ಈ ಪುಟೊದ ಪರಿಶೀಲನೆ ಆತ್ಂಡ್
ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ನಾಲ್ ಜನ ಮುತ್ತೇಸಿನಾಕ್ಲು ಅಂಚಿ-ಇಂಚಿ ಉಂತ್ದ್, ಸುರುಕು ಪೊರ್ಲುಡು
ಐತ ಮಲ್ತಿನ ಕಲ್ಲಗುಂಡುನ್ ತೊಟ್ಟಿಲ್ದಡಿಕಾದ್ ಮೂಜಿ ಸುತ್ತು ಕನತಿಲೆಕ್ಕನ ತೆಪ್ಪಿತ್ತಿನ
ತಾರಾಯಿನ್ ಕನತ್ ಬಾಲೆದ ಮಂಡೆ ದೀಪುನಲ್ಪ ಅಂಚಿ ಇಂಚಿ ದೀದ್, ಬೊಕ್ಕ
ಬಾಲೆನ್ ಮೂಜಿ ಸುತ್ತು ಬರ್ಪಾದ್ ತೊಟ್ಟಿಲ್ಗ್ ಪಾಡುವೆರ್. ದಾಯೆಪಂಡ ಬಾಲೆ
ಕಲ್ಲಗುಂಡುದ ಲೆಕ್ಕ ಉಪ್ಪೊಡು ಬೊಕ್ಕ ಕಲ್ಪವೃಕ್ಷದ ಲೆಕ ನನೊರಿಯರ್ ಸಾಯ ಮಲ್ಪುಲೆಕ
ಪುದಾರ್ ಗೆತೊನೊಡು ಪಂಡ್ದ್ ದುಂಬುದಾಕ್ಲೆನ ಆಲೋಚನೆ ಆದಿಪ್ಪೊಡು.
ಕೆಲೆವೆರ್ ಪದಿನಾಜನೆ ದಿನ ಬಾಲೆಗ್ ತೊಟ್ಟಿಲ್ಗ್ ಪಡುವೆರ್, ಮರಬೂರುಡು ತೊಟಿಲು ಮಲ್ಪುವೆರ್. ಐಕ್ಕ್ ತಕ್ಕನ ಪಾಡ್ದ್ ಐತ ಮಿತ್ತ್ ಪರಕುಂಟುಲೆನ್ ಪಾಡ್ದ್ ಧೂಪದ ಹೊಗೆ ಪತ್ತ್ದ್ ಶುದ್ಧ ಮಲ್ತ್ದ್ ಇಲ್ಲದ ಮುತ್ತೈಸಿ ಹಿರಿಯರ್ನಕುಲು ಬಾಲೆನ್ ತೊಟಿಲ್ದ ತಿರ್ತ್,ಮಿತ್ತ್ ಮೂಜಿ ಸರ್ತಿ ಸುತ್ತು ಬರ್ಪಾದ್ ಬೊಕ್ಕ ಪುರು ಬಾಲೆನ್ ತೊಟಿಲ್ಗ್ ಪಾಡ್ದ್ ಜೋಯಿಪದ ಪನ್ಪೆರ್.
*****
50
