ತುಳು ಬಾಸೆಗ್ ಎಡ್ಡೆ ಭವಿಷ್ಯ ಉಂಡು
ನಾಡೊರ್ಮೆದ ತಥಾಕಥಿತ ಮಲ್ಲ ಬಾಸೆಲು (ಮಲ್ಲ ಬಾಸೆಲುಂದ್ಂಡ ದಿಂಜ ಸಂಕೆದ ನರಮಾನಿ ಗಲಸುನ ಬಾಸೆಲು) ಎಲ್ಯ ಬಾಸೆಲೆನ (ಪಂಡ, ಕಮ್ಮಿಸಂಕೆದ ಜನ ಪಾತೆರುನ ಬಾಸೆಲು) ಮಿತ್ತ್ ಸವಾರಿ ಮಲ್ಪುನ ಸುಬಾವುದವು. ಆಂಡ ಮುಲ್ಪ ಎಂಕ್ ಬಾರಿ ಸಮಾಧಾನಂದ್ ಪಂಡ, ತುಳು ಬಾಸೆನ್ ಪಾತೆರುನಕಲ್ನ ಜನಕ್ಲೆನ ಸಂಕೆ ಕಮ್ಮಿ ಇತ್ತ್ಂಡಲಾ ತುಳುಟ್ಟು ಬರೆಪಿನಕಲ್ನ ಸಂಕೆ ಕಮ್ಮಿ ಇತ್ತ್ಂಡಲಾ ತುಳುಟ್ಟು ಬರೆಪಿನಕಲ್ನ ಸಂಕ್ಯೆ ಕಮ್ಮಿ ಇತ್ತ್ಂಡಲಾ, ಈ ಬಾಸೆ ಕೇಂದ್ರಿಯ ಸಾಹಿತ್ಯ ಅಕಾಡೆಮಿದ ಮಾನ್ಯತೆನ್ ಇನಿಮುಟ್ಟ ಪಡೆಯಿಜಿಂದಾಂಡಲಾ, ತುಳುಕು ಉಪ್ಪುನ ಸಾಹಿತ್ಯ ಅಕಾಡೆಮಿ ಪೊರ್ಲುದ ಕಾರ್ಯನಿರ್ವಹಣೆ ಮಲ್ತೊಂದುಂಡು ಪನ್ಪಿನವೇ ಒಂಜಿ ಮಾಮಲ್ಲ ಸೌಭಾಗ್ಯದ ಸಂಗತಿ.
ತುಳುಕು ಕೇಂದ್ರೀಯ ಸಾಹಿತ್ಯ ಅಕಾಡೆಮಿದ ಮಾನ್ಯತೆ ತಿಕ್ದಿಪ್ಪಂದ್. ಆಂಡ, ಈ ದೇಶೊಡು ಅನೇಕ ಬಾಸೆಲು ಸಂವಿಧಾನ ಮಾನ್ಯತೆಗಾದ್ ಹೋರಾಟ ಮಲ್ತೊಂದುಲ್ಲ. ಆವೆಟ್ ಒಂಜಿ ತುಳು, ನನೊಂಜಿ 'ಬೋಡೋ' ಬಾಸೆ. ನಮ ದೇಶೊಡು ಅನೇಕ ಬಾಸೆಲು ಉಲ್ಲ ಕೆಲವು ಒರ್ಸೊಡ್ದು ಪಿರಾವು ಡಾ. ರಾಧಾಕೃಷ್ಣನ್ ಒಂಜಿ ಪಾತೆರ ಪಂತೆರ್, “ಭಾರತೀಯ ಸಾಹಿತ್ಯ ಪೂರ ವಿವಿಧ ಬಾಸೆಲೆಡ್ ಬರೆದಿತ್ತ್ಂಡಲಾ ಪೂರಲಾ ಒಂಜೇ (Indian literature is one though it is written in several languages') ಅಂಚ ತೂಂಡ ಈ ಪಾತೆರ ಪೊರ್ಲಕಂಟ್ದವು. ನಿಕುಲು ನನಲಾ ಅವೆತ ಗಾಂತ್ರಗಾಂತೊಗು ಪೋದು ಉಲಮರ್ಮ ತೆರಿಯಿಂಡ ಈ ಪಾತೆರದ ಅರ್ತ ನನಲಾತ್ ಪೊರ್ಲು ತೆರಿವು. ಅಂಡಲಾ ಪ್ರತಿಯೊಂಜಿ ಬಾಸೆ ಅವೆತ ಸಾಹಿತ್ಯ. ಐತೈತ ಪರಂಪರೆ, ಭೌಗೋಳಿಕತೆಗ್ ಸರಿಯಾದ್ ರೂಪಪಡೆಯಿನವುಂದ್ ತೆರಿಯು. ನಮ ದೇಶೊಡು ಏತೇತೋ ಸಂಕ್ಯೆದ ಬಾಸೆಲು ಇಪ್ಪುನೆಡ್ದಾವರ, ನಮ ಮರ್ಗಿಲ್ದ ಪ್ರದೇಶೊಡು ದಾದ ಆವೊಂದುಂಡು ಪನ್ಪಿನವು ತೆರಿಯೊಂದಿಜ್ಜಿ. ಸಾಹಿತ್ಯದ ವಿದ್ಯಾರ್ಥಿಯಾದುಪ್ಪುನ ಎನ್ನಂಚಿನಾಯಗ್ ದೂರದ ಲ್ಯಾಟಿನ್
ಅಮೇರಿಕೊಡು ದಾದ ಆವೊಂದುಂಡು, ಅತ್ತ್ಂಡ ಇಂಚಿನ ನೋಬೆಲ್ ಪ್ರಶಸ್ತಿಗೆಂದಿನ
1
