ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ಕಾಲಜೀರಿಗೆ, ಮಂಜಲ್, ಸೀಗೆದ ಪುಡಿನ್ ಏಣ್ಣೆಡ್ ಕಾಯ್ತದ್ ಪೂಜೊಡು
•ದಿನಾಲ ಪುಲ್ಯಕಾಂಡೆ, 8 ಗಂಟೆದ ಲತ್ತ್ ದೊಂಬುಗ್ ಬತ್ತಲೆದ ಬಾಲೆನ್ ದೀವೊಡು.
•ಎನ್ಮೆದ ಅರೆಪುನ್ ಪೂಜೊಡು.
ಬಾಲೆದ ಚರ್ಮ ಬೊಲ್ದು ಆವರೆಗಾದ್ರ :-
•ಮೀಪಾನಗ ಕಡ್ಲೆದ ಪೊಡಿಟ್ ಅತ್ತಡ ಪದಂಜಿದ ಪೊಡಿಟ್ ಮೀಪಾವೊಡು.
•ಚಂದನ, ಕೇಪಲ ಪೂತ ಅರೆಪುನು, ಪೇರ್ ದ ಮಾಲ್ಗ್ ಬೆರಕಾದ್ ಪೂಜೊಡು.
•ಮಂಜಲ್ದ ಕೊಂಬು, ಉರೆತ ಕೋಡುನು ಮಾಲ್ಡ್ ತರೆತ್ದ್ ಪೂಜೊಡು.
•ಒಂಜಿ ಪುಂಡಿ ಕದಿಕೆ, ಒಂಜಿ ಪುಂಡಿ ತುಳಸಿದ ತಪ್ಪು, ಒಂಜಿ ಪುಂಡಿ ನೆಲ ನೆಲ್ಲಿ, ತಿಮರೆದ ರಸ, ರಡ್ಡ್ ಚಂಚ ಜೀರ್ದರಿ, ರಡ್ಡ್ ಮಂಜಲ್ದ ಕೊಂಬುನ್ ನುಂಗಾದ್ ಪುಡಿ ಮಲ್ತ್ದ್ ಮೂಜಿ ಕೊಂಡೆ ತಾರಾಯಿದ ಎಣ್ಣೆಡ್ ಹದೊಟ್ಟು ಕಾಯ್ತ್ ದ್ ಕುಪ್ಪಿಡ್ ಜಿಂಜಾದ್ ದಿನಕ್ ರಡ್ಡ್ ಸರ್ತಿ ಬಾಲೆಗ್ ಎಣ್ಣೆ ಪೂಜಿದ್ ಮೀಪಾಂಡ ಬಾಲೆಗ್ ರಂಗ್ ಬರ್ಪುಂಡು, ನಿದಿರೆ ಬರ್ಪುಂಡು, ಚರ್ಮ ನಸೆ ಬೂರುಂಡು, ತರೆ ಕುಜಾಲ್ ಬರ್ಪುಂಡು.
•ತೆಕ್ಕದ ಇರೆತ ಕೊಡಿನ್ ಪೊನ್ನೆದೆಣ್ಣೆಡ್ ಕಾಯ್ತದ್ ಪೂಜೊಡು.
•ಓಂಟೆ ಪುಲಿತ ರಸನ್ ಮೈಕ್ ತಿಕ್ಕೊಡು.
ಕುರಿ ಆಂಡ :
• ನಂದಿಬಟ್ಟಲ್ದಿರೆಕ್ ವಂತೆ ಉರ್ದು ಪಾಡ್ದ್ ಸನ್ನ ಕಡೆದ್ ಲೇಪ ಪಾಡೊಡು.
•ಬೊಲ್ದು ದಾಸವಾಲದಿರೆತ್ತ ಚಟ್ನಿ, ದೋಸೆ, ಮುಡೆ, ಗಟ್ಟಿ ಮಲ್ತ್ ದ್ ಕೊರೊಡು.
•ಶಂಖ ಅತ್ತಡ ಚಿಪ್ಪುನ್ ನೈಟ್ ತರೆತ್ ಮುಟ್ಟಾವೊಡು.
•ಕುಂಟುದ ಸಾಬೂನುನ್ ಕಲತ್ದ್ ಮುಟ್ಟಾವೊಡು.
•ಹಿಂಗನ್ ದಪ್ಪೊಡು ಪೂಜೊಡು.
•ಕರ್ಪೂರ, ಚಿಮಿನಿದೆಣ್ಣೆನ್ ಪೂಜೊಡು.
•ಗೋಪಿ, ಗಂಧ, ಪೀನಾರಿ, ಸೇಡಿ ನೆಟ್ಟ್ ಒವೆನಾಂಡಲ ತರೆತ್ದ್ ಪೂಜೊಡು.
•ಕಂಚಾಲ್ದ ಬಿತ್ತ್ ನ್ ಅರೆತ್ತ್ದ್ ಪೂಜೋಡು.
•ತಾಮರ ಪೂತ ಬಿತ್ತನ್ ಅರೆತ್ದ್ ಪೂಜೊಡು.
84
