ಪಂಡೆಗೆ “ಅಂಚತ್ತ್ ಇಯಾವು ಪನ್ನಿ' ಪಂದ್. ಐಕೆ ಅತೆ ಕನ್ನಡೊಡು ಪಂತಿನಿ ಒತ್ತುವಲ್ಲಿ ಒತ್ತ ಬೇಕು, ಎತ್ತುವಲ್ಲಿ ಎತ್ತ ಬೇಕು. 'ಕತೆ'ಯನ್ನು ಒತ್ತಿದರೆ 'ಕತ್ತೆ'ಯಾಗುತ್ತದೆ, 'ಲತೆ'ಯನ್ನು
ಒತ್ತಿದರೆ 'ಲತ್ತೆ'ಯಾಗುತ್ತದೆ.
ಲೇಸ್ದ ವಿಚಾರ ಪನ್ನಗ ಎಂಕಲೆ ಊರ್ದ ಪೋಲಿ ಜೋಕ್ಲೆನ ನಿನೆಪು ಬರ್ಪುಂಡು. ಬಲಸೊಂದು ಬರ್ಪಿನಕಲೆಡ "ಅಲೆನ್ಕೊರ್ಪರ, ಇರೆನ್ ಗೆಪ್ಪೋಡ?" ಪಂದ್ ಕೇನ್ವೆರ್. ಬಾಸೆದಾಂತಿನಗುಲು ಎನ್ನರೆ ಸಾದ್ಯ ಉಂಡು, “ಒಲ್ಲಾ ಬಲಸುನಾರೆಗ್ ಜವಂದಿ ಮಗಲ್ ಇಪ್ಪೊಡು. ಅಂಚಾದ್ ಈ ಜವನೆ ಕೇನುನು ಅಲೆನ್ ಎಂಕ್ ಮದಿಮೆ ಮಲ್ತ್ ಕೊರ್ಪರಾ, ಅತ್ತ್ ಇರೆನ್ ಗೆಪ್ಪೊಡ, ಪಂಡಾ ಕೆರೊಡ ಪಂದ್ ಪನ್ಪಿನಿ" ಪಂದ್. ಅಸಲ್ ಸಂಗತಿ ಇಂಚ, ನುಪ್ಪುಗು ಅಲೆ (ಮಜ್ಜಿಗೆ) ಕೊರ್ಪರ ಅತ್ತ್ ಉಣಸ್ ದ ಇರೆ ಗೆಪ್ಪೊಡ ಪಂದ್. ಬೊಕ್ಕ ಕೆಲವೆರ್ ಪನ್ಸೆರ್ 'ಇರೆನ್ ಗೆತ್ತ್ ಗುರಿಕ್ ಪಾಡುವೆ ಪಂದ್. ಅವು ಇರೆಗ್ ಪನ್ಪಿನಿ ಅತ್ತ್ ಅನ್ನಾ, ಬಾರೆದ ಇರೆಕ್, ಇರ್ ನನ ಬೆಚ್ಚ ಆಪಿನಿ ಬೊಡ್ಚಿ. ಇನಿ ಕೋಡೆದ ಜವನೆರೆಗ್ ಬಾಸೆ ಉಂಡ ಪನಿ ಮೇರೆ?
ಅಂಚ ಒರ ಬೊಜ್ಜದ ಉಣಸ್ಗ್ ಪೋದು ಬತ್ತಿನ ಜೋಕುಲು ಎನ್ನ ಅಮ್ಮೆರೆ ಇಲ್ಲಡ್ ಪಾತೆರೊಂದು ಇತ್ತಗೆ, "ವಡೆ, ಹೋಳಿಗೆ, ಪಾಯಸ... ಏತ್ ಮಾತ ತಿನಸ್ ಇತ್ತ್ಂಡತ್ತಾ, ನಮ ಅಜ್ಜೆರ್ನ ಬೊಜ್ಜೊಗುಲಾ ಅಂಚೆನೆ ಮಲ್ಪೆರ್ ಅತ್ತಾ?" ಪಂದ್. ಅಲ್ಪನೆ ಬಾಕಿಲ್ದ ಪಲಾಯಿಡ್ ಕನ್ನ್ ಬಾಡವೊಂದು ಇತ್ತಿನ ಎನ್ನ ಪಪ್ಪನ ತಮ್ಮಲೆ ಪೂಂಕ ಅಜ್ಜೆರ್ ಪಂಡರ್ಗೆ “ಎಂಚಿನದೆ, ಬಾಸೆದಾಂತಿನ ಓಲ್ಲಾ, ವಡೆ ತಿನರೆ ಎನನ್ ಕೆರ್ಪರಾ?" ಜೋಕುಲು ಎನ್ನ್ ದಿನಿ ಆರ್ ಕನ್ನ್ ಮುಚಿದೆರ್, ಪಂಡಾ ನಿದಿರೆ ಬೈದ್ಂಡ್ ಪಂದ್. ಆರ್ ಕನ್ನ್ ಮುಚಿನಿ ಈ ಸಂಗತಿ ನಡತ್ದ್ ಇರ್ವ ವರ್ಸೊಡ್ದು ಬೊಕ್ಕ.
ಎನ್ನ ಅಮ್ಮೆರೆ ಇಲ್ಲದ ಜೋಕುಲೆಗ್ ದುಂಬುಡ್ದ್ಂಚಿಲಾ ಒಂತೆ ಜಕ್ಕೆ ಜಾಸ್ತಿಯಾ ಪಂದ್. ಎನ್ನ ಪಪ್ಪ ಎಲ್ಲಿಡೇ ಪತ್ತೊಂಜಿ ವರ್ಸ ಪ್ರಾಯದರ್ ಪರವೂರು ಪತ್ ದೆರ್. ಅಪಗ ಮಾತ ನಾಲ್ ವರ್ಸೊಗೊರ ಎಡ್ಮ ವರ್ಸೊಗು ಒರ ಊರು ಜಪ್ಪುನತೆ. ಇತ್ತೆದಲ್ಕ ೧೪ ಗಂಟೆಡ್ ರೈಲ್ ಬೊಂಬಾಯಿಡ್ದ್ ಊರು ಮುಟೊಂದು ಇತ್ತ್ ಜಿ. ಬೊಂಬಾಯಿಡ್ದ್ ಪೂನ, ಪೂನೊಡ್ಡು ಮೀರಜ್, ಮೀರಜ್ ಡ್ದ್ ಹರಿಹರ ಮುಟ್ಟ ರೈಲ್, ಅಲ್ತ್ ಡ್ದ್ ಶಿವಮೊಗ್ಗ, ಶಿವಮೊಗೊಡ್ಡು ಆಗುಂಬೆಗ್ ಬಸ್ಟ್. ಆಗುಂಬೆದ ಗಟ್ಟ ಜಪ್ಪರೆ ಜೀಪ್, ಸೋಮೇಶ್ವರೊಡ್ಡು ಕಾರ್ಲಗ್, ಕಾರ್ಲಡ್ದ್ ಬೈಲೂರ್ಗು ಬಸ್ಟ್, ಅಲ್ತ್ ಪೆಟ್ಟಿಗೆ ಸಾಯಿಬೆರಗ್
99
