ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ಏಕಾದಶಿ, ಅಮಾಸೆ, ಪುಣ್ಣಮೆ, ಅಂಗಾರೆದಾನಿ ಬಾಲೆದ ಬುಲಿಪಾಟಿಕೆ ಎಚ್ಚ. ಅಂಚಾದ್ ಆ ಪರ್ವದಿನತಾನಿ ಬಾಲೆಗ್ ಮರ್ದ್ ಕೊರ್ಪೆರ್.
•ಬಾಲೆ ಬುಲಿಪುನಗ ಮರ್ದ್ ಕೊರುಂಡ ನೆತ್ತಿಗ್ ಪೋಪುಂಡು, ಅತ್ತಡ ಕಕ್ಕುಂಡು. ಅಂಚಾದ್ ಬಾಲೆನ್ ಮಂಗಟಾದ್ ಮಾನಾವೊಂದು ಮರ್ದ್ ಕೊರೊಡು. ಆಂಡಲಾ ಮರ್ದ್ ಪರಿಮಲ ಬನ್ನಗನೆ ಬಾಲೆ ಬುಲಿಪರೆ ಸುರು ಮಲ್ಪುಂಡು, ಅಪಗ ಬೆಲ್ಲ, ಸಕ್ಕರೆದ ರಿಚಿ ತೋಜಾದ್ ಬೊಕ್ಕ ಮರ್ದ್ ಕೊರೊಡು.
•ದುಂಬು ಇಂಚಿನ ಮರ್ದ್ ಲೆನ್ ಐನ್ ವರ್ಷ ಮುಟ್ಟ ಕೊರೊಂದಿತ್ತೆರ್.
•ಬಾಲೆದ ತಿಂಗಲ್ಗ್ ಸರಿಯಾದ್ ಮರ್ದ್ ಅಲತೆ ಪ್ರಮಾಣನ್ ಹೆಚ್ಚ ಮಲ್ತೊಂದು ಪೋವೊಡು.
•ಬಾಲೆಗ್ ಮರ್ದ್ ಪರ್ಪಾವುನಲ ಒಂಜಿ ಕಲೆ, ಒರಾನೆ ಕೊರುಂಡ ಮೂಂಕುಗು ನೆತ್ತಿಗ್ ಪೋದು ಧಂ ಕಟ್ಟ್ ದ್ ಗಾಲ್-ಮೇಲ್ ಆವು. ಆಂಡಲಾ ಮರ್ದ್ ಮರ್ದೇ. ವಾ ಬಾಲೆಲಾ. ಕುಶಿಟ್ ಪರ್ಪುಜ್ಜ. ಕಡೆತ ತಾದಿ ಪಂಡ ಮೆಲ್ಲ ಬಾಲೆನ್ ಕಾರ್ದಡಿಕ್ ಪಾಡ್ದ್, ಮೂಂಕು ಪತ್ತ್ ದ್ ವಂತೆ ವಂತೆ ಪರ್ಪಾವೊಡು, ಬೊಕ್ಕ ತಿಗನ, ತಕ್ಕರೆದನ, ಬೆಲ್ಲದನ ನೀರ್ನ್ ಒಂಜಿ ಚಂಚದಾತ್ ಪರ್ಪಾವೊಡು.
ಮರ್ದ್ದ ದೈಕುಲು
ದುಂಬುದ ಕಾಲಡ್ ಇಲ್ಲ್ ದ ಬಿತ್ತಿಲ್ಡ್ ಗಿಡಮೂಲಿಕೆದ ದೈಕ್ಲೆನ್ ರಕ್ಷಣೆ ಮಲ್ತೊಂದಿತ್ತೆರ್. ಅವ್ವತ್ತಾಂದೆ ಜಾಲ್ಡ್, ಕಂಡದ ಪುನಿಟ್, ದೋಟಡ್, ಬಿತ್ತಿಲ್ಡ್ ಕೊಡಿಯೊಂದಿತ್ತ್ಂಡ್. ಕೆಲವೆನ್ ನಡೊಂದಿತ್ತೆರ್. ಕೆಲವು ಮರಕ್ಲೆನ್ ಒರಿತೊಂದಿತ್ತೆರ್. ಕದಿಕೆ, ತಿಮರೆ, ನೆಲನೆಲ್ಲಿ, ಗರ್ಗ, ಕಡಿರ್ದಬೇರ್, ತಜಂಕ್, ಗಿಜಿಗಿಜಿ ತಪ್ಪು, ಕೈಬೇವು, ಸಾಂಬ್ರಾಣಿ ತಪ್ಪು, ಬೇಸೊಪ್ಪು, ನೆಕ್ಕಿತಪ್ಪು, ಮಜ್ಜಿಗೆ ತಪ್ಪು, ಕೇಪುಲ, ಕಾಯರ್, ಕುಂಟಾಲ, ಎಕ್ಕಮಾಲೆ, ಉತ್ತರಾಣಿ, ದಾಸವಾಳ, ಅಂಟುವಾಳ, ಗೋರಟೆ, ಮದರಂಗಿ, ತುಂಬೆ, ಕಳ್ಳಿ, ಲೋಳೆರಸ, ಪೇರಂಗಾಯಿ, ಕುಕ್ಕುದಮರ, ಲಿಂಬೆಪುಲಿ, ಬಚ್ಚಿರೆ, ಎಡ್ಡೆಮುಂಚಿ, ಏಲಕ್ಕಿ, ತೇವುದ ಕಂಡೆ, ಕುವ್ವೆದ ಕಂಡೆ, ಎಲಿಕೆಬಿ, ತುಲಸಿ, ಬಿಲ್ವಪತ್ರೆ, ಕಾಮಕಸ್ತೂರಿ, ಒಲ್ಲೆಕೊಡಿ, ಸದಾನಂದ, ಪಲಾಶ, ಅಶೋಕ, ಆಡ್ಸೋಗೆ, ಕಿರಾತಕಡ್ಡಿ, ತುಂಬೆ, ಕಕ್ಕೆತಪ್ಪು, ಎಲೆಮುರಿತಪ್ಪು, ನಂದಿಬಟ್ಟಲ್.
ಪೂ-ಕುಲು:- ಬೊಲ್ದು ದಾಸವಾಳ, ಬೊಲ್ದು ಶಂಖಪುಷ್ಪ, ಬೊಲ್ದು ಕೇಪಲ, ಕೆಂಪುಕೇಪಲ, ತುಂಬೆ, ಮಂದಾರ, ಗುಲಾಬಿ, ಸದಾನಂದ, ತಾಮರೆ,
91
