ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಕೊರಗ ಪುದ್ದೆ (ಇಂದಿರಾ ನಗರ) ಕುಕ್ಕಿಕಟ್ಟೆ
•ಎನ್ನ ಹೆರಿಯೆರ್ ನೈ ಪಿಲಿತ ತರೆತ ಚಿಪ್ಪುನು ಅರೆದ್... ಐತ ರಸನ್ (48 ದಿನ) ಮಣ್ಣ್ಡ್ ಕರಟ್ ದೀದ್ ಮಣ್ಣಡಿಕ್ ಕೌಂತೊಂದಿತ್ತೆರ್. ಐತ ರಡ್ಡ್ ಬೊಟ್ಟನ್ ಬಾಲೆದ ಮೂಂಕುಗು ಪಾಡೊಂದಿತ್ತೆರ್. ಈ ಮರ್ದ್ದ, ಚಿನ್ನೆದ ರೋಗ ಉಂತೊಂದಿತ್ತ್ಂಡ್.
•ಕೆಲಸರ್ತಿ ಮೂಲಿಕೆದ ರಸ ಶುದ್ದ ಮಲ್ಪರೆಗ್ ಪೆತ್ತ, ಏಡ್, ಎರ್ಮೆದ ಪಡ್ಕೆನ್ ಉಪಯೋಗ ಮಲ್ತೊಂದಿತ್ತೆರ್ಗೆ.
•ಕಂದೋಡಿನ್ ಕೆರ್ದ್ ಬೈತರಿತ ಬಾರ್ಗ್ ಕಲತ್ತ್ ದ್ ದೀಯೊಂದಿತ್ತ. ಸೈದಿನ ಉಚ್ಚುದ ಸತ್ವ ಆ ಬಾರ್ಗ್ ಬೆರಕುಂಡು. ಆ ಬಾರ್ನ್ ನುಂಗಾದ್ ಕೋರಿಗ್ 22 ದಿನ ಪಾಡುವ. ಆ ಕೋರಿನ್ ಕೆರ್ದ್ ಐತ ಗೋರೋಚನ ದೆತ್ತ್ದ್ ದೀಪ. ಅವು ಪರತ್ತ್ ಆಯಿನಾತ್ ಎಡ್ಡೆ. ಅವೆನ್ ಉಚ್ಚು ತುಚ್ಚಿನಕ್ಲಗ್ ಐತ ರಸನ್ ರಡ್ಡ್ ಬೊಟ್ಟ ಕೊರ್ಪ. ವಿಷಕ್ ವಿಷನೆ ಮರ್ದ್ ಅತ್ತೆ! ಬ ವೆಂಕಮ್ಮ ಭಂಡಾರ್ತಿ (ಪದೆತಿ) ಕುತ್ಯಾರ್, ಉಡುಪಿ.
•ಮೋಲೆಗ್ ಪದೆತಿ ಬೇಲೆ ಅತ್ತಂದೆ ಊರ್ದ ಮರ್ದುಲು ಗೊತ್ತುಂಡು, ಬಾಲೆಲೆಗ್ ಚಿನ್ನೆದ ಮಾತ್ರೆ ಮಲ್ತ್ ಕೊರ್ಪಲ್.
•ಬಾಲೆ ಪಿದಾಯಿ ಬನ್ನಗ... ಜಿಂಜ ತೊಂದರೆಲು ಬರು. ಪಂಡ ಕೆಲಸರ್ತಿ ಬಾಲೆದ ಕಾರ್ ದುಂಬುಡು ಬರು.
•ಬಾಲೆ ಮರಂಕಣೆ ಬತ್ತ್ಂಡಲಾ ಅವೆನ್ ಸರಿ ಮಲ್ಪರೆ ಬಲ್ಲಿ. ಅಂಚನೆ ಒಯ್ಪೊಡು, ಪಿರನೂಕರೆ ಬಲ್ಲಿ.
•ಕೆಲವು ಬಾಲೆಲು ಕಜೆಲೆನ್ ಸುತ್ತು ಪಾಡೊಂದು ಬರ್ಪ. ಅಪಗ ಕಜೆಲೆನ್ ತಿರ್ಗಾದ್ ದೆಪ್ಪೊಡು.
•ಕೆಲಸರ್ತಿ ಕೈ ದುಂಬು ಬರ್ಪಿನಲಾ ಉಂಡು, ಅದರ ಕೈನ್ ತಿರ್ಗಾದ್, ಮಂಡೆನ್ ಸಮ ತಿರ್ತ್ ಕೊನೊವೊಡು.
•ಗರ್ಭ ಉಂತರೆಗ್ ಮರ್ದ್ ಪಂಡ ಅಪಗಪಗ ಮೂಜಿ-ನಾಲ್ ತಿಂಗಲ್ ಗಬ್ಬ ಪೋಪಿನಾಕ್ಲಗ್, ಪೆತ್ತದಪೇ, ಜೀರ್ದರಿ, ತಾರಿಪಜಿರ್ದ್ ರಸನ್ ಪಿದಾಯಿ ಆದ್ ಆಜನೇ ದಿನತಾನಿ ಬಜಿ ಬಂಜಿಗ್ ಐನ್ ದಿನ ಕೊರೊಡು.
•ಮೈ ನಿಲ್ಕೆ ಕಜ್ಜಿ ಇತ್ತಿನ ಬಾಲೆನ್ ಉಪ್ಪು ನೀರ್ಡ್ ಅರ್ಧ ಗಂಟೆ ಇಂಚ ಒಂಜಿ ವಾರ ದೀಯೊಡು. ಅತ್ತಡ ಅಂಬಿದ ನೀರ್ಡ್ ಅರ್ಧ ಗಂಟೆ ದೀವೊಡು.
70
