ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೫೭

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ

ದೇವರ್ ಮೋಕೆಡ್ ಗೊಬ್ಬಾವೆರ್ ಬುಲಿಪಡ, ಅಪ್ಪೆ ಸರಸೋತಿ ಪದ ಪನೊಂದ್ ಜೋಯಿ ಪಾಡ್‌ವೆರ್ ಬುಲಿಪಡ. ಇಂಚ ಆಲೆನ ಮೋಕೆದ ಪಾತೆರನೇ ಮಾ-ಮಲ್ಲ ಕಾವ್ಯ ಆವು. ತುಳು ಜನಪದೆರ್ ಒಂಜಿ ಕಬಿತೆ ಪೊನ್ನುಬಾಲೆದ ಮಿತ್ತ್ ಪೊರ್ಲುಡು ಮುಡೆತ್‌ದೆರ್:

ಎಲ್ಯಾಲ್ ಎಲ್ಯ ಬಾಲೆ ತೆಲಿಕೆದ ಮೋನೆದಾಲೋ, ಜೋ... ಜೋ...

ಎಲ್ಯಾಲ್ ಎಲ್ಯ ಬಾಲೆಗ್ ಅಜಿವರಣೊ ತಿರುಪುದ ಪೂವಾವೊಡೋ

ಎಲ್ಯಾಲ್ ಎಲ್ಯ ಬಾಲೆಗ್ ಅಜಿವರಣೊ ಬುಗುಡಿ ಆವೊಡೋ

ಎಲ್ಯಾಲ್ ಎಲ್ಯ ಬಾಲೆಗ್ ಅಜಿವರಣೊ ಉಂಗಿಲ ಆವೊಡೋ

ಎಲ್ಯಾಲ್ ಎಲ್ಯ ಬಾಲೆಗ್ ಅಜಿವರಣೊ ಮುಂದಲೆ ಆವೊಡೋ

ಎಲ್ಯಾಲ್ ಎಲ್ಯ ಬಾಲೆಗ್ ಅಜಿವರಣೊ ಮೂಂಕುತಿ ಆವೊಡೋ

ಎಲ್ಯಾಲ್ ಎಲ್ಯ ಬಾಲೆಗ್ ಅಜಿವರಣೊ ಬೆಂಡೋಲೆ ಆವೊಡೋ

ಎಲ್ಯಾಲ್ ಎಲ್ಯ ಬಾಲೆಗ್ ಅಜಿವರಣೊ ಕಾಜಿ ಆವೊಡೋ

ಎಲ್ಯಾಕ್ ಎಲ್ಯ ಬಾಲೆಗ್ ಅಜಿವರಣೊ ಪಟ್ಟಿ ಆವೊಡೋ

ಎಲ್ಯಾಲ್ ಎಲ್ಯ ಬಾಲೆಗ್ ಅಜಿವರಣೊ ವಂಕಿ ಆವೊಡೋ

ಎಲ್ಯಾಲ್ ಎಲ್ಯ ಬಾಲೆಗ್ ಅಜಿವರಣೊ ಕಾರ್ದ ಸರಪಣಿ ಆವೊಡೋ

ಎಲ್ಯಾಕ್ ಎಲ್ಯ ಬಾಲೆಗ್ ಅಜಿವರಣೊ ಗೆಜ್ಜೆ ಟಿಕ್ಕಿ ಆವೊಡೋ

ಎಲ್ಯಾಲ್ ಎಲ್ಯ ಬಾಲೆಗ್ ಅಜಿವರಣೊ ಮಿಸ್ರಿ ಮಾಲೆ ಆವೊಡೋ

ಎಲ್ಯಾಲ್ ಎಲ್ಯ ಬಾಲೆಗ್ ಅಜಿವರಣೊ ಕೊಪ್ಪುಸರಪಳಿ ಆವೊಡೋ

ಎಲ್ಯಾಲ್ ಎಲ್ಯ ಬಾಲೆಗ್ ಅಜಿವರಣೊ ಬಂಗಾರದ ಕೇದಯಿ ಆವೊಡೋ

ಎಲ್ಯಾಲ್ ಎಲ್ಯ ಬಾಲೆಗ್ ಅಜಿವರಣೊ ತಾರೆ ಆವೊಡೋ

ಎಲ್ಯಾಲ್ ಎಲ್ಯ ಬಾಲೆಗ್ ಅಜಿವರಣೊ ಟಕ್ಕಿ ಆವೊಡೋ

ಎಲ್ಯಾಲ್ ಎಲ್ಯ ಬಾಲೆಗ್ ಅಜಿವರಣೊ ಕೈತ ಸರಪಣಿ ಆವೊಡೋ

ಉಂದು ಶಿಷ್ಟವರ್ಗದಾಕ್ತನ ಪದ. ಬಾಲೆಗ್ ಮಾತಾ ಪದ್ದೇಯಿಲೆನ್ ಪಾಡುನ ಕನ ತೂವೊಂದು ಪೊರ್ಲುಡ್ ಬಾಲೆಗ್ ಜೋಯಿ ಪದ ಪನ್ತೆರ್ ಪನ್ನುನೈಕ್ ಈ ಪದ ಉದಾರ್ಮೆಂದ್ ಪನೊಲಿ.

ಪೊನ್ನಗ್ ತನ್ನ ಬೇನೆ-ನೇನೆನ್ ಪಂಡ್ ಪುಡ್ರಾಡೆಗ್ ಒಂಜಿ ಜನ ಬೋಡು. ಅಪ್ಪೆ ಇಲ್ಲ ಕೈತಾಲ್ ಇಜ್ಜಿ. ಮಾಮಿ, ಮೈತಿದಿ, ಕಂಡನೆ ಕೊರ್ಪುನಂಚಿನ ಕಷ್ಟೊಲೆನ್ ತನ್ನ

56