ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
- ಏಪಲಾ ಬುಲಿಪುನ ಚದಿ ಮಲ್ಪುನ ಬಾಲೆಗ್ ತೊಟಿಲ್ದ್ ತೂಂಕುನನೇ ಮಲ್ಲ ಮರ್ದ್.
- ದಾಯೆಪಂಡ ತೂಂಕುನಗ ಐಕ್ ಅಪ್ಪೆನ ಬಂಜಿಡ್ ಜೆತ್ತಿತ್ತಿನ ನೆಂಪು ಬರು.
- ಬಾಲೆ ಪೊರ್ಲುಡು ನಿದಿರೆ ಮಲ್ಪೊಡಾಂಡ ವಾ ಮೈ ಕಣ್ಣಗ್ ಪಾಡೊಡು? ಪನ್ಪುನ
ವಿಚಾರ ದುಂಬುದ ಸಾಲ್ದ್ ಬರ್ಪುಂಡು.
- ಬಾಲೆಗ್ ನಿದಿರೆ ಬರ್ಪುನ ಕಣ್ಣಿಗ್, ಮರ್ದ್ ಏರೆಗ್ ಗೊತ್ತುಂಡು?
- ಗಂಗೆಗ್ ರೆಂಕುನ ಗರ್ಗದ ಕೊಡಿ : ರಂಬೆನಾಕುಲು ಮೈನ್ ಅರೆತೆರ್ಗೆ.
- ಬಾಲೆ ಈರ್ ಅಲಡೆ, ಲಕ್ಕುಂಡ ಪೇರ್ ಬಂಜಾರೆ, ನಿದಿರೆ ಬತ್ತಂಡ ಜೆಪ್ಪುಲಪ್ಪ
ಎನ್ನ ಬಾಲೆ
- ಜಾಗರ ಕರಿನಗ... ಜಾಗಟೆ ಬೊಟ್ಟು.
- ಬಾಲೆದ ಬುಲಿಪು ಪಂಡ ಜಾಗಂಟೆದ ಸಬ್ದದ ಲೆಕ್ಕಂದ್ ದುಂಬುದಾಕ್ಲು ಎನ್ನದೆರ್.
ಕೆಲವೆರ್ ಪುರುಬಾಲೆನ್ ಸುರುಕು ತೊಟ್ಟಿಲ್ಗ್ ಪಾಡುನ ದುಂಬು ಸುರುಕು ಕಲ್ಲಗುಂಡುನು ಪಾಡುನಗ ಪನ್ಪುನ ಜೋಯಿ ಪದ ಇಂಚ ಉಂಡು. ಬೊಕ್ಕ ತಾರಾಯಿನ್ ದೀದ್ ಬಾಲೆನ್ ತೊಟ್ಟಿಲ್ಗ್ ಪಾಡ್ನಗ,
ಕಿನ್ನಿ ಗುಂಡಪ್ಪೆ ನಿನ್ನಜ್ಜಿ ಬತ್ತೆರ್, ಕಾರ್ ಗಣಿಗಿಣಿ ಗೆಜ್ಜೆನ್ ಕೊನತೆರ್ ಕಾರ್ದಾಂತೆ ಎಂಚ ದೀವೊಲಿ ಪಂಡ್ದ್, ಕಿನ್ನಿ ಗುಂಡಪ್ಪೆನ್ ಪುಗರ್ ತೂಂಕೈರ್ ಜೋ- ಜೋ..
ಕಿನ್ನಿ ಗುಂಡಪ್ಪೆ ನಿನ್ನಮಾಮೆ ಬತ್ತೆರ್, ಕೈಕ್ ಗಲಗಲ ಹೊಳೆಪುನ ಪಾಟ್ಲಿನ್ ಕೊನ ಕೈ ಇಜ್ಜಂದೆ ಎಂಚ ದೀವೊಲಿ ಪಂಡ್ದ್, ಕಿನ್ನಿ ಗುಂಡಪ್ಪೆನ್ ಪುಗರ್ದ್ ತೂಂಕ್ಯೆರ್ ಜೋ ಜೋ...
ಮುದ್ದು ಗುಂಡಪ್ಪೆ ನಿನ್ನಮ್ಮೆ ಬತ್ತೆರ್, ಕೆಬಿಕ್ ಪಳಪಳ ಹೊಳೆಮನ ಒಂಟಿ ಕೊನತ್ತೆರ್ ಕೆಬಿ ಇಜ್ಜಂದೆ ಎಂಚ ದೀವೊಲಿ ಪಂಡ್ದ್, ಕಿನ್ನಿ ಗುಂಡಪ್ಪೆನ್ ಪುಗರ್ದ್ ತೂಂಕ್ಯೆರ್ ಜೋ ಜೋ
ಬಾಲೆ ಗುಂಡಪ್ಪೆ ನಿನ್ನಜ್ಜಿ ಬತ್ತೆರ್, ಕೆಕ್ಕಿಲ್ಗ್ ಮೊಲ್ಲುದ ಕಂಠಿ ಕೊನತ್ತೆರ್ ಕೆಕ್ಕಿಲ್ಇಜ್ಜಾಂದೆ ಎಂಚ ಪಾಡೊಲಿ ಪಂಡ್, ಕಿನ್ನಿ ಗುಂಡಪ್ಪೆನ್ ಮಗರ್ ತೂಂಕೆರ್ ಜೋ ಜೋ
ಬಾಲೆ ಗುಂಡಪ್ಪೆ ನಿನ್ನಪ್ಪ ಬತ್ತೆರ್, ಬಿರೆಲ್ ವಜ್ರದ ಉಂಗಿಲ ಕೊನತ್ತೆರ್ ಬಿರೆಲ್ ಇಜ್ಜಾಂದೆ ಎಂಚ ದೀವೊಲಿ ಪಂಡ್ಸ್, ಕಿನ್ನಿಗುಂಡಪ್ಪೆನ್ ಪುಗರ್ ತೂಂಕೆ ಜೋ ಜೋ
49
