ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ಬಾಲೆನ್ ತೊಟ್ಟಿಲ್ಪಾಡ್ನಗ ಸುರುಕು ಗುಂಡುಕಲ್ ಪಾಡ್ವೆರ್. ಐತ ಆಯುಷ್ಯ ಕಲ್ಲಲೆಕ್ಕ ಗಟ್ಟಿ ಉಪ್ಪಡ್ಂದ್.
•ತೆಪ್ಪು ಇತ್ತಿನ ತಾರಾಯಿನ್ ಪಾಡುವೆರ್. ತಾರೆದ ಮರ,ಲೆಕ್ಕ, ಬುಲೆವಡ್. ನನೊರಿಯಗ್ ಉಪಕಾರಿ ಆದ್ ಬದ್ಕಡ್ಂದ್. ಬಾಲೆಗ್ ದಿಟ್ಟಿ ಬೂರಲೆಕ್ಕ.. ಮಿಪಾಯಿಪೆಟ್ಟ್ಗ್ ಗುರ್ಕೆದ ಕರಿನ್ ಮುಂಡಗ್ ಮುಟ್ಟಾವರ್. ಏರ್ಯೆನ್ರ ದಿಟ್ಟಿ ಬೂರಂದಿಲೆಕ್ಕ.. ಮಲ್ಲ ಮಲ್ಲ ಮೈತ ಬೊಟ್ಟುಲೆನ್ ಮುಂಡೊಗು. ಕೆಪ್ಪಡೆಗ್ ಪಾಡುವೆರ್.
•ಬಾಲೆ ನಿದಿರೆಡುಪ್ಪುನಗ ಐತ ಪುದಾರ್ಡ್ ಮೂಜಿ ಸರ್ತಿ ಲೆತ್ತ್ದ್ ದೆರ್ಪೊಡುಗೆ, ಅವ್ ನಿದಿರೆಡ್ ದೇವೆರ್ಡ ಪಾತೆರೊಂದುಪ್ಪುಂಡುಗೆ.
•ಪುರುಬಾಲೆ ನಿದಿರ್ನಗ ದೇವೆರ್ ಐಟ ನಿನ್ನ ಅಮ್ಮೆ ತೈತೆ ಪನ್ಪೆರ್ಗೆ.ಅಪಗ ಬಾಲೆ ಅಯ್ಯೋ ಯಾನ್ ಒರಲಾ ಅಮ್ಮನ್ ತೂಯಿಜೆನೇ ಪಂದ್ ಬುಲಿಪುಂಡುಗೆ. ಕುಡ ನಿನಪ್ಪೆ ತೈತೊಲುಂದ್ ದೇವೆರ್ ಪನ್ನಗ,, ಬಾಲೆ ಇಜ್ಜಪ್ಪ ಯಾನಿತ್ತೆ ಅಪ್ಪೆನ ಮಿರೆ ಪೇರ್ ಪರ್ದ್ ಬತ್ತೆ ಪಂದ್ ಕಿಟಿ-ಕಿಟ ತೆಲ್ಪುಂಡ್ಗೆ
•ಪನೊರಿ ತುಂಡುನು ಗೆಂಡಡ್ ಕಾಯ್ದ್ ಐಕ್ ಒಂಜಿ ಲೋಟೆ ಕುರ್ನಿರ್ ನ್ ಪಾಡ್ದ್, ಆ ಕರ್ಬದ ನೀರ್ನ್ ಬಾಲೆದ ಮೋನೆಗ್ ತರ್ತ್ದ್ ರಡ್ಡ್ ಸಕ್ಕನ ನೀರ್ನ್ ಪರ್ಪಾವೆರ್ . ಸುನ್ನ ಬೊಕ್ಕ ಕರ್ಬದ ನೀರ್ ಜೀವಗ್ ಎಡ್ಡೆ. ಚದಿ ಚೊರೆ ಮಲ್ಪುಜ್ಜ. ಪೋಡಿಗೆಡ್ ಬುಲಿಪುಜ್ಜಗೆ. ವೈಜ್ಞಾನಿಕವಾದ್ ಕರ್ಬದ ನೀರ್ ಆರೋಗ್ಯಗ್ ಎಡ್ಡೆ. ಬೆಚ್ಚದ ಕರ್ಬ ಜುಂಯಿ ಜುಂಯಿ ಪನ್ನಗ ಬಾಲೆದ ಪೋಡಿಗೆ ಪೋಪುನ್ಡು ಪನ್ಪುನ ನಂಬಲಿಕೆ.
•ಐತಾರ, ಅಂಗಾರೆ, ಪಾಸ, ಸಂಕ್ರಾಂತಿ, ಅಮಾಸೆ, ಪುನ್ನಮೆ ಇಂಚಿನ ಪರ್ವ ದಿನಕ್ಲಡ್ ಮುಚ್ಚಂಜೆ ಪೊರ್ತುಗು ದಾಸಮಿ, ಉಪ್ಪು, ಬಾರ್, ಉಳ್ಳಿ, ಸಂಬಾರ್ದರಿತ ಚೂಲಿ ಮುಂಚಿ ಉಂದೆನ್ ಒಟ್ಟು ಮಲ್ತಿನೈನ್, ಬಾಲೆನ್ ಅಪ್ಪೆನ ಮುಟ್ಟೆಲ್ಡ್ ಕುಲ್ಲಾದೀದ್ ದಿಟ್ಟಿ ದೆಪ್ಪೆರೆಗಾದ್ರ ಮೂಜಿ ಸರ್ತಿ ಪಿರ ದುಂಬು., ಮೈ ಕೊಡಿ ಕಡೆ ತೊರತ್ತದ್ ಗೆಮಲುನ ಗಂಡಗ್ ಪಾಡ್ನಗ, ಚಟ ಪಟ ಚಟ-ಪಟಾಂದ್ ಪುಡಾದ್ ಪೋನಗ ಸಬ್ಬಗ್ ಆ ಘಾಟ್ಗೆ ದುಷ್ಟ ಶಕ್ತಿಲು ಬಲ್ತ್ ದ್ ಪೋಪುಂಡುಗೆ.
•ಅದಗದ ಮಂತ್ರ : ಅಪ್ಪೆ ದಿಟ್ಟಿ, ಅಮ್ಮೆ ದಿಟ್ಟಿ, ಜನಮಾನಿ ದಿಟ್ಟಿ, ಭೂತ ದಿಟ್ಟಿ ಪ್ರೇತ ದಿಟ್ಟಿ ಮುಂಡೆ ದಿಟ್ಟಿ, ರಂಡೆ ದಿಟ್ಟಿ, ಗೊಡ್ಡು ದಿಟ್ಟಿ ಮಾತಾ ದಿಟ್ಟಿಲಾ ಪಟ ಪಟ ಪುಡಾದ್ ಪೋವಡ್.
•ಕುರ್ನಿರ್ ಪಂಡ ಕುಂಕುಮನ್ ನೀರ್ ಡ್ ಕರಡಾಯಿನವು ನಮ್ಮ ಜನಪದರೆರ್ ಅವೆನ್ ನೆತ್ತೆರೆಂದೂ ಎನ್ದ್ ಬಾಲೆಗ್ ಸೋಂಕನೆ ಆತಿನ ದುಷ್ಟ ಶಕ್ತಿಲೆಗ್ ಈ
97
