ಜನಾಂಗದಕುಲು ಬತ್ತ್ದ್ ಉಂತಿಯೆರ್. ಅಕ್ಲೆಗ್, ಅದಮುಟ್ಟ ಅಲ್ಪ ಇತ್ತಿಂಚಿ ಕಂದುವರ್ಣದ ಆದಿವಾಸಿ ಜನಾಂಗೊಲು ಪ್ರೇಜನದಾಂತಿನಕುಲುಂದ್ ತೋಜಿಂಡ್ಗೆ. ಅಕ್ಲೆನ್ ಪೊಸ ವಾತಾವರಣದ ಮಾತೆರೆನೊಟ್ಟಿಗೆ ಕೊಣತ್ತ್oಡ ಮಾತ್ರ ವರ್ಣಭೇದದ ಸಮಸ್ಯೆಲು ಪರಿಹಾರ ಆವೊಂದ್ ನೆನೆತಿನ ಬೊಲ್ದು ಜನಾಂಗದ ಐರೋಪ್ಯೇರ್ ಅಲ್ಪದ ಹಳ್ಳಿಲೆಗ್ ಪೋದು ಆದಿವಾಸಿಲೆಡ “ನಿಕಲ್ನ ಬಾಲೆಲೆಗ್ ಬಂಜಿಗ್ ನುಪ್ಪು ಕೊರ್ರೆಲಾ, ಬರವುಸರವು ಕಲ್ಪಾವರೆಲಾ ನಿಕಲ್ಡ ಸಾಧ್ಯಯಿಜ್ಜಿ. ತೂಲೆ, ನಿಕಲ್ನ ಬಾಲೆಲೆನ್ ಎಂಕಲೆಗ್ ಕೊರ್ಲೆ, ಎಂಕುಲು ಅಕಲೆನ್ ಎಡ್ಡೆ ಮಲ್ಬಮ ಇಂದ್ ಪಂಡೆರ್. ಕೆಲವೆರ್ ಒಪ್ಪಿಯೆರ, ಕೆಲವೆರ್ ಒಪ್ಪಿಜೆರ್. ಒಪ್ಪಂದಿನಕಲೆನ್ ಬಲಾತ್ಕಾರೊಡು ಕಂಡ್ದ್ ಕೊಣೊಯೆರ್. ಉಂದು ಚರಿತ್ರೆಡ್ ನಡತ್ತಿ ಸಂಗತಿ.
ಇತ್ತೆ ಆಸ್ಟ್ರೇಲಿಯಾದ ಆ ಅಧ್ಯಯನ ಸಂಸ್ಠೆ ಇಂಚಿತ್ತಿ ಜನೊಕ್ಲೆನ್ ನಾಡ್ದ್ ಪತ್ತ್ಂದ್ಂಡ್. ಅಕುಲು ಆನಿ ಕಳವಾಯಿನ ಜನಾಂಗ. ಮೊಕುಲು ಏರ್, ಒಲ್ತ ಮೂಲದಕುಲು ಪನ್ಪಿ ಸಂಗತಿಯೇ ಇನಿ ಮುಟ್ಟ ತೆರಿದ್ ಬೈದ್ಜಿ. ಅಕುಲು ಕೇಂಡ ಪಣ್ಪೆರ್ಗೆ. ಎಂಕುಲು ಏರ್, ವಾ ಜನಾಂಗಲ ಎಂಕಲೆಗ್ ಗೊತ್ತುಜ್ಜಿ, ಎಂಕಲೆಗ್ ಅಸ್ಪಷ್ಟವಾದ್ ಕೆಲವು ಜೋಗುಳ ಪದತ ಸಾಲ್ಲು ಓಲೋ ಕೇಂಡಿಲೆಕ ನೆಂಪಾಪುಂಡು.ಎಂಕ್ಲೆಗ್ ಆವು ಕುಡ ಬೋಡುಂದಾಪುಂಡು. ಆ ಶಬ್ದಲು ಇಡಿಯಾದ್ ಎಂಕಲೆಗ್ ಬೋಡು, ಎಂಕಲ್ನ ಆ ಒಂಜಿ ಬಾಸೆ ಒವು! ಎಂಕಲೆಗ್ ಅವು ಬೋಡುಂದಾಪುಂಡು!... ಇನಿ ಎಂಕ್ಲೆನ್ ಕಂಡ್ದ್ ಕೊಣತಿನಕುಲು ಎಂಕಲೆಗ್ ಎಡ್ಡೆ ವಿದ್ಯೆ ಕೊರ್ದಿಪ್ಪರೆಗ್ಯಾವು. ಸಮಾಜೊಡು ಎಡ್ಡೆ ಸ್ಥಾನಮಾನ ಕೊರ್ದಿಪ್ಪೆರೆ ಯಾವು. ಆಂಡ, ಎಂಕುಲು ಎಂಕಲ್ನವೇ ಆದಿತ್ತಿನ ಒಂಜಿ ಬಾಸೆನ್ ಅವೆತ ಪೊರ್ಲಕಂಟ್ ಜನಪದ ಸಾಹಿತ್ಯೊನು, ಜನಪ್ರಿಯ ಸಂಸ್ಕೃತಿನ್ ಕಳೆವೊಂದತ್ತಾ, ಈ ದುಃಖ ತಡೆವರೆ ಆವಂದಿನವು. ಇಂಚ ಆ ಜನೊಕುಲು ಪಣ್ಪೆರ್ಗೆ.
ಒಂಜಿ ವೆಸ್ಟಿಂಡೀಸ್ದ , ನನೊಂಜಿ ಆಸ್ಟ್ರೇಲಿಯಾದ ರಡ್ಡ್ ಉದಾರ್ಮೆಲೆನ್ ಯಾನ್ ಮುಲ್ಪ ಕೊರ್ಯೆ ದಾಯೆಂದ್ಂಡ, ನಮ್ಮ ವಾಯಿನ ಒಂಜಿ ಬಾಸೆ ಉಂಡುಡಾ, ಅಯಿನ್ ಪಾತೆರುನ ಜನಸಂಖ್ಯೆ ಒಂತೆ ಆದುಪ್ಪಡ್, ಅಯಿಟ್ ಬರೆಯಿನ ಸಾಹಿತ್ಯಕೃತಿಲು ಇನಿಕ್ ಮಾರಾಟ ಆವಂದೆ ಉಪ್ಪು. ಆಂಡಲಾ, ನಿಕುಲು ಆ ಬಾಸೆನ್ ಪೊರ್ಲುಡು ಸಾಂಕೊಡು. ಒಂಜಿ ದಿನ ಅತ್ತ್ಡ ನನೊಂಜಿ ದಿನ ಈ ಬಾಸೆಗ್ ಮಾನ್ಯತೆ ತಿಕ್ಕು! ಜಗದ್ವಿಖ್ಯಾತಿ ಪಡೆಯುನ ಪ್ರತಿಭಾವಂತೆರ್ ಬೊಕ್ಕೊಂಜಿ ದಿನ ತನಡ್ ತಾನೆ ಪುಟ್ಟುವೆರ್ ಕಾಲನೇ
3
