ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಬಾಲೆದ ಎಣ್ಣೆ ಬೆಚ್ಚ ಮಲ್ಪುನ ಕ್ರಮ:-
1. ಪುಲಿತ, ಸೀಗೆದ ತಪ್ಪುದ ರಸೊನು ತಾರಾಯಿದ ಎಣ್ಣೆಡ್ ಕಾಯ್ಪೆರ್.
2. ತೊಲಸಿ, ನೆಲನಲ್ಲಿ, ಗರಗದ ರಸೊನು ತಾರಾಯಿದ ಎಣ್ಣೆಡ್ ಕಾಯ್ಪೆರ್.
3. ಎನ್ಮೆದೆಣ್ಣೆನ್ ಜೇಷ್ಟಮಧುನ್ ಪೊಡಿಮಲ್ತ್ ದ್ ಕಾಯ್ಪೆರ್.
4. ಪೊನ್ನೆದೆಣ್ಣೆನ್ ಮಂಜಲ್ದಲ ಕೊಡಿತ ಪೊಡಿ ಪಾಡ್ದ್ ಕಾಯ್ಪೆರ್.
5. ಎನ್ಮೆದೆಣ್ಣೆಗೆ ಬಜೆನ್ ತರೆತ್ತಿದ್ ಪಾಡ್ದ್ ಕಾಯ್ಪೆರ್.
6. ಮದರಂಗಿ, ಜೀರ್ದರಿತ ರೆಸೊನ್ ತಾರಾಯಿದ ಎಣ್ಣೆಡ್ ಕಾಯ್ಪೆರ್.
7. ಸಾಂಬ್ರಾಣಿದ ರೆಸ, ಬೇಸೊಪ್ಪುದ ರೆಸೊಕ್ ಜೀರಿಗೆ ಪಾಡ್ದ್ ಸೊನ್ನೆದೆಣ್ಣೆಡ್ ಕಾಯ್ಪೆರ್.
8. ಕೇಪುಲದ ಪುಷ್ಪ, ದಾಸವಾಲದ ಪುಷ್ಪ, ಚಂದನದ ಚೆಕ್ಕೆ, ಕಪ್ಪು ಚಂದನದ ಚೆಕ್ಕೆ, ಕದಿಕೆ, ತೊಲಸಿ, ಮಂಜಲ್ದ ಕೋಡು, ಜೀರಿಗೆ ಉಂದೆನ್ ನುಂಗಾದ್ ಸಣ್ಣ ಪೊಡಿ ಮಲ್ತ್ದ್ ಎಣ್ಣೆಡ್ ಕಾಯ್ಪೆರ್.
9. ಕಾಳಜೀರಿಗೆ, ಮೆಂತೆ, ಓಮ ನ್ ಪೊಡಿ ಮಲ್ತ್ದ್ ಎಣ್ಣೆ ಕಾಯ್ಪೆರ್.
10. ಬಾಲೆದ ಕಣ್ಣಡ್ ಪುರ್ಕ ಬರೊಂದಿತ್ತಂಡ ಜೀರರಿ, ಗರಗ, ಮದ್ರೆಂಗಿ, ಕಾಮಕಸ್ತೂರಿ ಉಂದೆತ ರೆಸ ಗೆತ್ತದ್ ಎಣ್ಣೆಡ್ ಕಾಯ್ತ್ ನೆತ್ತಿಗ್ ರಡ್ ಬೊಟ್ಟ ಪಾಡುವೆರ್.
ಬಾಲೆನ್ ಮೀಪಾವುನ ಕ್ರಮ:-
- ದಿನೋಲ ಬಾಲೆನ್ ಒಂಜೆ ಹೊತ್ತುಗ್ ಮೀಪಾವೊಡು.
- ಕೈ ಪಗರ್ಂಡ ಶೀತ-ಜ್ವರ ಬರ್ಪುನ ನಂಬಿಕೆ ಉಂಡು (ಕೆಲವು ಬಾಲೆಲೆಗ್ ಮಾತ್ರ)
- ನೀರ್ದ ಬೆಚ್ಚಲ ಒಂಜೇ ನಮೂನೆಡ್ ಉಪ್ಪೊಡು.
- ಕೆಲವೆರ್ ಪಜಿ ತಾರಾಯ್ದ ಎಣ್ಣೆನ್ ಪೂಜುವೆರ್.
- ಮಂಡೆಡ್ ನೀರ್ ಬೆಚ್ಚ ಮಲ್ತುಂಡ ಎಡ್ಡೆಗೆ.
- ವಾ ಕ್ರಮೊನೇ ಆವಡ್ ಬಾಲೆಗ್ ಅಭ್ಯಾಸ ಮಲ್ತಿಲೆಕ್ಕ ನಡಪುಂಡುಗೆ,
- ಕೆಲವೆರ್ ನಕ್ಕುರು, ತೇರಂಟೆ, ನೆಲಮಂಗೆ ಇಂಚಿನ ಕಿರ್ಮಿಲೆನ್ ಎಣ್ಣೆಗ್ ಪಾಡ್ದ್
ಕಾಯ್ಪುವೆರೆಗೆ.
ಬಾಲೆಗ್ ಎಣ್ಣೆ ತಿಕ್ಕುನ ಕ್ರಮ:-
• ಮೀಪಾವುನಕ್ಲು ಕಾರ್ ನೀಟ್ದ್ ಕುಲ್ಲುನಗ ಪೀಂಕಾನ್ದಡಿಕ್ ಒಂಜಿ ಮಣೆ ಬೊಕ್ಕ ಕಾರ್ದಡಿಕ್ ಎತ್ತರದ ಮಣೆನ್ ದೀವೊನೊಡು. ಎಣ್ಣೆ ಪೂಜಿನಗ ಮಾತ್ರ ಮಣೆದಾಂತೆ ಕುಲ್ಲೊಡು.
43
