ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಮುಟ್ಸ್ ದೋಷಗ್:-
•ಮುಟ್ಸ್ ದೋಷ ಪಂಡ ಬಾಲೆದ ಬಂಜಿ ಮಲ್ಲೆ ಕುದ್ಪೆದಲೆಕ್ಕ, ಕೈಕಾರ್ ಸಪುರ, ಪಿಂಕಾಣ್ ಚಾಟ್, ಮಂಡೆ ಮಲ್ಲೆ ಉಪ್ಪುಂಡು ಆಂಡ ಬಂಜಿಡ್ ಬಡವು ಮಾತ್ರ ಬಗ-ಬಗ ಉಪ್ಪುಂಡು. ದಾಲ ಚಟುವಟಿಕೆ ದಾಂತೆ ಜೆತ್ತಿನಲ್ಪನೆ ಉಪ್ಪುಂಡು. ಬಾಲೆ ಬುಲೆವಂದ ಇತ್ತಿಲೆಕ್ಕನೆ ಮಂಗನ ಕಿನ್ನಿದ ಲೆಕ್ಕ ಉಪ್ಪುಂಡು. ಈ ಸೀಕ್ಗ್
•ಪರಂದ್ ಗಂಡ್ ಕಾಯಿನ್ ಕೊರೊಡು.
•ಎಲಿಕೆಬಿತ ಬೇರ್ನ್ ಕಷಾಯ ಮಲ್ತ್ದ್ ಕೊರೊಡು.
•ಕಡಿರ್ ಬೇರ್ದ ಕಷಾಯ ಕೊರೊಡು.
•ಗೆಂದಾಲಿ ಬೊಂಡಗ್ ಒಂಜಿ ಪುಂಡಿ ಉರ್ದು ಪಾಡ್ದ್ ಮನದಾನಿ ಕಡೆದ್ ಕೊದಿಪಾದ್ ಕೊರೊಡು.
•ಮೀನ್ದ ಎಣ್ಣೆನ್ ರಡ್ಡ್ ಬೊಟ್ಟ ದಿನಕ್ ಕೊರೊಡು.
•ಕುವ್ವೆ ಪುಡಿ ಅತ್ತಡ ಇಂದ್ದ ಪುಡಿನ್ ಪೇರ್ಡ್ ಕರಡಾದ್ ಪುಲ್ಲ್ಯ್ ಕಾಂಡೆ ಬಜಿ ಬಂಜಿಗ್ ಕೊರೊಡು.
•ಬಾವಲಿದ ಎಣ್ಣೆನ್ ಮೈಕ್ ಪೂಜಿದ್ ಕಾಂಡೆದ ದೊಂಬುಗು ದೀವೊಡು. (ಮುಡ್ಸು)
•ಎಕ್ಕಲೆದ ಬಿಟ್ಟೆನ್ ಪೇರ್ಡ್ ಕರಡಾದ್ ಪರ್ಪಾವೊಡು.
•ನಕ್ಕುರುನು ಪೊತ್ತಾದ್ ಪಾದದಡಿಕ್ ಪೂಜೊಡು (ಮುಡ್ಸು)
•ಪಿಲಿತ ಉಗುರುನು ಸರಕ್ ಪಾಡ್ದ್ ಕಂಟೆಲ್ಗೆ ಕಟ್ಟೊಡು.
•ನವಿಲ್ದ್ ಮಾಸದ ಎಣ್ಣೆನ್ ಮೈಕ್ ಕೈಕ್ ಪೂಜೊಡು (ಮುಡ್ಸು)
•ಮುಳ್ಳು ಪಂಜಿದ ಕಣೆನ್ ಪೊತ್ತಾದ್ ನೀರ್ಗ್ ಪಾಡ್ದ್ ಮೈಕ್ ಪೂಜಿದ್ ದೊಂಬುಗ್ ದೀವೊಡು (ಮುಡ್ಸು)
•ಕಣಲೆನ್ ಗಂಧಡ್ ತರೆತ್ದ್ ಮೈಕ್ ಪೂಜೋಡು. (ಮುಡ್ಸು)
•ಮೊದಲೆದ ಎಣ್ಣೆನ್ ಪೂಜುವೆರ್.
•ಬೆರುತ, ಉರೆತ ಎಣ್ಣೆನ್ ಪೂಜುವೆರ್.
ಕೆಬಿ ಬೇನೆಗ್:-
•ಗೊಂಡೆ ಪೂತ ಇರೆತ ರಸಕ್ ರಡ್ಡ್ ಉಪ್ಪು ಪಾಡ್ದ್ ಕುದಿಪಾದ್ ಕೆಬೆಕ್ ಬುಡೊಡು.
•ಒಗರನೆದ ಎಣ್ಣೆನ್ ಪಾಡೊಡು.
85
