ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಕಾರ್ನಿಕದ ದೈವ ದೇವೆರ ಖಂಡಗ್ ಬಾಲೆ ಮಲ್ಲಾಯಿ ಬೊಕ್ಕ ಎಂತಿಣ ತುಪ್ಪು ತುಂಬಿದ್ ಪಾಡ್ಪಾವಂದ್ ಮಲ್ಲಕ್ಲು ಪರಕೆ ಪಂಡೊನ್ವೆರ್. ಉರ್ದಾಮೆಗ್ ನೆಲ್ಯಾಡಿದ ಕೋರಿಜಾತ್ರೆ ಛದಿಕ್ ತೊಪ್ಪೆ ಮರ್ದ್ಂದ್ ವಾಡಿಕೆದ ಪಾತೆರ ಉಂಡು. ಅಲ್ಪದ ಶ್ರೀ ವೈದ್ಯನಾಥೇಶ್ವರ ದೇವಸ್ಥಾನದ ಖಂಡಡ್ ಧರ್ನುಮಾಸದ ಸುರುತ ದಿನ ಕೋರಿ ಜಾತ್ರೆ ನಡಪುಂಡು. ಅಪಗ ದೇವೆರ ಖಂಡಗ್ ತೊಪ್ಪು ತುಂಬುದ್ ಸೇವೆ ಸಂದಾವಂದ್ ಪನ್ತಿನ ಕ್ಷಣಂಟ್ ಬಾಲೆಲು ಬುಲ್ತ್ ರಂಪ ಮಲ್ಪಂದೆ ಕುಶಿಟ್ ಉಪ್ಪೆರ್ಂದ್ ತುಳು ಜನಪದೆರ್ನ ನಂಬಲಿಕೆ.
ದಿಟ್ಟ ಗೆಪ್ಪುನ ನನೊಂಜಿ ಕ್ರಮ:
•ಮೂಜಿಕೋಡಿ ಕತ್ತಲೆಡ್ ಬಾಲೆನ್ ತಡ್ಯಡ್ ಕುಲ್ಲಾದ್ ತರೆಡ್ದ್ ಕಾರ್ ಪೂಜಿದ್ ನೆಲಕ್ ಬಿರೆಲ್ನ್ ಒತ್ತುದು ನೆಟ್ಟಿ ದೆಪ್ಪೆರ್. ಅದಗ ಒಂಜಿ ಲಟ-ಲಟ ಸಬ್ದ ಆನಗ.. ಬಾಲೆಗ್ ದಿಟ್ಟಿ ಕಂತ್ದೇ ಪೋತುಂಡುಂದ್ ಎನ್ವೇರ್.
ಅದಗದ ಮಂತ್ರ: ಗಾಲಿ ದಿಟ್ಟಿ ಬೋಲಿ ದಿಟ್ಟಿ, ಕಲ್ಪ ದಿಟ್ಟಿ, ಹಾಲ್ ದಿಟ್ಟಿ, ಕಾಲೇ ದಿಟ್ಟಿ ನಿನನ್ ತೂಯಿನಾಕ್ಲೆನ ಅಂಗಲಾಪುದ ದಿಟ್ಟಿ ಕಿಚ್ಚಿ-ಮಚ್ಚರದ ದಿಟ್ಟಿ ಮಾತಾ ಪಟ ಪಟ ಪುಡಾದ್ ಪೋವಡ್.
ಕೊರಗೆರೆಗ್ ಬಾಲೆನ್ ದಾನ ಕೊರ್ಪುನ ಕ್ರಮ: ಬಾಲೆ ಒವ್ವಾ ಸೀಕ್ಡ್ ರೆಂಕೊಂದು ನಚ್ಚೊಂದು ಬದುಕುನ ಆಸೆ ಒರಿಯಂದೆ ಉಪ್ಪುನಗ ಕೊರಗೆರೆನ್ (ಪೊಂಜೊವೆನ್) ಲೆಪುಡಾದ್ ಆಕುಲೆಗ್ ತಮ್ಮನದ ಉನಸ್ ಪಾಡ್ದ್ ಕೈ ನಿಲ್ಕೆ ಉಡುಗೊರೆ ಕೊರ್ದು ಬಾಲೆನ್ ಅಕ್ಲೆನ ಕೈಕ್ ದಾನ ಕೊರ್ನಗ ಅಕುಲು ಭೂಮಿಡ್ ಒಂಜಿ ತೋಡು ಗರ್ತದ್ ಐಕ್ ಪಾಲೆಡಿತ್ತಿನ ಬಾಲೆನ್ ದೀದ್ ಮೂಜಿ ಚಿಮಿಟಿ ಮಣ್ಣ್ ಪಾಡ್ದ್ ಬೊಕ್ಕ ಕುಡ ಬಾಲೆನ್ ದೆರ್ತ್ದಾಕ್ಲು ಐತ ಕೆಬಿಟ್ ಅಕುಲೆನ ಜಾತಿದ ಒಂಜಿ ಪುದರ್ ದೀದ್ ಮೂಜಿ ಸರ್ತಿ ಲೆತ್ ದ್ ಬಾಲೆನ್ ಪಿರ ಕೊರ್ಪೆರ್. ದಿಕ್ಕೆ, ಪಿಜಿನ್, ಕಕ್ಕೆ, ಕೂಕ್ರ, ಕೇಪು, ಪುದ್ದೆ, ಪುಚ್ಚೆ ಇಂಚಿನ ಪುದರ್ ದೀಪೆರ್. ದೀತಿನ ಪುದಾರ್ನ್ ದಿನಕ್ಕೆ ಮೂಜಿ ಸರ್ತಿ ಆಂಡಲಾ ಲೆಪೊಡುಗೆ. ಇಂಚ ಮಲ್ತ್ಂಡ ಬಾಲೆಗ್ ಕುಡ ಜೀವ ಬತ್ತ್ ದ್ ಪುನರ್ಜನ್ಮ ತಿಕ್ಕಿಲೆಕ್ಕಗೆ. ದುಂಬು ಈ ಕ್ರಮಟ್ ಏತೋ ಜೋಕುಲು ಉಶಾರಾತಿನ ಉದಾರ್ಮೆಲುಂಡುಗೆ.ಇಂಚ ಎನ್ನ ಅಪ್ಪೆನ ಕೈಟ್ ಜಿಂಜ ಜೋಕುಲು ಬದ್ಕ್ದೆರ್ಂದ್ ಕಾರ್ಕಳ ತಾಲೂಕುದ ಕನಂಜಾ ಗ್ರಾಮೊದ ನಕ್ಕುರ್ ಪೊಂಜೋವ್ ಪಂತೆರ್.
•ಈ ಕ್ರಮನ್ ಬಾಲೆಗ್ ಶನಿಗೆರಚಾರ ಉಪ್ಪುನಗಲ ನಮ ಬಾಲೆನ್ ಪೊಸ ತಡ್ಪೆಡ್ ದಾನ ದೆತೊನ್ಪ. ಇಂಚನೆ ಅಮಾಸೆ ಬೂದೆದಾನಿ ಬಾಲೆ ಪುಟ್ಟುಂಡ ದೆತ್ತಿನಾಕುಲು
99
