ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಪುರುಬಾಲೆಲೆನ್ ತಾಂಕರೆಗ್ ಬೋಡಾಯಿನ ಸೊತ್ತುಲು
•ಪರ್ತಿದ ಕುಂಟುಲು, ಮೀಪಾವರೆಗ್ ಅಗೆಲ ಬಾಯಿದ ಮರಾಯಿ ಬೊಕ್ಕ ತಿಪ್ಪಿ ಅತ್ತಡ ಎಲ್ಯ ಬಟ್ಟಲ್, ಮರ್ದ್ ಕೊರ್ರೆಗ್, ಗೋಮುಖ ಅಡ ತಕ್ಕನ.
•ಮರ್ದ್ ಕಡೆವರೆಗ್, ಗುದ್ದರೆಗ್, ತರಪೆರೆಗ್, ಬೋಡಾಯಿನ ಕಲ್ಲುಲು, ತೂಂಕರೆಗಾದ್ರ ಕುಂಟು, ಬೂರದ, ಪಿತ್ತಾಲೆ, ಮರ, ಕರ್ಬದ ಒವ್ವಂಡಲ ಒಂಜಿ ತೊಟ್ಟಿಲ್.
•ಬಡಾವು ಕೊದಿಪಾವರೆಗ್ ಕೈ ಬತ್ತಿನ ಬಟ್ಟಲ್, ಎಲ್ಯ ದೊನ್ನೆ ತಟ್ಟೆ, ಲೋಟೆ, ಚೊಂಬು, ಅರಿವಾನ, ಗೊಬ್ಬಾವುನ ಸೊತ್ತುಲು.
•ಮುಂಡೇರ್ ಒಲಿತ ಪಜೆ, ಪಾಲೆ, ಕುಂಟುದ ತೆರ್ವೆ.
•ನಾರ್-ಬೇರ್-ತಪ್ಪು ಗುದ್ದೆರೆಗ್ ಪಾರಂಗಿ ಅತ್ತಡ ಕಲ್ಲ್.
• ಮೀಪಾವೆರೆ ಕುಲ್ಲರೆಗಾದ್ರ ರಡ್ಡ್ ಮನೆಕ್ಲು.
ಬಾಲೆನ್ ಐತ ಮಲ್ಪುನ ಪೊರ್ಲು
ಜನಮಾನಿ ಪೊರ್ಲು ತೋಜೊಡುಂದ್ ಐತಮಲ್ಪುನ ಕ್ರಮ ಇನಿ ಕೋಡೆದವತ್ತ್. ಆಕುಲು ಬುದ್ದಿ ತೆರಿಗನೆ ಕಲ್ದಿನ ಮಲ್ಲ ಕಲೆ. ಜಗತ್ತಡಿತ್ತಿನ ಮಾತ ಪೊರ್ಲುದ ವಸ್ತುಲು ಆಕ್ಲೆನ ಐತಗ್ ಬೋಡು ಪನ್ಪುನ ಮಲ್ಲ ಅಂಗಲಾಪುಡು ನಾಗರಿಕತೆದ ಬುಲೆಚ್ಚಿಲ್ಲದ ತುತ್ತೈಡ್. ಪದ್ದಾಯಿಡ್ ಪೊಸ-ಪೊಸ ಸೊತ್ತುಲೆನ್ ನಾಡ್ದ್ ಪತ್ಯೇರ್. ಐಟ್ಲಾ ತನ್ನ ನೆತ್ತೆರ್ದ್ ಪುಟ್ಟಿನ ಕಿನ್ನಿಲೆನ್ ಪೊರ್ಲುಡು ಐತ ಮಲ್ತ್ದ್ ತೂಪುನನೇ ಮಲ್ಲ ಐಸಿರಿಂದ್ ಎನ್ನೊಂದಿತ್ತೆರ್. ಬಾಲೆಲುನ ಐತದ ಪೊರ್ಲು-ತಿರ್ಲ್ ನ್ ಪುರಾನ ಕತೆಟ್-ಪಾಡ್ಡನೊಡು ನಮ ತೆರಿಯೊನೊಲಿ. ಮಿತ್ತ ವರ್ಗದಾಕ್ಲು ಬಾಲೆದ ಕಕ್ಕಿಲ್ಗ್ ಪಗಲ-ಮುತ್ತುದ ಕಂಠಿ, ಕೈಕ್ ಮುರ್ಗಿ ಪಾಟ್ಲಿ, ಬಿರೆಲ್ಗ್ ಉಂಗಿಲ, ಮುಂಗೈಕ್ ಸರಪಣಿ, ಕೆಬಿಕ್ ಒಂಟಿ, ಕುಡ್ಕ, ಮುರು, ಸೊಂಟೊಗು ಉಡಿದಾರ, ಉಡಿಗೆಜ್ಜೆ, ಕಾರ್ ಗೆಜ್ಜೆ, ಕಡವು, ಜೀವದಿ ಮದೆ ಮಲ್ಪರೆಗ್ ಪದಕ (ಚಿಲ್ಲ) ಇಂಚಿನ ಪದ್ಧಾಯಿಲೆನ್ ಬಂಗಾರ್ಡ್ ಅತ್ತಡ ಬೊಲ್ಲಿಡ್ ಮಲ್ಪಾದ್ ಪಾಡೊಂದಿತ್ತೆರ್. ನೆತ್ತೊಟ್ಟುಗು ದಿಟ್ಟ ಬೂರ್ರೆ ಬಲ್ಲಿಂದ್ ಕೈಕ್ ಕರ್ಬದ ಪಾಟ್ಲಿ,
93
