ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ಮಿರೆತ ಪೇರ್ಡ್ ಜಾಯಿಕಾಯಿನ್ ನಾಲ್ ಸುತ್ತು ತಲೆತ್ ಪರ್ಪಾವೆರ್.
•ಪುಟ್ಟುಬಾಲೆದ ಬುಲಕೆ ತೂದು ರಾತ್ರೆದ ಪೊರ್ತು ಕಾಲ್ ಗ್ಲಾಸ್ ಬೆಚ್ಚನೀರ್ ಅತ್ತಡ ಪೇರ್ ಪರ್ಪಾವೆರ್.
•ನೀರುಳ್ಳಿ ತಿಮರೆ ಗುದ್ದುದು ರಸನ್ ಪರ್ಪಾವೆರ್.
•ಗಸ-ಗಸೆದ ಗಂಜಿ ನೀರ್ನ್ ಅರ್ಧ ಚಂಚ ಪರ್ಪಾವೆರ್.
•ಅರ್ಧ ಚಂಚ ತಿಗಕ್ ರಡ್ಡ್ ಚಂಚ ಪೇರ್ ಬೆರಕಾದ್ ಕೊರುಂಡಲಾ ಪೊರ್ಲುಡು ನಿದ್ರೆ ಬರ್ಪುಂಡು.
•ಜೀರಿಗೆ ಕಷಾಯ ರಡ್ಡ್ ಬೊಟ್ಟ ಕೊರ್ಪೆರ್.
•ಒರ ಒರ ಬಾಲೆ ಅಪ್ಪೆನ ಮಿರೆ ಪೇರ್ ಪರ್ಪುನೈಡ್ಡಾವರ ಅಪ್ಪೆ ಚುಟಿತ (ಸಾಂಬರ್ದರಿ, ನೀರುಳ್ಳಿ, ಶುಂಠಿ) ಇಂಚಿನ ಮರ್ದನ್ ದೆತೊಂದಿತ್ತಂಡ ಐತ ಉಷ್ಣಡ್ ಬಾಲೆಲ್ಲ ಬಂಜಿಡ್ ಜ್ವಾಲೆ ಲಕ್ಕುನ ಪ್ರಸಂಗ ಉಂಡು. ಇತ್ತೆ ಪಂಡಿನ ಮರ್ದ್ಲೆಡ್ ಒವ್ವಾಂಡಲ ಒಂಜೆನ್ ಬಾಲೆದ ಪ್ರಾಯಗ್ ಸಮ ಆದ್ ಕೊರೊಡು. ವರ್ಷಡ್ದ್ ಐನ್ ವರ್ಷ ಮುತ್ತ ಪ್ರಮಾಣ ಹೆಚ್ಚ ಮಲ್ತೊಂದು ಕೊರೊಂದಿತ್ತೆರ್ಗೆ.
ಶೀತದ ಉಪದ್ರಗ್:-
•ತುಲಸಿದ ರಸಟ್ ಒಂಜಿ ಶುಂಠಿದ ತುಂಡುನು ತೇತ್ದ್ ಐತ ರಸಟ್ ದಿನಕೊಂಜಿ ಸರ್ತಿ ಒಂಜಿ ಚಂಚದಾತ್ ಪರ್ಪಾವೊಡು. ತುಂಬೆ ಪೂ-ತ ರಸನ್ ಕೊರೊಡು.
•ಗೆಂಡಗ್ ಸಕ್ಕರೆ ಪಾಡ್ದ್ ಐತ ಪುಗೆಕ್ ಬಾಲೆನ್ ಪತ್ತ್ಂಡ ಕಫ ಜೊಲ್ಲೆಕಾರ್ದ್, ಮೂಂಕ್ಡ್ ಸುರಲೆ ಪೋದು ಆರಾಮ ಆಪುಂಡು.
•ದೇವೆರ್ನ ಲೋಭಾನದ ಪುಗೆಟ್ ಶೀತ ದೂರ ಆಪುಂಡು.
•ಸಂಬರಬಲ್ಲಿ ತಪ್ಪುನು ಸೌಟುದ ಕಡೆಕ್ ತಿಕ್ಕಾದ್ ಗೆಂಡಗ್ ಪತ್ದ್ ಬಾಡ್ಡಿನ ಇರೆತ ರಸನ್ ತರೆಕ್ ತಿಕ್ಕ್ದ್ ಉಡಲ್ಗ್ ಒಂಜಿ ಚಂಚ ರಸನ್ ಕೊರೊಡು.
• ಬೊಲ್ದು ಪೊಂಗಾರದ ಕೆತ್ತೆನ್ ತೇತ್ ಕೊದಿಪಾದ್ ಬಾಲೆದ ಮಂಡೆಗ್ ಲೇಪ ಪಾಡ್ಂಡ ತರೆದುನ್ನದ ಶೀತ ಟಪ್ಪ ಉಂತುಂಡು.
•ನೀಲಗಿರಿ ತಪ್ಪುದ ಪುಗೆಟ್ ಶೀತ ದೂರ ಆಪುಂಡು.
•ಓಲೆಬೆಲ್ಲನ್ ಈರುಳ್ಳಿ ರಸಟು ಕೊರೊಡು.
73
