ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಪಿಂಗಾರದಾ ಪುರ್ಪ ಬೆಮ್ಮೆರ್ ಕೊರಿನ |
ಸಿಂಗಾರದಾ ಸಿರಿ ದುಂಬುಗು ನಿನ್ನ |
ತಿಂಗೊಲು ದಿನ ದಿನ ದಿಂಜುನ ಬನ್ನ |
ಮಂಗಲ ಮಾನದ ನಿನ ಮೋಕೆ ಎನ್ನ ||ಜೋ||
ಈಯಿಲ್ಲ್ ದಿಂಜುನ ಪುನ್ಯದ್ ದೀಪ |
ಈ ಯೆನ್ನ ದುಕ್ಕದ ಬಂಜೊನು ಜಾಪ |
ಕಾಯಿದಿ ಮನಸ್ ಗ್ ತಂಪುನು ಕನಪ
ಮಾಯಿದೆ ಪೋಂಡೆನ್ನ ಮಾತಲ ಪಾಪ ||ಜೋ||
ಅಲ ತೂಲ, ಬೆಮ್ಮೆರ್ ನಿನ ತರೆ ಮಿತ್ತ್ |
ನಲಿಪುನ ದೇವೆರೆ ಪೊರ್ಲುದ ಬಿತ್ತ್ ||
ಕಲೆಕೂಡಿ ನಿನರೂಪ- ಮೆಯ್ದಿರಿಲತ್ತ್ |
ಬಲಪಡ್ ಬಾಡಂದ್ ಬುಲೆವಡ್ ಮಿತ್ತ್ ||ಜೋ||
ಅರಲಿನ ತುಂಬೆದ ಪೂ ನಿನ್ನ ತೆಲಿಕೆ |
ಮುರೊಟುಪ್ಪುಗೊಂಡ ಸಂಪಾಯಿದ ನಲಿಕೆ
ಇರ್ವಂದೆ ನೀರಲ್ಲಿ ಎಸಲ್ದ ಬಲಕೆ |
ತರೆದೆರ್ತಿ ಕೇದಾಯಿರಂಗ್ದ ತೋಕೆ ||ಜೋ||
ಮಿರೆಪೇರ್, ಪೆತ್ತದ ಪೇರ್ನ ಕೊರುಪೆ |
ತರೆಮೆಯಿ ಗಟ್ಟಿದ್ ಕೊಂಡಾಟ ತೂಪೆ |
ಪೊರೆಲಡ ಕನೊಟೊಂಜಿ ಗುಟ್ಟುನು ಕನಪೆ |
ಮಿರಿಮಿರಿಮೆಂಚುನ ಬಂಗಾರ ಪಾಪೆ
||ಜೋ||
ಜೋ ಜೋ ಎನ್ನ ಬಾಲೆ
ಡಾ|| ಸುನೀತಾ ಶೆಟ್ಟಿ, ಮುಂಬೈ
ಜೋ ಜೋ ಜೋ ಜೋ ಜೋ ಎನ್ನ ಬಾಲೆ
ಬಂಗಾರ ಕಿರಿ ತುಡರ್ ರತ್ನದ ಮಾಲೆ
ಬಾನಾದ ದಾರಾಯಿ ಗೆನಿಪುನ ಬಾಲೆ
ತಿಂಗೊಲ್ದ ತಂಪುಡು ನಲಿಪುನ ಬಾಲೆ
ಮೋಡದ ಸುತ್ತ ತಿರುಗುವ ಬಾಲೆ
53
