•ನೆಲನೆಲ್ಲಿದ ರಸನ್ ನೆತ್ತಿಗ್ ತಿಕ್ಕೊಡು.
•ಲಿಂಬೆಪುಲಿತ ರಸನ್ (ಒಂಜಿ ಬೊಟ್ಟು) ಪಾಡೊಡು.
•ತಾಮ್ರದ ಚೊಂಬುಡು (ಒಂಜಿ ವಾರದ ನೀರ್) ಕಲೆಂಗಿನ ನೀರ್ದ ಬೊಟ್ಟನ ಕಣ್ಣ್ ಗ್ ಬುಡೊಡು.
ನೆಲಂಚಿ ಉರ್ಚುನಕ್ಕೆ (ಅತಿಸಾರ):-
•ಆಹಾರ್ಡ್ ವಂತೆ ವ್ಯತ್ಯಾಸ ಆಂಡ ಉರಿಶೀತೊಡು ಜೋಕುಲು ಅಪಗಪಗ ಸುರಲೆ ಸುರಲೆ ಉರ್ಚುವ. ಅಪಗ ಬಾಲೆಲೆಗ್ ತಡೆಯರ ಆವಂದಿನ ತಿರ್ತ ಬಂಜಿ ಬೇನೆಲ ಉಪ್ಪುಂಡು. ಸುರುಕೆ ಮರ್ದ್ ಮಲ್ತ್ಂಡ ಪಕ್ಕ ಕಡಿಮೆ ಆಪುಂಡು. ನಂಡ್ ಗ್ ಬೂರುಂಡ ತಿಂಗಳಾನುಗಟ್ಲಡ್ ಬಾಲೆ ನರೊಲೊಂದು ಉಪ್ಪುಂಡು.
•ಮಲ್ಲ ಬಂಧದ ನಾರ್ನ್ ಗುದ್ದುದ್ ಜೀರ್ದರಿ ಬೆಲ್ಲ ಪಾಡ್ಡಿನ ಕಷಾಯಗ್ ಕಾಯ್ತಿನ ಪೇರ್ ಕೂಟುದು ಗಂಟೆಗೊರ ನಾಲ್ ನಾಲ್ ಚಂಚ ಪರ್ಪಾವೊಡು.
•ನೇರಲೆ ಪರಂದ್ ದ ರಸನ್, ನೇರಲೆ ಕೆತ್ತೆದ ರಸನ್ ಪರ್ಪಾವೊಡು.
•ದಾಳಿಂಬೆ, ಕುಂಟಾಲ, ನೇರಲೆ, ಪೇರಂಗಾಯಿದ ಕೊಡಿ ಅರ್ಧ ಚಂಚ ಜೀರ್ದರಿಟ್ ಸನ್ನ ಕಡೆದ್ ಪೇರ್ಡ್ ಒಂಜೊಂಜಿ ಚಂಚ ಕೊರೊಡು.
•ಕುವ್ವ ಗಡ್ಡೆದ ಪುಡಿನ್ (ಅರಾರೋಟ್) ಕೊದಿಪಾದ್ ಪರ್ಪಾವೊಡು.
•ಕುಕ್ಕುದ ಗೊರಂಟ್ ತಿರ್ಲ್ ನ್ ಪೇರ್ ಡ್ ತರೆತ್ದ್ ಕೊರೊಡು.
•ಬಾರೆದ ಪೂಂಬೆದ ರಸನ್ ಪರ್ಪಾವೊಡು.
•ನೆಲ್ಲಿದ ರಸನ್ ಅಲೆಟ್ ಪರ್ಪಾವೊಡು.
•ಚಾ-ದ ಇರೆನ್ ಕೊದಿಪಾದ್ ಐತ ಕಣ್ಣನ್ ಪರ್ಪಾವೊಡು.
•ಉರ್ಪೆಲ್ ಅರಿತ ತೆಲಿಕ್ ಇಸ್ಬ್ಗೋಲು ಪಾಡ್ದ್ ಕೊರೊಡು.
ಜ್ವರ :-
•ಬಾಲೆಲೆಗ್ ಬೇತೆ ಬೇತೆ ನಮೂನೆಡ್ ಜ್ವರ ಬರ್ಪುಂಡು. ಬಂಜಿಬೇನೆ, ಸೀತ, ಕಫ, ಸೋಂಕನೆದ ಸಾಂಕ್ರಾಮಿಕ ಸೀಕ್ಡ್ ಜ್ವರ ಬರ್ಪುಂಡು.
•ಹಿಪ್ಪಲಿ, ತಾರೆ ಕಾಯಿ, ತುಳಸಿನ್ ತರೆತ್ದ್ ತಿಗಟ್ ಕೊರೊಡು.
82
