ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಬಾಲೆಲೆಗ್ ಮರ್ದ್
ತೆಮ್ಮಗ್ : • ಮಂಜಲ್ ಗೋಂಕುದ ಕೆತ್ತೆದ ರಸ ಕೊರೊಡು.
• ತಾಲಿತಪ್ಪ್ ನೆತ್ತ ರಸನ್ ಪುಳ್ಕು ಇತ್ತಿನ ಕನ್ನ್ ದಮಿತ್ತ್ ಪಾಡ್ಂಡ ಎಡ್ಡೆ.
•ನೀಲಿನೆಕ್ಕಿ, ಬಾಲೆಲೆನ ಜ್ವರಗ್ ನೆತ್ತ ಕಷಾಯ ಎಡ್ಡೆ.
• ಕೊತ್ತಂಬರಿದ ನೀರ್ ಕನ್ನ್ ಬೇನೆಗೆಡ್ಡೆ.
• ಪುಗೆ ಪತ್ತರೆಗ್ಲ ನೆತ್ತ ನುಂಗುದಿನ ಪುಡಿ ಪಾಡ್ಂಡ ಉಮಿಲ್ ಬರ್ಪುಜ್ಜಿ.
• ಚಿನ್ನೆದ ಸೀಕ್ಗ್ ನೆಕ್ಕಿ ಬೊಕ್ಕ ತುಂಬೆದ ರಸಟ್ ಚಿನ್ನೆದ ಮಾತ್ರೆನ್ ತರತ್ತ್ದ್ (ಮೂಜಿ ಸುತ್ತು) ಕೊರೊಡು.
ಬಾಲೆಲೆನ ಅಜೀರ್ಣೋಗು :
• ಕುರ್ಲೆ ಬಾರೆದ ಕಂಡೆನ್ ತೂಟ್ ಪಾಡ್ದ್ ಐತ ಚೋಲಿ ಜಾರಾದ್.. ಐತ ತಿರ್ಲ್ ಗ್ ಬೊಳ್ಳುಳ್ಳಿ ಪಾಡ್ದ್ ಅರೆತ್ ಕೊರೊಡು.
• ಕಣ್ಡ್ ಪುರ್ಕು ಬತ್ತ್ಂಡ : ನೈಕೊಂಬುದ ನೀರ್ ಪಾಡೊಲಿ, ಪನ್ನೀರ್ ಪಾಡೊಲ
• ನೆಲನೆಲ್ಲಿ : ಮಂಜಲ್ ಸೀಕ್ಗ್ ಪೆತ್ತದ ಪೇರ್, ಜೀರಿಗೆ, ನೆಲನೆಲ್ಲಿನ್ ಸನ್ನ ಕಡೆದ್ ಪರ್ಪಾವೊಡು.
• ಕೂಲಿಬೇನೆಗ್: ಜೀರ್ದರಿ, ಕುಕ್ಕುದತಪ್ಪು, ಲವಂಗ ಉಂದೆನ್ ತರೆತ್ದ್ ಪೂಜೊಡು.
• ಪೆದ್ಮೆದಿ ಪಥ್ಯ ಮಲ್ತ್ಂಡ ಮಿರೆ ಪೇರ್ ಪರ್ಪುನ ಬಾಲೆಗ್ ವಾ ಸೀಲಾ ಬರ್ಪುಜ್ಜಿ.
•ಜುಲಾಬುಗು : ದಾಳಿಂಬ ಓಡುದ ಕಷಾಯ ಮಲ್ತ್ದ್ ಕೊರೊಡು.
ಪಂಡಿನಾರ್- ಶ್ರೀಮತಿ ಇಂದಿರಾ ಕೆದಿಲ್ಲಾಯ, 78 ವರ್ಷ, ಹೆರ್ಗ, ಉಡುಪಿ ತಾಲೂಕು, ಮರ್ದ್ ಕೊರ್ಪಿನ ಮನೆತನ.
ಬಾಲೆದ ಬಡವುಗು :- •ಪಾಂಡೇಲ್ ಬೇರ್, ಅರ್ಸಣಿ ಬೇರ್, ಬೈನೆ ಮರತ ಬೇರ್ ಮಾತಾ ಗುದ್ದುದು ಜೀರಿಗೆ ಪಾಡ್ದ್ ಕಷಾಯನ್ ಕೊದಿಪಾದ್ ಅರ್ಧಗರ್ಧ ಕುಂದಾವೊಡು. (ಬೈನೆದ ಬೇರ್ ತೆಂಕಾಯಿ ದಿಕ್ಕ್ ಗ್ ಕೊಡಿನವೆನ್ ಕನವೊಡುಗೆ).
66
