ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ಬೆಚ್ಚನೀರ್ನ್ ಪರ್ಪಾವೆರ್.
•ಕಸ್ತೂರಿ ಮಾತ್ರೆನ್ ಪೇರ್ಡ್ ತರೆತ್ದ್ ಕೊರ್ಪೆರ್.
•ಅಪ್ಪೆ ವಾಯುದ ಹಾರಲೆನ್ ತಿನ್ನಂಡ ಅಲೆನ ಪೇರ್ ಪರ್ತಿನ ಬಾಲೆಗ್ಲ ವಾಯುದ ಉಪದ್ರ ಬರ್ಪುಂಡು.
•ಕೆಲ ಜೋಕ್ಲೆಗ್ ಪಿಂಕಾನ್ಗ್ ಬಚ್ಚಿರೆದ ತೊಟ್ಟುನು ಪಾಡ್ದ್ ಪೀನ್ ಮಲ್ಪಾವೆರ್.
ಮರ್ದ್ ಮಲ್ಪುನ ಕ್ರಮ
•ಬೇರ್, ನಾರ್, ಕೆತ್ತೆಲೆನ್ ಸರಿಯಾದ್ ನುಂಗಾದ್ ಸಣ್ಣ ಪೊಡಿ ಮಲ್ಪೊಡು. (ಚೂರ್ಣ).
•ಬಾಲೆದ ಪ್ರಾಯಗ್ ಸರಿ ಆದ್ ಮರ್ದ್ಲೆನ್ ಪಾಡ್ದ್ ಕಷಾಯನ್ ಅರ್ಧಗರ್ಧ ಕೊದಿಪಾವೊಡು.
•ಚುಟಿತ ರಸ ಆಂಡ ಬಾಲೆಗ್ ಒಂಜಿ ರಡ್ಡ್ ಬೊಟ್ಟ ಮಾತ್ರ ಕೊರೊಡು.
•ಮರ್ದ್ ಲೇಪ ಪಂಡ ಮೂಡೆದ ಬಂಧದಲೆಕ್ಕ ದಪ್ಪ ಉಪೊಡು.
•ವಾ ಮರ್ದೇ ಆವಡ್ ತಿಗೆ, ಕಲ್ಲೆ ಸಕ್ಕರೆ, ಅತ್ತಡ ಬೆಲ್ಲ ಪಾಡ್ದ್ ಬಾಲೆಗ್ ಕೊರೊಡು.
•ಬಜೆ, ಪಿನಾರಿ, ಮೂಲಿಕೆದ ಮಾತ್ರೆಲೆನ್ ದಿನಾಲ ಮುಸ್ಸಂಜೆದ ಪೊರ್ತುಗು ಕೊರೊಡು.
•ಮರ್ದ್ ಕೊರ್ತಿನ ಪತ್ತ್ ನಿಮಿಷದ ಬೊಕ್ಕ ನಾಲ್ ಚಂಚ ಬೆಚ್ಚ ನೀರ್ ಕೊರೊಡು. ಇಜ್ಜಡ ಬಂಜಿಡ್ ತೂ ಲಕ್ಕುಂಡು.
•ಇಲ್ಲಡ್ ಬಾಲೆಗಾದ್ರ ಬೇತೆನೇ ಬಟ್ಟಾಲ್ ಲೋಟೆ, ಚಂಚ, ಗೋಮುಖ (ಮರ್ದ್ ಕೊರ್ಪಿನಂಚಿನ ಸೊತ್ತು) ಮಲ್ತೊನೊಡು.
•ಮರ್ದ್ ತರೆಪುನ ಕಲ್ಲ್, ಕಲ್ಲದ ಗುರಿ, ಪಾರಂಗಿ, ಸೈಂಗೋಲು, ಮರ್ದ್ ಕಡೆವುನ ಚಟ್ಟೆದ ಕಲ್ಲ್ ಬೋಡು.
•ಬಾಲೆದ ಬಜಿ ಬಂಜಿಗ್ ಏಪಲಾ ಮರ್ದ್ ಕೊರ್ರೆ ಬಲ್ಲಿ.
•ಶುಂಠಿ ರಸ ಉಪಯೋಗ ಮಲ್ಲುನಾಂಡ ವಂತೆ ಪೊರ್ತು ಐತ ರಸನ್ ಡೀಯೊಡು. ಅಪಗ ಅಡಿತ್ ಸುಣ್ಣದ ಅಂಶ ಒರಿಪುಂಡು.
90
