ಎಂಕುಲಾ ಪನ್ಪಿ ಚರ್ಚೆ ಬೊಡ್ಡಿ, ಎಂಕಲ್ನ ಬಾಸೆನ್ ಒತೊನ್ಲೆ ದಾನೆ.
ಬೊಕ್ಕ ಕೆಲವರ್ ಉಲ್ಲೆರ್, ಇರ್ನ ಬಾಯಿಡ್ದ್ ತಾಲರೆ ಇಜ್ಜಿ, ದೆರ್ತ್ ಪತ್ ದ್ ಕಿಟಿ ಕಿಟಿ ತೆಲಿಪುವೆರ್, ಪಂಡಾ, ತತ್ ಮೋಸೊಡು ದಾಲ ಒಂಜಿ ಸಬ್ದ ಪನ್ನಗ ಅಂಚಿದ ಇಂಚಿ ಆಂಡ, ಅವ್ವೆನ್ ಸರಿ ಮಲ್ತ್ ಕೋನೊಪುಜೆರ್. ಒರ ದಾದ ಆಂಡ್ ಗೊತ್ತುಂಡೆ? ಯಾನ್ಲಾ ಒರಿ ಬಾಸೆದಾಂತಿನಾಯೆ, ಯಾನ್ ಪಂಜಿಡ ನಿಗಲೆ ಎಂಚ ಗೊತ್ತಾಪಿನಿ? ಯಾನ್ ಎಲ್ಲಿ ಇಪ್ಪುನಗ ಎಂಕಲ್ನ ಬೈಲೂರ್ದ ಪೇಂಟೆಲಾ ಎಲ್ಯ ಇತ್ತ್ಂಡ್. ಯಾನ್ ಮಲ್ಲೆ ಆಯಿನೈಕ್ ದಕ್ಕ ಅವುಲಾ ಮಲ್ಲೆ ಆಂಡ್. ಇಂಚಪ ಇಂಚಪ ಯಾನ್ ಒಂತೆ ಅಡ್ಡ ಬುಲೆಯೆ (ತೋರ ಆಯೆ), ಪೇಂಟೆಲಾ ಅಡ್ಡ ಬುಲೆವೊಂದು ಉಂಡು ಪನ್ಕ, ಅವು ಬುಡಿ. ಅವ್ವೇ, ಪಾಕ ಒರ್ಸ ದುಂಬು, ಉಡಿಪಿ-ಕಾರ್ಲ-ಉಡಿಪಿಗ್ ಪೋಪಿನ ಬಸ್ಸುಲು ಗಂಟೆಗೊಂಜಿ, ರಡ್ಜ್ ಗಂಟೆಗೊಂಜಿ ಇತ್ತಿನಿ. "ಅರ್ವತ್ತಮೂರು ಎಪ್ಪತ್ತನಾಲ್ಕು ಕೊಂಡಾಡಿ
ಒಂದೂವರೆ, ಅರ್ವತ್ತಮೂರು ಎಪ್ಪತ್ತೈದು ಅತ್ರಾಡಿ ಒಂದು ಆಮೇಲೆ ಹಿರಿಯಡ್ಕ ಒಂದು. ಆಯಿತು ರೈಟ್" ಪಂದ್ ಕಂಬೈಂಡ್ ಬುಕ್ಕಿಂಗ್ ಎಜೆನ್ಸಿನ ಏಜೆಂಟ್ ಜಗನ್ನಾತೆರ್ ಪಂದ್, ಬಸ್ ಡುರು ಡುರು ಪಿದಾಡ್ರೆ ಅಟ್ಟನೆ ಮಲ್ಪುನಗ ಮದ್ಯ ಪ್ರಾಯದರ್ ಒರಿ ಪಾರೊಂದು ಬತ್ತೆರ್. ತೆಂಕಾವೊಂದು, ತೆಂಕಾವೊಂದು "ಜಗನಾತೆರೆ, ಜನಾತೆರೆ ಎನ್ನ ಬುಡೆದಿ ಬಂಜಿನಾಲ್, ರಡ್ಡ್ ಒಡ್ಪಿ "ಪಂಡೇರ್. ಅಲ್ಪ ಇತ್ತಿನ ಬಾಸೆದಾಂತಿ ಸಾಲೆದ ಜೋಕುಲು ತೆಲಿಪರೆ ಪತಿಯ. ಆರ್ ಅಮಸರೊಡು ಪನೊಂದು ಇತ್ತಿನೈತ ಅಭಿಪ್ರಾಯ ಇಂಚ: "ಎನ್ನ ಬುಡೆದಿ ಬಂಜಿನಾಲ್. ಅಂಚಾದ್ ಅಲೆಗ್ ಬೀಸ ಬೀಸ ಪಾರ್ದ್
ಬರಿಯೆರೆ ಆಪುಜಿ. ಒಂತೆ ಪೊರ್ತು ಬಸ್ಸ್ ಉಂತಾಲೆ, ದೂರ ಪೋಪಿನಗುಲು ಎಂಕುಲು ಉಡಿಪಿಗ್. ಅಂಚಾದ್ ಇರೆಗ್ಲಾ ಕಮೀಷನ್ ಹೆಚ್ಚ ತಿಕ್ಕುಂಡು". ಅತ್ತ್ ಯೇ ಈತ್ ಮಾತ ಆರ್ ಪನೊಂದು ಕುಲ್ಲುದುವೆರ್ಡ, ಇತ್ತೆದ ಎಕ್ಸ್ ಪ್ರೆಸ್ಟ್ ಬಸ್ಸಾಂಡ ಉಡಿಪಿಗ್ ಮುಟುದುವಂದಾ? ಬಾಸೆ ಉಂಡ ತೆಲಿಪುನಗಲೆ? ಪನ್ಪಿನಗಲೆಡ್ದ್ ಒಂತೆ ಹೆಚ್ಚ್ ಕಮ್ಮಿ ಆಂಡ, ಕೇನುನಗುಲು ಸರಿ ಮಲ್ತೊಂದು ಕೇನೊಡ್ಚ?
ಅತ್ತ್, ಕೆಲವು ಸರ್ತಿ ಕೇನುನಗುಲುಲಾ ಬಾಸೆದಂತಿನಗಲ್ನಕ್ಕ ಕೇನುವೆರ್. ಕಣಂಜಾರ್ ಇಗರ್ಜಿದ ಮಸಣೊಡು ಗುರಿ ದೆಪ್ಪುನ ಬೇಲೆದಾರೆಡ ಏರಾ ಕೇಂಡೆರ್ಗೆ "ದಾನೆ ಬೊಕ್ಕ ಇಂಚು ಪರ್ಬುಲೆ, ಕಾರ್ ಬಾರ್ ಏಂಚ?" ಪಂದ್. ಆರ್ ಸಟಕ್ಕ ಪಂದೆರ್ಗೆ "ಕಾರ್ ಬಾರ್ ಮನ್ನ್, ಇಂಚ ಏರ್ಲಾ ಸೈಯರೆಲಾ ಸೈಪುಜೆರ್" ಪಂದ್. ಬಾಸೆದಾಂತಿ ಪರ್ಬುಲು, ಮೇರೆಡ್ದ್ "ಇಂಚಪ ಬ್ಯಾರ ಚಪ್ಪೆ" ಪನ್ಪಿ ದಾಕ್ದಾರ್ಲು (ಡಾಕ್ಟರ್)
97
