ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ಬಾಲೆದ ಮರ್ದ್ಲೆಡ್ ಪ್ರಾಣಿ, ಪ್ರಾಣಿಜನ್ಯ ವಸ್ತುಲೆನ್ ಪಾಡುವೆರ್ಗೆ.
1. ಪೇರ್ ಬೊಕ್ಕ ಪೇರ್ದ ಉಪವಸ್ತುಲು (ಪೇರ್, ನೈ, ಬೊನ್ನಯ್) 2. ಕಸ್ತೂರಿ 3. ಪುನುಗು 4, ಪುಚ್ಚೆದ ಪೀ 5. ಬಾವಲಿದ ನೆತ್ತೆರ್ 6.ಪೆತ್ತದ ಗೋರೋಚನ 7. ಖಡ್ಗ ಮೃಗತ ಕೊಂಬು 8. ಜಿಂಕೆದ ಕೊಂಬು 9.ಆನೆದ ದಂತ, 10.ಮರ್ವಾಯಿದ ಚಿಪ್ಪು, 1l.ಪಿಲಿತ ಉಗುರು ಬೊಕ್ಕ ಕೂಲಿ 12. ಮುಳ್ಳು ಪಂದಿದ ಕಣಿ 13. ಕುದ್ಕೆನ ಕೊಂಬು 14, ಉಡತ ಚರ್ಮ 15. ನವಿಲ್ದ ತುವಿ 16.ಉಚ್ಚುದ ವಿಷ 17. ಉಡತ ನೆತ್ತೆರ್.
ಮುಡ್ಸುಲೆಗ್ ಈ ಪ್ರಾಣಿಲೆನ್ ಉಪಯೋಗ ಮಲ್ಪೆರ್:- 1. ಕಪ್ಪೆ, 2.ತಿಗತ ಕೆಲಂಜಿ, 3. ತಬುರು, ಕಟ್ಟೆ ಪಿಜಿನ್ 4.ನಕ್ಕುರು, 5. ತೇರಂಟೆ (ಮೂಲಿಕೆ ಮಾತ್ರೆಗ್ ಪಾಡ್ವರ್ಗ)., 6. ನಕ್ಕುರುಡು ಮಾತ್ರೆ ತಯ್ಯಾರ್ ಮಲ್ಪೆರ್ಗೆ, 7. ಕೃಷ್ಣ ಮುರ್ಗದ ಚರ್ಮಡ್ ಕುರಿಕ್ ಮರ್ದ್ ಮಲ್ಪುವೆರ್ಗೆ
•ಬಾಲೆಲೆನ ಬಾಯಿದ ಪುಡಿಕ್ :- ಎಲೆಮುರಿ ತಪ್ಪುಗು ಜೀರ್ದರಿ, ಗಸ-ಗಸೆನ್ ಪಾಡ್ದ್ ಸಣ್ಣ ಕಡೆದ್ ಕಾಲ್-ಕಾಲ್ ಕೊಂಡೆ ಪರ್ರೆಗ್ ಕೊರೊಡು.
•ಬಾಲೆ ಪಾತೆರುನ ತೊದ್ದೆ ತೊದ್ದೆ ಆಂಡ, ನಾಲ್ವತ್ತೆನ್ನ ದಿನ ತಿಮರೆದ ರಸಟ್ ಬಜೆನ್ ತರೆತ್ತ್ದ್ ಪುಲ್ಯಕಾಂಡೆ ಒಂಜಿ ಚಮಚ ರಸನ್ ಬಂಜಿಗ್ ಪರ್ರೆ ಕೊರೊಡು. ಬೊಕ್ಕ ನಾಲಾಯಿಗ್ ತಿಮರೆದ ಕಂಡೆನ್ ಸಮಾ ತಿಕ್ಕೊಡು.
•ಬಾಲೆದ ಚಿನ್ನೆದ ಮಾತ್ರೆನ್ ಮಲ್ಪುನ ಕ್ರಮ:- ಮಾತಾ ಒಂಜಿ ಪುಂಡಿದ ಅಳತೆ ಪ್ರಮಾನಡ್ ಪೊಂಗಾರ್ದ ಕೆತ್ತೆ, ಒಲ್ಲೆಕೊಡಿ, ತುಂಬೆ, ಆಡ್ಸೋಗೆ, ವಿಷಮುಂಗುಲಿ, ಓಮ, ಎಡ್ಡೆಮುಂಚಿ, ಕಾಲಜೀರಿಗೆ, ನೆಲ್ಲಿ, ನೆಲನೆಲ್ಲಿ, ಬೊಳ್ಳುಳ್ಳಿ, ಬಿಲ್ವ, ಕದಿಕೆ, ಗರಗ, ಎಲ್ಯಮುಂಚಿ, ಬಜೆ, ಜೇಷ್ಟಮಧು, ಹಿಪ್ಪಲಿ, ಜಾಯಿಕಾಯಿ, ಇಂಗ್, ಗುಗ್ಗುಲ, ಶುಂಠಿ, ಪುಗರೆ… ಉಂದೆನ್ ಸಣ್ಣ ಕಡೇದ್ ಎಲ್ಲೆಲ್ಯ, ಮಾತ್ರೆ ಮಲ್ತ್ದ್ ಬೊಲ್ದು ಕುಂಟುಡು ನಿರೆಲ್ಡ್ ನುಂಗಾದ್ ಕುಪ್ಪಿಡ್ ಪಾಡೊಡು.
•ಪುರುಬಾಲೆಗ್ ದಿನಾಲ ಮಾತ್ರೆನ್ ಮೂಜಿ ಸುತ್ತು ತಿರ್ಗಾದ್ ಮಿರೆಪೇರ್, ಲಿಂಬೆರಸ, ತಿಗ, ಬೆಲ್ಲ, ಬಚ್ಚಿರೆದ ರಸತ್ ಕೊರುಂಡ ಬಾಲೆಲೆಗ್ ವಾ ಸೀಕ್ಲಾ ಬರ್ಪುಜ್ಜಿ. ಈ ಮಾತ್ರೆನ್ ಬಾಲೆಗ್ ಒಂಜಿ ವರ್ಷ ಮುಟ್ಟ ಪ್ರಮಾಣನ್ ಎಚ್ಚ ಮಲ್ತೊಂದು ಕೊರೊಡು.
69
