ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ನಮುನೆಡ್ ನೆತ್ತೆರ್ ಕೊರುಂಡ ದಾಲಾ ಉಪದ್ರ ಮಲ್ಪಯ ಪಕ್ಷುನ ನಂಬಲಿಗೆ ಆದಿಪ್ಪು. ಅಂಚನೆ ಕಿದೆ ದೆಕ್ಕುನ ಕುತ್ತಿ ಮೈಪುನು ಪೊತ್ತಾದ್ ತೊರಪುನಗ ಆ ತೂತ ಜಾಲೆಗ್ ದುಷ್ಟ ಶಕ್ತಿಲು ಪೋಡಿದು ಬಲಿಪುಂಡು ಪಂದ್ ದುಂಬುದಾಕ್ಲು ಎನ್ದಿಪೆರ್.
•ನನ ಕೆಲವೆರ್ .. ಆ ಮಂತ್ರಡ್ ಕಕ್ಕೆದಿಟ್ಟಿ, ಕುದ್ಕೆದಿಟ್ಟಿ, ನಾಯ್ಡ ದಿಟ್ಟಿ, ಪುಚ್ಚೆದಿಟ್ಟಿ, ದಗೆ ದಿಟ್ಟಿ, ಪಗೆದಿಟ್ಟಿ, ಸಿಂತ್ರಿ ದಿಟ್ಟಿ, ನಂಜಿದಿಟ್ಟೆಕಿಚ್ಚಿ ದಿಟ್ಟಿಂದ್ ಉದ್ದ ಮಲ್ತದ್ ತೊರತ್ದ್. ಗೆಂಡರ್ ಪಾಡ್ವೆರ್. ಇತ್ತೆ ದಿಕ್ಕೆಲ್, ಗೆಂಡ ಒಲ್ಪ ಉಂಡು, ಗ್ಯಾಸ್ ಅತ್ತಡ ಕರೆಂಟ್ ದಿಕ್ಕೆಲ್ಗ್ ತೊರತ್ತ್ ದ್ ಪಾಡ್ರೆಗ್ ಸಾಧ್ಯ ಇಜ್ಜಿ.
•ಕುತ್ತಿ ಮೈಪುದ ಕಡ್ಡಿನ್ ಪೊತ್ತಾದ್, ತೊರತ್ದ್ ಐತ ಕರಿನ್ ಬಾಲೆದ ಮುಂಡೊಗ್ ಮುಟ್ಟಾವೆರ್.
•ನನೊಂಜಿ ನಮುನೆಡ್ ದಿಟ್ಟಿ ( ಕಾಲೆ )ದೆಪ್ಪುನ ಕ್ರಮ ಉಂಡು. ನಡ್ತಿಲ್ದ ತಡ್ಯಡ್ ಅಪ್ಪೆ- ಬಾಲೆನ್ ತುಡೆಟ್ ಕುಲ್ಲಾವೊಂದು ನನೊರ್ತಿ ಹರಿಯಾನಡ್ ಕುರ್ನೀರ್ ದೀದ್ ಒಟ್ಟೆ ತಿಪ್ಪಿ ಪೊತ್ತಾದ್ ತೂ ಆರ್ಲನಗ ಅತ್ತಡ ಕುತ್ತಿ ಮೈಪುದ ಐನ್ ಕಡ್ಡಿ ಪೊತ್ತಾದ್ ಅಪ್ಪೆ ಬಾಲೆಗ್ ಉಲಾಯಿ -ಪಿದಾಯಿ ತೊರತ್ದ್ ಕುರ್ನೀರ್ಗ್ ಕಂತಾವೊಡು (ಮುರ್ಕಾವೊಡು). ಅಂಗೈಡ್ ಬಾಲೆದ ಮೋನೆಗ್ ರಪ ರಪ ಕುರ್ನೀರ್ ತೇತ್ ದ್ ನೀರ್ನ್ ಬಿರೆಲ್ಡ್ ಬಾಲೆಗ್ ಪರ್ಪಾವೆರ್. ಅಪ್ಪೆ ಬಾಲೆನ್ ಪತೊಂದು ಕುರ್ನೀರ್ ದ ಹರಿಯಾನ ದಂಟ್ದ್ ಬತ್ತಿ ಬೊಕ್ಕ ನನ ಒರ್ತಿ ಅವೆನ್ ಮೂಜಿತಾದಿ ಕೂಡುನಲ್ಪ ಗೂಪೆರ್. ಇಂಚನೆ ಪರಕುಂಟುದ ಕೋಲ್ನಿನೆಡ್ಲ. ಮಲ್ಪೆರ್. ಬೊಕ್ಕ ತಿಪ್ಪಿನ್ ಕೋಲ್ನಿನೆನ್, ಮೈಪುಕಡ್ಡಿನ್ ಮಾಡ್ಗ್ ದಕ್ಕವೆರ್ಗೆ
•ಪೆರ್ಚ್ ಕಟ್ಸ್ದ್ ಬಾಲೆ ತಿನಂದೆ-ಪತ್ತಂದೆ ಛದಿಟ್ಸ್ ಬುಲಿಪುನಗ, ಮರ್ದ್ಮಲ್ಂಡಲ ಗುಣ ಆವಂದಿನ ಸೀಕ್ ಗ್, ಭೂತ-ಪ್ರೇತದ ಉಪದ್ರಂದ್ ಪಿರಿಕಟ್ಟೆ ಮಲ್ಪರೆಗ್ ಮಲ್ಪುನ ಮಾಂತ್ರಿಕ ಕ್ರಿಯೆದೊಟ್ಟುಗು.
. •ದಿಟ್ಟಿ ಪೋವೆರೆಗಾತ್ರ ನುಪ್ಪುದ ತೆಲಿಕ್ ಮಜಿತ ತುಂಡುನು ಪಾಡ್ದ್ ಬಾಲೆಗ್ ತೊರತ್ತದ್ ದಕ್ಕವೆರ್.
ಮಾಂತ್ರಿಕ ಕ್ರಿಯೆದೊಟ್ಟುಗು ಕೆಲವು ಧಾರ್ಮಿಕ ಕ್ರಿಯೆಲಾ ಉಂಡು. ಎಲ್ಯ ಬಾಲೆಲು ಛದಿಟ್ ಬುಲ್ತ್ ದ್ ರಂಪ ರೂಟಿ ಮಲ್ಪುನವು ಸಹಜವಾತಿನ ಸಂಗತಿ. ಆಂಡ ಪಗೆಲ್ ರಾತ್ರೆ ಪುರುಬಾಲೆಲು ಛದಿಟ್ ಬುಲ್ತೊಂದಿತ್ತುಂಡ ಪೆದ್ದುನಾಕ್ಲು ಗಾಲ್ಮೇಲಾಪೆರ್. ಬಡವು ಅತ್ತಂಡ ಬೇನೆ ಇತ್ತಂಡ ಪುರುಬಾಲೆಲು ಬುಲಿಪುವ ಆಂಡ ಕಾರಣಧಾಂತೆ ಬುಲ್ತುಂಡ
98
