ಪತ್ತ್ ಪಾಲ್ ಆವು. ಬೊಕ್ಕಲಾ ಒಂಜಿ, ಈ ಇಂಚು ಪರ್ಬುಲು ಆ ಡಾಕ್ಟ್ರೆಗ್ 'ಕಮೀಷನ್'
ಕೊರ್ಜೆರ್ಡಾ, ಆರ್ ದಾಯೆಗ್ ಮೇರೆಗ್ 'ಕ್ಲೈಂಟ್ಸ್' ಕೊರೊಡು?
ಸೈಪಿನ ವಿಚಾರ ಪನ್ನಗ ಕುಡ ಒಂಜಿ ವಿಚಾರ ನಿನೆಪುಗು ಬತ್ತ್ಂಡ್. ಕೆಲವೆರ್ ತನ್ಕುಲೇ ಬಿರ್ಸೆರ್ ಪಂದ್ ಗಿರೆತೊಂದು, ಎದುರ್ದಗಲೆನ್ ಕಿನ್ನಿ ಮಲ್ತ್ ಪಾತೆರುವೆರ್. ರಡ್ಡ್ ವರ್ಸೊಡ್ದು ಬೊಕ್ಕ ಪಿದಾಯಿ ಊರುಡ್ಡು ಬತ್ತಿನಾರ್ಡ ಊರ್ ದ ಒರಿ ಮಲ್ಲ ಜನ ಕೇಂಡೆರ್ಗೆ "ಕರಿ ವರ್ಸ ತೀರ್ ಪೋಯಿನಿ ಈ ಅತ್ತಾ? ನಿನ್ನ ಮೆಗ್ಯೆನಾ?” ಪಂದ್. ಆರ್ ಪಂಡೆರ್ಗೆ "ಎಂಕ್ಲಾ ಏರಾ ಪಂಡೆರ್, ಬೂರ್ದ್ ಪಿರ ಮಂಡೆಗ್ ಪೆಟ್ಬಾತ್ಂಡ್ ಪಂದ್. ಎಂಕ್ ಸಂಸಯ ಇತ್ತ್ಂಡ್ ಇರೆಗಾ, ಇರೆನ ಮೆಗ್ಯೆಗಾ ಪಂದ್. ಇತ್ತೆ ಕಾತ್ರಿ ಆಂಡ್" ಪಂದ್. ಪಸಿರೂಪ ಎದುರ್ಡ್ ಉಂತುದಿನ ನರಮಾನಿಡ ಏರ್ಲಾ ಬಾಸೆ ಇತ್ತಿನಗುಲು "ಇ ತೈದ್ಜನಾ" ಪಂದ್ ಕೇನೆರಾ?
ಬಿರ್ಸೆರ ಇಚಾರ ಪನ್ನಗ, ಎಂಕಲಲ್ಪದ ಚಿಕ್ಕಣ್ಣನ ವಿಚಾರ ಪಂಜಿಡ ಸರಿ ಆಪುಜಿ.
ತನನ್ ತಾನ್ ಬಾರಿ ಬಿರ್ಸೆ ಪಂದ್ ಎನ್ನೊಂದು, ಬಾಕಿದಗಲೆಗ್ ಬುದ್ದಿ ಪನೊಂದು
ಇತ್ತೆರೆ, ಗುಡ್ಡೆಗ್ ಗುಡ್ಡೆ ಅಡ್ಡ ಉಂಡು ಪಂಡಿಲೆಕ್ಕ, ಕಿಟ್ಟಿಯಕ್ಕೆ ದಾಲ ಕಮ್ಮಿ ಅತ್
ಕಾನೂನು ಕಾಯಿದೆ ಪಾತೆರಿಯೆರೆ, ಒರ ಬೆಕ್ಕಣ್ಣನ ಜವಾಂದಿ ಪೊನ್ನುಲು ಕಿಟಕ್ಕೆನ್
ದರ್ಖಾಸ್ಟ್ ಪೋದು ಬೀಜ (ಗೋಂಕುದ) ಕಂಡಿಯೆರ್ಗೆ. ಕಿಟ್ಟಿಯಕ್ಕೆ ತೂದು ಬೆಕ್ಕಣ್ಣನ
ಇಲ್ಲ ಮುಟ್ಟ ಬೆರಿ ಪತಿಯೆರ್ಗೆ, ಬೆಕ್ಕಣ್ಣ ವಕಾಲತ್ ಸುರು ಮರ್ "ಕಿಟ್ಟಿಯೆ, ಈ
ದಾನೆಂದ್ ಎನ್ನ ಜೋಕುಲೆನ್ ಬೆರಿ ಪತ್ತ್ದ್ ಗಿಡಾರೊಂದು ಬತ್ತಿನಿ? ಇ ದಾನೆ
ಏರೆನಲಾ ಮರತಟ್ಟಿ ಬೂರಿನ ಬೀಜ ಪೆಜ್ಜಿದ್ನಾ?” ಪಂದ್. ಕಿಟ್ಟಕ್ಕೆ ಪಂಡೆರ್
“ಮರತಟ್ಟಿ ಬೂರಿನಲಾ ಪೆಜ್ಜುವೆ, ಮರ ಮಿತ್ತಾ ಕೊಯಿವೆ. ತೂದು ತಿಕ್ಂರ್ಡ
ಮರಕ್ಕೆ ಕಟ್ಾಡ್ ಬೊಕ್ಕ ದಾಲ ಮಲ್ಲುವರ್, ಇನ್ನ ಜೋಕುಲೆಗ್ಲಾ ಅಂಚ
ಮಲ್ಲೊಲಿಯಾ?" ಬೆಕ್ಕಣ್ಣೆ ಬಾಯಿ ಮುಚಿದ್, ಆರ್ ಅಂಚಿ ಪೋಯಿ ಬೊಕ್ಕ ಮೆಲ್ಲ
ಪಂಡರ್ "ಬಾಸೆದಂತಿನ ಮೊಲೆಡೆಂಚಿನ ಪಾತೆರ್ನು?"
ಜವಾಂದಿ ಪೊನ್ನುಲೆನ ವಿಚಾರ ಪನ್ನಗ ನನ್ನೊಂತೆ ಜವನೆರೆ ವಿಚಾರಲಾ ಪನೊಡಾಪುಂಡು ತೂಲೆ. ಒರ್ತಿ ಪೊರ್ಲುದ ಜವಾಂದಿ ಲೇಸ್ಡ್ ಕೋರಿ ಬಲಸೊಂದು ಬತ್ತೊಲೆ. ಒರಿ ಜವನೆ ಪಂಡೆಗೆ "ಈ ಆವು". ಆಲ್ ತಟಕ್ಕ ಕೈಲ್ದ ಕಡೆ ಕೊಡಿ ಪಿಜಿತ್ದ್ ಕೆಂಡೋಲ್ಗೆ “ಯಾನ್ ಆವ, ಕೈಲ ಕಡೆ ಆವ?" ಪಂದ್, ಜವನೆ ಬ್ಬೆ ಬ್ಬೆ ಪಂದ್
98
