ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೮೧

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ

•ಪೆತ್ತದ ಅಂಬಿ, ಪೇರ್, ಅಳೆ, ಪಡ್ಡೆ, ನೈನ್ (ಪಂಚಕವ್ಯ) ಬೆರಕಾದ್ ಒಂಜೊಂಜಿ ಚಮಚ ಕೂರೊಡು.

•ಮುನ್ನೆ ತಪ್ಪುದ ರಸ ಕೊರೊಡು.

•ಟೊಮೆಟ ತಪ್ಪುದ ರಸ ಕೊರೊಡು

•ತುಳು ಜನಪದೆರ್ ಎಚ್ಚಾದ್ ಲಿವರ್‌ದ ಉಪದ್ರೊಗು ತಬು‌ರ್, ಪೇನ್, ತೇರೆಂಟ್, ನಕ್ರುನ್ ಗುದ್ದುದ್ ಐತ ರಸನ್ ಕೊರ್ಪೆ‌ರ್ ಗೆ.

•ಕಾಡುಪುಚ್ಚೆದ ಮಾಸದ ಎಣ್ಣೆನ್ ರಡ್ಡ್ ಬೊಟ್ಟ ಪೇರ್‌ಡ್ ಕೊರ್ಪೆ‌ರ್ ಗೆ.

ಚರ್ಮರೋಗ‌ಗ್:-

•ಪೆತ್ತದ ಪಡ್ಕೆನ್ ಒಂಜಿ ವಾರ ಪೂಜಿದ್ ದೊಂಬುಡ್ ದೀದ್ ಮೀಪಾವೊಡು (ಪೊಡಿ ಕಜ್ಜಿಗ್)

•ಪೆತ್ತದ ಅಂಬಿನ್ ಮೈಕ್ ಪೂಜಿದ್ ದೊಂಬುಡ್ ದೀದ್ ಮೀಪಾವೊಡು (ಪೊಡಿ ಕಜ್ಜಿಗ್)

•ಗೆಂದಾಳಿ ಬೊಂಡದ ಚೂಲಿನ್ ಉರ್ಪೆಲರಿತ ಅರ್ಕಂಜಿಡ್ ತರೆತ್‌ದ್ ಪೂಜಿದ್ ರಡ್ಡ್ ಗಂಟೆ ಬುಡ್ದ್ ಮೀಪಾವೊಡು.

•(ಉಚ್ಚುದ ಲೆಕ್ಕ ಚೂಲಿ ಇತ್ತಂಡ) ಎಣ್ಮೆದ ಎಣ್ಣೆಗ್ ಕೇಪಲ ಪೂತ ರಸ, ಗರಗದ ರಸ, ಕದಿಕೆದ ರಸನ್ ಪಾಡ್ದ್ ಕಾಯ್ತದ್ ದಿನಕ್ ರಡ್ ಸರ್ತಿ ಪೂಜೊಡು.

•ಗಿಜಿಗಿಜಿ ತಪ್ಪುದ ರಸನ್ ಬಂಜಿಗ್ ಒಂಜಿ ಚಂಚ ಕೊರೊಡು ಬೊಕ್ಕ ಜೀರಿದರಿಟ್ ಐತ ತಪ್ಪುನ್ ಸನ್ನ ಕಡೆದ್ ಪೊಡಿ ಕಜ್ಜಿಗ್ ಪೂಜೊಡು.

•ವಾರಗ್ ರಡ್ಡ್ ಸರ್ತಿ ಕೈಬೇವು ಬೊಕ್ಕ ಆಡುಸೋಗದ ಕಷಾಯನ್ ಬಾಲೆ ಮೀಪಾವುನ ಬೆಂದ್ರುಗ್ ಪಾಡ್ದ್ ಮೀಪಾವೊಡು.

•ಕಿತ್ತಳೆ ಚೂಲಿನ್ ನುಂಗಾದ್ ಐತ ಪೊಡಿನ್ ಪೇರ್‌ದ ಮಾಲ್ ಗ್ ಬೆರಕಾದ್ ಬಾಲೆಗ್ ಪೂಜೋಡು.

•ಮಾದ್ರ ಫಲತ ರಸನ್ ಮೈಕ್ ಪೂಜೊಡು.

•ತುಳಸಿ, ಸೀಗೆ, ಮಂಜಲ್‌ ಪೊಡಿ ಮಲ್ತ್ದ್ ಎಣ್ಣೆಡ್ ಬೆಚ್ಚ ಮಲ್ತ್‌ದ್ ಪೂಜೊಡು.

•ಶ್ರೀಗಂಧ, ಪೀನಾರಿನ್ ಪೇರ್‌ಡ್ ತರೆತ್‌ದ್ ಪೂಜೊಡು.

•ಬಂಜಿಗ್ ಒಲ್ಲೆಕೊಡಿ, ಕಿರಾತಕಡ್ಡಿದ ಕಷಾಯ ಕೊರೊಡು, ಎಚ್ಚಾದ್ ಛವಿತ ದೋಸ ಇತ್ತಿನಾಕ್ಲೆಗ್ ಚರ್ಮ ರೋಗ ಬರ್ಪುಂಡು.

80