ಚೀನಾದ ಕಾದಂಬರಿತ ಬಗ್ಗೆ ಎಡ್ಡೆ ತೆರಿದುಪ್ಪುಂಡು. ಆಂಡ, ನಮ ಮರ್ಗಿಲ್ಡೇ ಉಪ್ಪುನ ಪ್ರದೇಶದ ಬಾಸೆಡ್ ದಾದ ಸಾಹಿತ್ಯದ ಕೆಲಸ ಆತ್ಂಡ್ ಪನ್ಪಿನವು ನಂಕ್ ಗೊತ್ತಿಜ್ಜಿ. ಕನ್ನಡೊಡು ಎಂಚಿನ ಕೆಲಸ ಆಪುಂಡು, ತುಳುಟು, ಕೊಂಕಣಿಡ್ ಎಂಚಿನ ಕೆಲಸ ಆಪುಂಡು ಪನ್ಪಿನವು ಎಂಕ್ ಗೊತ್ತಾವೊಂದಿಜ್ಜಿ.
ಆಯಿನೆಡ್ದಾವರ, ಕೇಂದ್ರ ಸಾಹಿತ್ಯ ಅಕಾಡೆಮಿ ಇತ್ತ್ಂಡಲಾ, ಖಂಡಿತವಾದ್ಲಾ ತೀರ್ನಾತ್ ಕೊಳುಕೊಡುಗೆ ನಡತೊಂದು ಉಂಡು ಇಂದಾಂಡಲಾ, ಈ ಕೊರತೆ ನಮ ಎದುರು ಉಂಡು. ಅಂಚಾದ್, ಒಂಜಿ ಬಾಸೆದ ರಕ್ಷಣೆ ಪನ್ಪಿನವು - ಅವು ಒವ್ವಾ ಸಂಸ್ಥೆಡ್ದ್ ಅತ್ತ್ಂಡ ಅಕಾಡೆಮಿಡ್ದ್ ಅಪಿನವು ಅತ್ತ್. ಆ ಕೆಲಸ ಜನೊಕ್ಲೆಡ್ದ್ ಆವೊಡು. ಸಂತೋಸ್ದ ಸಂಗತಿ ಪಂಡ, ನಿಕುಲು - ತುಳುವೆರ್, ಬಾಸೆ, ಸಾಹಿತ್ಯೊಗು ಎಡ್ಡೆ ಅಭಿಮಾನ ದೀಯೊಂದರ್. ನಿಕುಲೊಂಜಿ ಅಕಾಡೆಮಿನ್ ಮಲ್ತೊಂದರ್. ಬಾಸೆ, ಸಾಹಿತೊಗು ಎಡ್ಡೆ ಸೊಂದ್ದಿನಕ್ಲೆನ್ ತೂದು ನಿಕುಲು ಒರ್ಸ - ಒರ್ಸಲಾ ಪ್ರಶಸ್ತಿ ಕೊರೊಂದುಲ್ಲರ್. ನಿಕಲೆಗ್ ನಿಕಲ್ನ ಬಾಸೆದ ಮಿತ್ತ್ ಉಪ್ಪುನ ಮೋಕೆಗ್ ಈ ಮಾತ ಕೆಲಸೊಲು ಸಾಕಿಯೊದುಲ್ಲ. ತುಳು ಬಾಸೆನ್ ಪಾತೆರುನಕುಲು ಒಂಜಿ ಮಿಲಿಯನಾ, ರಡ್ಡ್ ಮಿಲಿಯನಾ ಪನ್ಪಿನವು ನೇಲ್ಯ ಸಂಗತಿ ಅತ್ತೇ ಅತ್ತ್.
ಒಂಜಿ ರಡ್ಡ್ ಉದಾರ್ಮೆ ಯಾನ್ ನಿಕಲೆಗ್ ಕೊರ್ಪೆ, ನಿಕಲೆಡ್ ಸಾಹಿತ್ಯದ ವಿದ್ಯಾರ್ಥಿಲಾ ದುಪ್ಪುನಕುಲು 'ಡೆರಿಕ್ ವಾಲ್ಕೋಟ್'ನ ಪುದರ್ ಕೇಂಡ್ದುಪ್ಪರ್. ಇಂಗ್ಲೀಷ್ಡ್ ಬರೆಯೊಂದುಪ್ಪುನ ಈ ಕವಿ ವೆಸ್ಟಿಂಡೀಸ್ದಾಯೆ. ಕೆಲವು ವರ್ಸೊಗು ಪಿರಾವುಡು ನೋಬೆಲ್ ಪ್ರಶಸ್ತಿ ಪಡೆಯೊಂಡೆ ಜಗತ್ತ್ಡೇ ಪ್ರಸಿದ್ಧಿ ಪಡೆಯೆ. ಇಂಚಿತ್ತಿನ ವಾಲ್ಕೋಟೇ, ಇಂಚಿಪ ಒಂಜಿ ಪಾತೆರ ಪಂಡೆ, "ಎಂಕ್ಲಾ ಒಂಜಿ ಸೊಂತ ಬೇತೆನೇ ಬಾಸೆ ಇತ್ತ್ಂಡ್. ಎನ್ನ ಕುಲತ ಜನೊಕ್ಲೆನ ಒಂಜಿ ಬಾಸೆ ಇತ್ತ್ಂಡ್, ಬ್ರಿಟಿಷೆರ್ ಎಂಕಲೆನ್ ಆಳ್ಯೆರೆಗ್ ಸುರುಮಲ್ತಿ ಬೊಕ್ಕ ಎಂಕಲ್ನ ಬಾಸೆ ಎಂಕಲ್ನ ಕೈತತ್ತ್ ಪೋಂಡು ಆಂಡ... ಆಂಡ... ಎನ್ನ ಉಡಲ್ದ ಉಲತ್ತುಲಾಯಿ ಅಪಗಪಗ... ಆನಿ ಮರತ್ತ್ ಪೋಯಿ ಎನ್ನ ಬಾಸೆದ ಲಾಲಿ ಪದೊಕ್ಲೆನ ಜಾನಪದೀಯವಾಯಿಂಚಿ ಆತ್ಮೀಯ ಬಾಸೆದ ಪದೊಕ್ಲೆನ ಕೆಲವಂಶೂಲು ಎನ್ನ ಉಡಲ ಬರಿಕ್ ಬೀಜುವ !... ಎನ ಪ್ರಜ್ಞೆದ ಉಲಮೆಯಿಟ್ ಆ ಸಬ್ದೊಲು ಮೆಯಿ ಇರ್ಮೆನ ಮಲ್ತೊಂದುಪ್ಪುವ...!
ಇಂಚೆನೆ ನನೊಂಜ ಉದಾರ್ಮೆ ಆಸ್ಟ್ರೇಲಿಯಾದವು. ಅಲ್ಪದ ಒಂಜಿ ಸಂಸ್ಥೆ ಕಳವಾತಿನ ಸಂತತಿ' ದ ಬಗ್ಗೆ ಅಧ್ಯಯನ ಮಲ್ತೊಂದುಂಡು. ಒಂಜಿ ಕಾಲೊಡು, ಅಲ್ಪ ಬೊಲ್ದು
2
