ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ದಿರ್ಸಾಲೆ ಮುಂಚಿನ್ ಎಣ್ಣೆಡ್ ಕಾಯ್ತ್ ಪಾಡೊಡು.
•ಕೆಬಿ ತೋರೊಂದು ಇತ್ತಂಡ ಅರಣಿದ ಬೀಲಡ್ ಸಮಾ ತಿರ್ಗಾವೊಡು. (ಮುತ್ತು)
•ದಿಕ್ಕೆಲದ ಬೊಣ್ಯನ್ ನೀರ್ಡ್ ಕೊದಿಪಾದ್ ತೆಳಿನಗ ರಡ್ಡ್ ಬೊಟ್ಟ ಕೆಬಿಕ್ ಪಾಡೊಡು.
•ಅಶ್ವತ್ಥ ಮರತ ಚೆಕ್ಕೆನ್ ಎಣ್ಣೆಡ್ ಕೊದಿಪಾದ್ ರಡ್ಡ್ ಬೊಟ್ಟು ಪಾಡೊಡು.
•ಕರಿ ನೆಕ್ಕಿದ ರಸನ್ ಪಾಡೊಡು.
ಮೈತ ಎಲು ಗಟ್ಟಿಗ್:-
•ಸುಣ್ಣದ ನೀರ್ನ್ ಬಾಲೆಗ್ ಮೂಜಿ ತಿಂಗಲ್ ಆಯಿ ಬೊಕ್ಕ ಒಂಜೊಂಜಿ ಬೊಟ್ಟೊನು ತಿಗಟ್ ಕೊರೊಡು.
•ನೇಂದ್ರ ಪರ್ಂದ್ ನ್ ಬೆಯ್ಪಾದ್ ಕೊರೊಡು.
•ಚಿಕ್ಕದ ರಸನ್ ಕೊರೊಡು.
•ಪೆತ್ತದ ಪೇರ್ನ್ ಕೊರೊಡು.
•ಮೀನ್ ಎಣ್ಣೆನ್ ಪೂಜಿದ್ ಕಾಂಡೆ ಬಯ್ಯದ ದೊಂಬುಗ್ ಬಾಲೆನ್ ದೀವೊಡು.
•ಗರ್ಗದ ತಪ್ಪುದ ರಸನ್ ಪರ್ಪಾವೊಡು.
ಎಕ್ಕ್ ತ್ತ್ ಗ್:-
•ಬೆಚ್ಚ ನೀರ್ನ್ ಪರ್ಪಾವೊಡು.
•ತಾರಾಯಿದ ಎಣ್ಣೆಗ್ ಸಕ್ಕರೆ ಬೆರೆಕಾದ್ ಕೊರೊಡು.
•ನಿಂಬೆರಸನ್ ಬೆಚ್ಚ ನೀರ್ ಡ್ ಕೊರೊಡು.
•ಕುರ್ಲುನ್ ಬೆಯ್ಪಾದ್ ಐತ ನೀರ್ನ್ ಕೊರೊಡು.
ಬಾಲೆದ ತರೆಕ್ ತಂಪು ಸರೋಲಿ:-
•ಬೊಳ್ಳೆ ತಪ್ಪು, ಬಂಧ ನಾರ್, ಕೆಂಪು ಕಾಟ್ ದಾಸಾಳ ಪೂತ ತಪ್ಪು, ಪುರಂಚಿ ನೀರ್ ದ ಸರೋಲಿ, ತಾರಾಯಿದ ಪೇರ್, ನೆಲ್ಲಿದ ತಿರ್ಲ್, ನಂದಿ ಬಟ್ಟಲದ ರಸ ಉಂದೆನ್ ಒವಾಂಡಲ ಒಂಜಿ ನಮೂನೆದ ಸರೋಲಿನ್ ಬಾಲೆದ ಮಂಡೆಗ್ ಪಾಡ್ದ್ ತಿಕ್ಕದ್ ಪಕ್ಕ ಮೀಪಾವೊಡು.
