ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಸಂಬಾರ ಪದಾರ್ಥಲು: ಜೀರ್ದರಿ, ದಾಸೆಮಿ, ಕೊತ್ತಂಬರಿ, ಎಡ್ಡೆಮುಂಚಿ, ಬೊಳ್ಳುಳ್ಳಿ, ನೀರುಳ್ಳಿ, ಜಾಯಿಕಾಯಿ, ಪತ್ರೆ, ಚಕ್ಕೆ, ಲವಂಗ, ಏಲಕ್ಕಿ, ಕಾಳಜೀರ್ದರಿ, ಹಿಂಗು, ಬಾರ್ಲಿ, ಮಂಜಲ್.
ತರಕಾರಿಲು:- ನುರ್ಗೆ, ತೌತೆ, ಟೊಮೆಟೊ, ಕಂಚಾಲ, ಕರ್ಕುಮುಡ, ಕೇನೆ, ಕಿರೆಂಗ್, ನೀರುಳ್ಳಿ, ಕ್ಯಾರೆಟ್, ಪಟಾಕಿಲ್, ಮೂಲಂಗಿ, ಲಿಂಬೆ, ತುರೆ, ಗಂಡ್ ಕಾಯಿ.
ಪರ್ಂದುಲು:- ಗಂಡ್ ಕಾಯಿ, ಫರಂಗಿಪೆಲಕಾಯಿ, ಕುಕ್ಕು, ಪುಲಿ, ಲಿಂಬೆಪುಲಿ, ಧರೆಪುಲಿ, ಚಿಕ್ಕು, ಸೀತಾಫಲ, ಪರ್ಂದ್, ಪುನರ್ಪುಲಿ, ಮೂಸುಂಬಿ, ಪೇರಂಗಾಯಿ, ಕುಂಟಾಲ, ನೇರಳೆ, ಮರಸೇಬು, ಅಂಜೂರ, ರಂಜೆದ ಪರ್ಂದ್, ವಾಂಟೆ ಪುಲಿ. ಇಂಚ ಪ್ರಕೃತಿದ ಬಾಲೆ ಆಯಿನ ಜನಪದರ್ ತಮ್ಮ ಸೀಕ್ ಲೆಗ್ ಪ್ರಕೃತಿದ ಸಸ್ಯರಾಶಿಡ್ ಜೀವರಾಶಿಡ್ ಮರ್ದ್ ನಾಡ್ದ್ ಪತ್ತ್ ದೆರ್.
ನಾಯಿ ಪುಚ್ಚೆ, ಮಂಗೆ ಇಂಚಿನ ಮುರ್ಗಲ್ ತನ್ನನೆ ಬಂಜಿಬೇನೆ ಅತ್ತಡ ಬೇತೆ ಸಂಕಟ ಐಕುಲು ಕೆಲವು ಗಿಡಮೂಲಿಕೆನ್ ನಾಡೊಂದು ಪೋದು ತಿನ್ನುನೆನ್ ತೂಯಿನ ನರಮಾನಿ, ಆ ವಿಧಾನೊಡೇ ಆಕುಲೆನ್ ಸೀಕ್ಲೆಗ್ ಮರ್ದ್ನ್ ನಾಡ್ದ್ ಪತ್ತೆರ್ಂದ್ ಪನೊಲಿ. ಅತ್ತಾಂದೆ ನಮ್ಮ ಅಂಗಾಂಗದಲೆಕ್ಕ ಇತ್ತಿನ ಕಾಯಿ, ಇರೆ, ಪೂ, ಬೇರ್ನ್ ತೂದು ಅವೇ ಅಂಗಾಂಗದ ಬೇನೆಲೆಗ್ ಮರ್ದ್ಂದ್ ನಾಡ್ದ್ ಪತ್ಯೆರ್ಂದ್ ನಂಬಲಿಕೆ ಉಂಡು.
9. ಬಾಲುಲೆನ ಗೊಬ್ಬುನ ಸೊತ್ತುಲು
ದುಂಬುಡು ಬಾಲೆದ ಪೆಜ್ಜೆ ಗಟ್ಟಿಯಾದ್ ನಡವರೆಗಾದ್ರ. ಆಚಾರಿಡ ಪಂದ್ ಮೂಜಿ ಚಕ್ರದ ಬಂಡಿ, ಎಲ್ಯ ಎಲ್ಯ ಆನೆ, ಕುದ್ರೆ, ಪೂರಲ್, ಬೊಂಬೆ, ಚೆಂಡ್, ಗಿಳಿ, ಪಕ್ಕಿ, ಕೋರಿ, ಇಲ್ಲ್, ದೇವೆರ್, ತೊಟಿಲ್ ಗಾಡಿ, ಡಮರು, ಚಂಡೆ ಇಂಚಿನ ಗೊಬ್ಬುದ ಹತ್ಯಾರ್ಲೆನ್ ಮಲ್ಪಾವೊಂದಿತ್ತೆರ್.
ಅಂಚನೆ ಕರ್ಬದ ಗಿರಿಗಿಟಿ, ಟಂಕಿ, ಗಿಲಿಗಿಲಿ ಇಂಚಿನ ಗೊಬ್ಬುನ ಸಾದನೆಲೆನ್ ಮಲ್ತ್ ಕೊರೊಂದಿತ್ತೆರ್. ತೊಟಿಲ್ ಗರಗರ ತಿರುಗುನ ಗಿರಿಗಿಟಿನ್, ಮನಿ-ಸರಕ್ಲೆನ್ ನೇಲಾವೊಂದಿತ್ತೆರ್.
ತಿತ ವರ್ಗದಾಕುಲು ಮಜ್ಜಿ, ತಿಪ್ಪಿ, ಕರ, ಕೋಲು, ಬೆದ್ರ್, ಇರೆ, ಕಲ್ಲ್, ತೆಂಡೆಲ್, ಪಕ್ಕಿಲೆನ ತುಯಿ, ಮೈಮುದ ಕೊರುಂದ್, ಇಂದ್ ದ ಪುರ್ಪದ ಮಾಲೆ, ಮಡಲ್, ಪಾಲೆ, ಸಂಕ, ಚಿಪ್ಪು, ಬೂರು, ಬಲ್ಲ್, ಇಂಚಿನ ಸೊತ್ತುಲೆಡ್ ಗೊಬ್ಬೊಂದಿತ್ತೆರ್.
92
