ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಮಲ್ತ್ ದ್ ಪರ್ಪಾವೆರ್.ಪೆತ್ತದ ಪೇರ್ಗ್ ಒಂಜೆಕ್ಕ್ ಮೂಜಿ ನೀರ್ ಕೂಟೊಡು, ಇಜ್ಜಿಡ ಕಪ ದಿಂಜುಂಡುಗೆ. ಅತ್ತಾಂಡ ಬಾದಾಮಿ, ನೆಲಕಡ್ಲೆನ್ ಪೊರ್ತ್ ದ್ ಪೇರ್ಡ್ ಕುಂದಾದ್ ಪರ್ಪಾಂಡ ಎಡ್ಡೆಗೆ. ಎಡ್ಡೆ ಏಡ್ದ ಪೇರ್ನ್ ಬಾಲೆಗ್ ಕೊರೊಂದಿತ್ತೆರ್ಗೆ.
ಮೂಜಿ ತಿಂಗಲ್ ಆನಗ... ಕೆಲವು ಬಾಲೆಲೆಗ್ ಗಟ್ಟಿದ ತೆನಸ್ ಕೊರೊಡಾಪುಂಡು. ಬೇತೆ ಬೇತೆ ಧಾನ್ಯದ ಪಲ್ಲೆನ್ ಮಲ್ತ್ ಕೊರ್ಪೆರ್. ಬಾಲೆದ ಬಡವುನ್ ತೂದು ದಿನಕ್ ರಡ್ಡ್ ಸರ್ತಿ, ಮೂಜಿ ಸರ್ತಿ ಇಂಚ ಬಡವು ಮಲ್ತ್ ಕೊರ್ಪೆರ್.
ರಾಗಿದ ಪಲ್ಲೆನ್ ಮಲ್ಪುನ ಕ್ರಮ ಎಂಚ ಪಂಡ: ರಾಗಿ ಬೊಕ್ಕ ಗೋಧಿನ್ ಸಮಸಮ ಅಲತೆಡ್ ಸಣ್ಣ ಕಡೆದ್, ತೆಲ್ಪು ಕುಂಟುಡ್ ಪಾಡ್ದ್, ಐತ ನೀರ್ನ್ ಪುಂಟುದ್ ದೆಪ್ಪೊಡು. ಮನದಾನಿ, ಮೇಲ್ದ ನೀರ್ನ್ ಗೂತ್ದ್ ಅಡಿತ ದಪ್ಪ ಬಂದೊನ್ ಬೊನ್ಯ ಇತ್ತಿನ ತಡ್ಪೆದ ಮಿತ್ತ್ ತೆಲ್ಪು ಬೊಲ್ದು ಕುಂಟುದ ಮಿತ್ತ್ ಪಾಡೊಡು. ರಡ್ಡ್ ಗಂಟೆದ ಬೊಕ್ಕ ಬಂದೊನ್ ಉರುಟು ಉರುಟುದ ಪಲ್ಲೆ ಮಲ್ತ್ ದ್ ಬೊಲ್ಡ್ ಕುಂಟುಗ್ ಪಾಡ್ದ್ ನಾಲೈನ್ ದಿನ ದೊಂಬುಗು ಸಮಾ ನುಂಗಾದ್ ಡಬ್ಬೆಗ್ ಪಾಡ್ದ್ ದೀವೊಡು.
ಸುರುಕು ಅರ್ದ ಪಲ್ಲೆನ್ ನೀರ್ಡ್ ಅತ್ತಡ ಪೇರ್ಡ್ ನೆನೆತ್ತ್ದ್ ಕೈ ಬಟ್ಟಲ್ದ ಬಾಜನೊಡು ನಡು ಸಮಾ ಗುಲ್ಲೆ ಬನ್ನೆಟ್ಟ ಬೈಪಾದ್ ಉಗುರು ಬೆಚ್ಚಡ್ ಬಾಲೆಗ್ ತಿನ್ಪಾವೊಡು. ಇಂಚ ತಿನ್ಪಾಯಿ ಬೊಕ್ಕ ಮುಡುಗಾದ್ರೆ ಬಾಜನೊಗು ರಡ್ಡ್ ಚಮಚ ನೀರ್ ಪಾಡ್ದ್ ಬಾಲೆಗ್ ತೊರತ್ತ್ ದ್ ದಕ್ಕವೆರ್. ಬಾಲೆದ ದೇಹ ಪ್ರಕೃತಿ ತೂದ್ ಉಷ್ಣ ಆಂಡ ರಾಗಿ ಹೆಚ್ಚ ಪಾಡೊಡು. ಸೀತ ಆಂಡ ಗೋಧಿ ಹೆಚ್ಚ ಪಾಡೊಡು. ಇಂಚನೆ ಬೇತೆ ಬೇತೆ ನಮೂನೆಡೆ ನವಧಾನ್ಯ, ಆರಾರೋಟ್, ಕೆರೆಂಗ್, ಬಾರೆ, ಸಾಬಕ್ಕಿ, ಬಜಿಲ್, ಸಜ್ಜಿಗೆ, ಜೋಳ, ಅರಿ ನೆತ್ತ ಪೊಡಿಟ್ಲಾ ಬಡವು ಮಲ್ತ್ ಕೊರ್ಪೆರ್. ಐಕ್ ಪೇರ್ ಅಡ ಕೊಜಪುಡು ಕೊದಿಪಾದ್ ರಡ್ಡ್ ಕಲ್ಲ್ ಉಪ್ಪು ಅತ್ತಡ ಬೆಲ್ಲ ಪಾಡ್ದ್ ಕೊರ್ಪೆರ್. ಪೇರ್ ನೀರ್ದ ಬದಲ್ಗ್ ಕುಡು, ಬೇಳೆ, ಇಂಚಿನೆನ್ ಬೆಯ್ಪಾಯಿನ ಕಟ್ಟ್ ನ್ ಬೆರೆಕಾದ್ ಬಡವು ಮಲ್ತ್ ಕೊರ್ಪೆರ್.
ಕೆಲವೆರ್ ರಡ್ ರಡ್ ಪುಂಡಿದ ಅಂದಾಜಿಡ್ ಉರ್ಪೆಲ್ ಅರಿ, ಬೊಲಂತೆ ಅರಿ, ಗೋಧಿ, ರಾಗಿ, ತೊಗರಿ ಸಲಾಯಿ, ಪದೆಂಗಿ ಸಲಾಯಿ, ಕಡ್ಲೆ, ಅವರೆ, ನೆಲಕಡ್ಲೆ ಸಲಾಯಿ, ಕುಡು, ಉರು (ಕೊತ್ತಂಬರಿ, ಮೆಂತೆ, ಜೀರಿಗೆ ಉಂದೆನ್ ಪರಿಮಲಗಾತ್ರ) ಉಂದೆನ್ ಬಾನಲೆಗ್ ಪಾಡ್ದ್ ಹದ ಗೆಂಡೊಡು ಕೆಂಪುಡ್ ಪೊರ್ತುದ್ ಕಲ್ಲ್ ಡ್ ಬೀಸ್ದ್ ಪೊಡಿಮಲ್ತ್ ಬಾಲೆಗ್ ತೆನಸ್ ಮಲ್ಪುವೆರ್. (ಕೆಲವೆರ್ ಧಾನ್ಯಲೆನ್ ಮುಂಗೆ ಬರ್ಪಾದ್ ನುಂಗಾದ್ ಪೊಡಿ ಮಲ್ಪುವೆರ್). ಈ ಪೊಡಿತ ಬಡವು ಬಾಲೆದ ಬುಲೆಚಿಲ್ಗ್ ಭಾರೀ ಎಡ್ಡೆಗೆ.
61
