ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಮೂಡಾಯಿ ಬೊಲುಗು ತೆಲಿಪುನ ಬಾಲೆ|1|
ಮಲ್ಲಿಗೆ ದೋಟೊಡು ಬಲಿಪುನ ಬಾಲೆ
ಸಂಪಯ್ ಕಾಡ್ಡ್ ಸುತ್ತುನ ಬಾಲೆ
ಗುರ್ಬಿದ ನಡಕೆನ್ ನಡುಪುನ ಬಾಲೆ
ಗಿಲಿತಂಚ ಗಿಲಿಗಿಲಿ ಪಾತೆರು ಬಾಲೆ ||2||
ಏಳ್ ಕಡಲ್ದ ಪಿದಯಿ ಪೋವೊಡು ಬಾಲೆ
ತಾಮರೆ ಪೂವೊಂಜಿ ಕನವೊಡು ಬಾಲೆ
ಕಮ್ಮೆನ ನಾಡ್ಡ್ ಪರಪಡ್ ಬಾಲೆ
ತುಳುನಾಡ ಬೆಳಗಡ್ ಬಾಲೆ ||3||
ಜೋ ಜೋ ಜೆಪ್ಪು
ಕಬ್ಬಿನಾಲೆ ಭಾರದ್ವಾಜ
ಜೋ ಜೋ ಜೆಪ್ಪುಲ ಓ ಪುರುಬಾಲೆ
ಜೋಕುಲೆನರಸು ಪಿಂಗಾರದ ಪಾಲೆ ||
ಜೋ ಜೋ ಜೋ ಜೋ ಜೋ ಜೋ ಜೋ ಜೋ
ಏರ್ ನೆರಿಯೆರಪ್ಪ ಎನ್ನ ಕುಂದರಿಗ್
ಏರ್ ಕಿನ್ಕೈರಪ್ಪ ಬಂಗಾರದ ಮರಿಕ್
ಬೇರುವೆ ಕೈಯಿತ್ತೆ ಬೇತೆ ಜೋಕುಲೆಗ್
ಪೇರ್ ಸಕ್ಕರೆ ಕೊರ್ಪೆ ಎನ್ನ ತಾಮರೆಗ್||1||
ತಾಡ್ಂಡ ಮಗ ನಿಕ್ಕ್ ಕೊಟ್ಯದ ಗೋಣೆ
ತಾಡ್ನ ಸೋಂಕ್ಗ್ ಕಪ್ಪು ಕಟ್ಟ್ಂಡ ಮೋನೆ
ಪೋಡ್ಯಡ ಯಾನುಲ್ಲೆ ಕೊರ್ಪಾವೆ ಆನೆ
ನಾಡೊಂದು ಬರುಗುಮ್ಮೆ ಬುಲಿಪಡ ದಾನೆ ||2||
ಎಲ್ಲೆ ಕಾಂಡೆನೆ ಲಕ್ದ್ ಕುಡಲಗ್ ಪೋಕ
ಇಲ್ಲಡಣ್ಣನ್ ಬುಡುದು ನಮ ಪೇಂಟೆ ತೂಕ
ಮಲ್ಲ ಲೋಟೆಡ್ ತಂಪು ಪಾನಕ ಪರ್ಕ
ಪೊರ್ಲಂಗಿ ಪಾಡೊಂದು ತಿರ್ಗೊಂದು ಬರ್ಕ |3|
54
