ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ರಡ್ಡ್ ಕೈಕ್ಲಾ ಮೂಜಿ ನಾಲ್ ಸರ್ತಿ ಮಸಾಜ್ ಮಲ್ತ್ದ್, ಒಂಜಿ ಕೈತ ಅಂಗೈನ್ ಕೂಡ್ದ್ತ ವಿರುದ್ಧ ಮುಡುಕು ಮುಟ್ಟವೊಡು. ಬೊಕ್ಕ ರಡ್ಡ್ ಕೈನ್ಲಾ ಕೈಕೈ ಕಟ್ಟಾವೊಡು. ಬೊಕ್ಕ ಸರ ಕಾರ ತುಡೆತಡೆ ಕನತ್ದ್ ಮಿತ್ತ್ ತರೆತಡೆ ಕೊನತ್ದ್ ಗೋವಿಂದ ಗೋವಿಂದಾಂದ್ ಪನೊಂದು ರಡ್-ಮೂಜಿ-ನಾಲ್ ಸರ್ತಿ ಬಾಲೆದ ಕೈಕ್ಲೆನ್ ಹದೊಟು ನುರ್ತ್ದ್ ಮಿತ್ತ್ ತಿರ್ತ್ ಮಲ್ಪೊಡು.
•ಕಿದಿಕಿಲ್ದಡಿಡ್ದ್ ಸೊಂಟ ಮುಟ್ಟ ತಿರ್ತ್ ಈಸೊಡು.
•ಕಾರ ತುಡೆತಲ್ಪ ಸರೀರದ ಮಿತ್ತ್ ಅಡ್ಡಡ್ಡ ತಿಕ್ಕೊಡು.
•ಒಂಜೊಂಜಿ ಪಾದ ಪತ್ತ್ ದ್ ಮಿತ್ತ್ ತ್ತಿಕ್ಕ್ ದ್ ಪೂಜೊಡು.
• ರಡ್ಡ್ ಕಾರ್ದ್ ಪಾದೊಲೆನ್ ಒಂಜಿ ಅಂಗೈಟ್ ಒಪ್ಪ ಮಲ್ತ್ದ್ ಮಿತ್ತ್ ಮೋನೆ ಪಾಡ್ದ್ ತಿಕ್ಕೊಡು.
• ರಡ್ಡ್ ಮೊರಂಪುದ ಗಂಟ್ ನ್ ಬಲಕೈಟ್ ಉರುಂಟು ತಿಕ್ಕ್ದ್, ದತ್ತ ಕೈಟ್ ರಡ್ಡ್ ಪಾದೊನು ಪತ್ತ್ ನಗ ತೋರ್ ಬಿರೆಲ್ನ್ ನಡುಟು ಮಿತ್ತ್ ದೀವೊಂದು ಮಿತ್ತ್ಡ್ದ್ ತಿರ್ತ್ ಈಸ್ದ್ ಅಡಿಪಾದ ಪೂಜೊಡು.
•ಕಾರ್ನ್ ಕತ್ತೆರಿ ಮಾರ್ಕ್ಡ್ ದತ್ತಪಾದೊನ್ ಬಲತ ಮುಡುಕು, ಬಲತ್ತ ಪಾದೊನ್ ದತ್ತ ಮುಡುಕು ತಾಗಾವೊಡು.
• ಬೊಕ್ಕ ರಡ್ಡ್ ಪಾದೊಲೆನ್ ಒಪ್ಪ ಪತ್ತ್ ದ್ ತರೆತ ಮಿತ್ತೆ ಕೊನೊವೊಡು.
• ಕತ್ತರಿ ಮಾರ್ಕ್ಡ್ ರಡ್ಡ್ ಕಾರ್ ಮುಡುಕು ನಾಲ್ ಸರಿ ಗಂಟ್ ಮಡ್ತಿದ್ ಅಟ್ಟೆ ಪತೊಂದ್ ಸರೀರೊಗು ಅಡ್ಡಲಾ ತಿರ್ತ್ಲಾ ಪೂಜೊಡು.
• ಬೊಕ್ಕ ನಮ್ಮ ಕಾರ್ಡ್ ಕುಲ್ಲಾದ್ ದತ್ತಕೈನ್ ತರೆಕ್ಲಾ, ಬೆರಿಕ್ಲಾ ತಾಂಗ್ ಕೊರ್ದು ಕೈಕ್ಲೆನ್ ರಡ್ಡೆನ್ಲಾ ಬಲ್ತ ಕೈಟ್ ಕುಡ್ತ್ದ ಬಾಲೆದ ತುಡೆಕ್ ತಟ್ಟಾವೊಡು.
•ನೆಲಕ್ ಕುಂಟು ಪಾಡ್ದ್ ಕಾರ್ ಪಾದೊನು ಸರ್ತ ಊರಾದ್ ಮೊರಂಪುಡ್ದ್ ತಿರ್ತ್ ಈಸೋಡು
•ಒರ ಒಂಜೊಂಜಿ ಕಾರ್, ಬೊಕ್ಕೊರ ರಡ್ಡ್ ಕಾರ್ಲಾ ತಿಕ್ಕಿಬೊಕ್ಕ ತಿಗಲೆಗೊಂಜಿ ಕೈಕೊರ್ದ್ ಸರ್ತ ಉಂತಾದ್ ತಿರ್ತ್ ಪೂಜೊಡು.
• ಬೊಕ್ಕ ನಮ್ಮ ಕಾರ್ಡೇ ಕುಲ್ಲಾದ್ ಅಟ್ಟೆ-ಮುಟ್ಟಿಡ್ ಕುಲ್ಲಾವೊಡು.
• ಬೊಕ್ಕ ಕಾರ್ ಜಪುಡ್ದ್ ಪಿರಮಂಡೆಗ್ ಒಂಜಿ ಕೈ, ಗಲ್ಲೊಗೊಂಜಿ ಕೈ ಕೊರ್ದ್ ರಡ್ಡ್ ಸರಿ ದೆರ್ತ್ದ್ ನೇಲಾವೊಡು.
45
