ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಬಾಲೆಗ್ ಮೂಜಿ ವರ್ಷ ಮುಟ್ಟ ಮಿರೆ ಪೇರ್ ಕೊರುಂಡ ಎಡ್ಡೆ. ಒಂಜೊಂಜಿ ಬಾಲೆಲು ಕಿನ್ನಿಡ್ ಸೈಪ. ಅವು ಮಿರೆ ಪೇರ್‌ದ ದೋಷೋಡು, ಬಾಲೆಗ್ ಮಿತ್ತೆ ಮಿತ್ತೆ ಕಕ್ಕರೆ ಸುರು ಆಂಡ.. ಅಪಗನೆ ಪದಿನ ಮಿರೆ ಪೇರ್ ಬೊರಿದ್ ಅವನ್ ಪರೀಕ್ಷೆ ಮಲ್ಲೊಡು, ಮಿರೆ ಪೇರ್‌ಗ್‌ ಜೀವ ಇತ್ತಿನ ತಬುರು ಪಾಡೊಡು. ಅವು ತೈತ್‌ಂಡ ಮಿರೆಪೇರ್ ವಿಷ. ಆ ಪೇರ್ನ್ ಬಾಲೆಗ್ ಕೊಟ್ರೆ ಬಲ್ಲಿ. ಒಂಜಿವೇಲೆ ತಬುರು ಸೈಯಂದ ನೀನೊಂದು ಬಂಡ ವಿಷ ಇಜ್ಜಿಂದ್ ಲೆಕ್ಕ.
- ಚಿನ್ನೆದ ಮಾತ್ರೆಗೆ ನಮ್ಮ ನಕ್ಕು ಪಾಡ್ವ. ಅವೆನ್ ಪನ್‌ಂಡ ಜನಮಾನಿಗ್ ಹೇಸಿಗೆ
ಆಪುಂಡತ್ತೆ? (ಆರ್ ಪಂಡಿಲೆಕ್ಕನೆ ಬರೆದೆ)
- ಉಗ್ಗು ಪಾತೆರಗ್:- ಕೆಲವು ಜೋಕು ಪಾತೆರುನು ತಡ, ಕೆಲವೆರ್ ತೊದ್ದೆ
ತೊದ್ದೆಯಾದ್ ಪಾತೆರ್ವ, ಬಾಲೆಲೆಗ್ ದಿನಾಲ ತಿಮರೆದ ಕಂಡೆ ನಾಲಾಯಿಗ್ ತಿಕ್ಕೊಡು, ಐತ ರಸನ್ ಪರೆಗಾದ್ರ ಬಜೀ ಬಂಜಿಗ್ ಪುಲ್ಲಕಾಂಡೆ ಕೊರೊಡು. ಬಯ್ಯದ ಪೊರ್ತುಗು ಬಜೆನ್ ಬಚ್ಚಿರೆದ ರಸಟ್ ತರೆತ್‌ದ್ ನಾಲಾಯಿಗೆ ತಿಕ್ಕೊಡು.
- ನಿದ್ರೆ ಬರಂದಿನೈಕ್:- ನೆಲನೆಲ್ಲಿ, ಗರಗ, ಮದರಂಗಿ ... ಈ ಮೂಜೆತ ರಸದೆತ್ತ
ಈ ಎನ್ನೆದೆಣ್ಣೆಡ್ ಕಾಯ್ದಿಡು. ಬಾಲೆನ್ ಮೀಪಾನಗ ಈ ಎಣ್ಣೆನ್ ನೆತ್ತಿಗೆ ಬೊಕ್ಕ ಬಾಲೆದ ಅಂಗಾಲ್‌ ಸಮ ತಿಳ್ಕೊಂಡ ಬಾಲೆಗ್ ಪೊರ್ಲುಡು ನಿದ್ರೆ ಬೂರುಂಡು. - ಬಾಲೆದ ಪತ್ತೆ ವಾಸನೆ ಇತ್ತಂಡ: ವಾರಗೊರ, ಕದಿಕೆ ಬೊಕ್ಕ ನಾಚಿಕೆಮುಳ್ಳುದ ಇರೆ, ಜೀರಿಗೆದ ಕಷಾಯಗ್ ವಂತೆ ಪೇರ್ ಕೂಟುದು ಕೊರುಂಡ ವಾಸನೆ ಪೋಪುಂಡು.
- ನೆತ್ತೆರ್ ಶುದ್ಧ ಆವೆರೆಗ್:- ಪೂಂಬೆದ ರಸೊನು ಒಂಜಿ ಚಮಚ ಪರ್ಪಾವೊಡು.
- ಮಾತ್ರ ಒಂಜಿ ಸತ್ಯ ಸಂಗತಿ ದಾದ ಪಂಡ ಅಪ್ಪೆನ ಮಿರೆಪೇರ್ ಪರೊಂದಿತ್ತಿನ
ಬಾಲೆಗ್ ಅಪ್ಪೆನ ಸೀತ, ವಾಯುಉಪದ್ರಲು ಬಾಲೆಗ್ ಬರೆಲ್ಲ ಸಾಧ್ಯ ಉಂಡು. ಮೂಜಿ ತಿಂಗಲ್ಲುಲಾಯ್ಡ್ ಬಾಲೆಗ್ ಸೀಕ್ ಬಂಡ ಜಿಂಜ ಜಾಗ್ರತೆ ಮಲ್ಲೊಡಾಪುಂಡು. ಐಡ್ಡಾವರ.. ಆಜಿ ತಿಂಗಲ್ ಮುಟ್ಟ ಅಪ್ಪೆ ಪಥ್ಯದ ಎಡ್ಡೆ ಹಾರಲೆನ್ ಬಂಜಿಗ್ ದೆತೊಂಡ ಬಾಲೆಲ್ಲ ಎಡ್ಡೆ ಬಾಲೆದ ಅಪ್ಪೆಗೆ ಎಷ್ಟೆ. ಈ ದುಂಬುದಕ್ಲು ಪುರುಬಾಲೆಲೆಗ್ ವಾ-ವಾ ಸೀಕ್‌ಗ್‌ ವಾ-ವಾ ಮರ್ದನ್ ಕೊರೊಂದಿತ್ತೆರ್ ಪಂಡ್ಸ್ ತೆರಿಕ. ಬಾಲೆ ಪುಟ್ಟಿಕೂಡ್ಲಿ... ಕೆಂಬೊನ್ಯದ ನೀರ್‌ನ್ ಪರ್ಪಾವೆ. ಏಲನೆ ಅಮೆಸುದ್ಧದಾನಿ ಮಡ್ಡೆಲ್ಲಿ ಕೊನತ್ತಿ ಉಜೆ ಬೊಂಞದ ನೀರ್‌ನ್ ಪರ್ಪಾವೆ. (ಕೊತ್ತಳಿಗೆ ಪೊತ್ತಾಯಿ ಬೊಂಞನೇ ಉಚೆ ಬೊಂಞ) 71
