವೆಕ್ಲೆನ ಸೊಂತಿಕೆ, ಊಂಚಿಡ್ಡಾದ್ ಕಂಡಿತ ಒರಿದ್ ಬರ್ಪ. ಸಾಹಿತ್ಯ ಜನಮನ್ನಣೆ ಪಡೆಯುಂಡು. ದುಂಬೊಂಜಿ ಕಾಲೊಡು ಗ್ರೀಸ್ ದೇಶೊಡು ಟರ್ಕಿಸ್ ಬಾಸೆಗೇ ನಿರ್ಬಂಧ ಪಾಡ್ಯೆರ್. ಅಯಿಕ್ ಟರ್ಕಿಶದಕುಲು ಪೆಟ್ಟ್ ಪಿರ ತಿರ್ಗಾಯೆರ್. ಅಕಲ್ನ ಊರುಡು ನನೊಂಜಿ ಕುರ್ದಿಶ್' ಬಾಸೆನ್ ಇನ್ಕಾರ ಮಲ್ತೆರ್!
ಇಂಚ, ಈ ಬಾಸೆಲನ ಸಮಸ್ಯೆ ಪನ್ಪಿನವು ಯಾಪ ಒಂಜಿ ವಾಸ್ತವ ಸಮಸ್ಯೆನೇ ಅಂಡ ನೆಟ್ ರಾಜಕೀಯ ಬೆರಕೆ ಮಲ್ಪರೆ ಆವಂದ್. ಬಾಸೆ ಒಂಜಿ ಬೆಸುಗೆದ ಪತ್ತ್ ಆವೊಡು. ಬಾಸೆಲು ನರಮಾನಿಲೆನ್ ಮುಟ್ಟ ಮಲ್ಪೋಡು.
5
