ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ತುಳು ಬಾಸೆ ಮೋಕೆಡ್ ಕಬಿತೆನ್ ಮುಡಲ
ತುಳುನಾಡ ವೀರರೆ, ಶಕ್ತಿನ್ ಪಡೆಲ
ತುಳುನಾಡ ಅಪ್ಪೆ ಸಂಗತಿ ಸಾಧನೆ ತೆರಿಲ
ತುಳು ಮಣ್ಣ ಮರೆಯಾದ್ ತುಳುಟೆ ಪಾತೆರ್ಲ
ನನೊಂಜಿ ಜೋಯಿಪದ ಇಂಚ ಉಂಡು
ಡಿಂಬಿ ಸಾಲೇ, ಡಿಂಬಿ ಸಾಲೇ ಜೋ-ಜೋ
ಡಿಂಬಿ ಸಾಲೇ ಬಾಲೆ ಕೊಂಬಿ ಸಾಲೇ ಜೋ-ಜೋ
ರಾಮೆ ದೂಮೆ ಅಮರ್ ಕುರ್ಲೆಲು ಜೋ-ಜೋ
ರಾಮಗ್ ಕಂಚಿದ ತೊಟ್ಟಿಲ್ ಜೋ-ಜೋ
ದೂಮಗ್ ಬೊಲ್ಲಿದ ತೊಟ್ಟಿಲ್ ಜೋ-ಜೋ
ಕಾಳಗ್ ಕುಂಟುದ ತೊಟ್ಟಿಲ್ ಜೋ-ಜೋ
ಬೋಳಗ್ ಪಾಲೆದ ತೊಟ್ಟಿಲ್ ಜೋ-ಜೋ
ಇಂಚ ಪ್ರತಿಯೊಂಜಿ ಸಾಲ್ಗ್ಲಾ ದಿಂಬಿ ಸಾಲೇಂದ್ ಪನೊಂದು ಜೋಯಿ ಪನ್ಪೆರ್.
ಡಿಂಬಿ ಸಾಲೆಗ್ ಅರ್ಥ ಇಜ್ಜಿ. ಆಂಡ ಆ ಶಬ್ದೊಲು ಬಾಲೆದ ಕೆಬಿಕ್ ಪೊಸತ್ತಾದ್ ತೋಜುನೆಕ್ ಡಿಂಬಿಸಾಲೆ ಡಿಂಬಿಸಾಲೆಂದ್ ಪಂಡೆರಾದಿಪ್ಪು., ಈ ಕಬಿತೆಗ್ ಕಡೆ ಇಜ್ಜಿ... ಮನಸ್ಗ್ ತೋಜುನೆನ್ ಬಾಲೆ ನಿದಿರೆ ಮಲ್ಪುನ ಮುಟ್ಟಲಾ ರಾಗೊಡು ಪನೊಂದು ತೂಂಕೊಂದಿತ್ತೆರ್. ಬಾಲೆದ ಪೊರ್ಲು, ರಂಗ್, ತೆಲಿಕೆ, ನಲಿಕೆದೊಟ್ಟುಗು ಬಾಲೆಗ್ ಪಾಡ್ಡಿನ ಸೊಂಟೊಗು ನೇವಲಾ, ಕಂಟೆಲ್ ಪಕಲದ ಕಂಟಿ, ಕೆಬಿಕ್ ವಜ್ರದೊಂಟಿ, ಕೈಕ್ ಮುದ್ದಿಪಾಟ್ಲಿ, ಬಿರೆಲ್ಗ್ ಉಂಗಿಲ, ಕಾರ್ಲ್ಗ್ ಗಿಲಿಗೆಜ್ಜೆ, ಕಣ್ಣಿಗೆ ಮೈ, ಮುಂಡೊಗು ಪುರುಸಾದ ಇಂಚ ಬಾಲೆದ ಐತನ್ ಪುಗರೊಂದು ನಮ ಜನಪದೆರ್ ತೊಟ್ಟಿಲೆನ್ ತೂಂಕೊಂದಿತ್ತೆರ್ ಪನ್ಪುನೆಕ್ ಈ ಕಬಿತೆ ಉದಾರ್ಮೆ.
ಬಾಲೆಗ್ ಪದ ಪಂಡ್ದ್ ತೂಂಕರೆಗ್ ಅಪ್ಪೆಗ್ ಬಂಇ ಇಜ್ಜಿ. ದಾಯೆ ಪಂಡ ಅಪ್ಪೆ ಆಯಿನಾಲ್ ಮೋಕೆಡ್ ಪನ್ಪುನ ಪಾತೆರನೇ ಮಲ್ಲ ಕಬಿತೆ ಆಪುಂಡು. ಬಾಲೆಗ್ ಕಣ್ಣ್ ಮುಚ್ಚಿದ್ ಜೆಪ್ಪರೆಗ್ ಅಪ್ಪೆ ಳು..ಳು..ಳು.. ಲಾಯಿ, ಜೋಯಿ ಬುಲಿಪಡಾ ಬಾಲೆ ಬುಲಿಪಡ ಮೇಗಿನ ಲೋಕೊಡ್ ಇಸ್ವರೇ ಪಾರ್ವತಿ ದೇವೆರ್, ತಿಪೆ ತಿನ್ಪಾವೆರ್ ಬುಲಿಪಡ, ನಾರಾಯಣ
55
