ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಬಾಲೆ ಪುಟ್ಟ್ ದ್ ಪತ್ತ್ ದಿನ ಮುಟ್ಟ ಅಪ್ಪೆನ ಮಿರೆಪೇರ್ನ್ ಪೂಜಿದ್ ಒಂತೆ ಬೆಪ್ಪು ಬೆಚ್ಚದ ನೀರ್ಡ್ ರಪರಪ ಮೀಪಾವೆರ್. ಪೂವೊಲ್ಗ್ ನೀರ್ ಮೊಗ್ಗಂದಿಲೆಕ್ಕ ಜಾಗ್ರತೆ ಮಲ್ಪುವೆರ್. ಪೂವೊಲ್ ತಾರಿಬೊಕ್ಕ ಮೂಂಕುದ ಪೊಡಿನ್ ಒತ್ತ್ ದ್ ದೀದ್, ಐತ ಮಿತ್ತ್ ಒಟ್ಟೆ ಪಾವಲಿನ್ ದೀದ್ ಕುಂಟುಡು ಬಂಜಿಗ್ ಬಿಗಿತ ಪಟ್ಟಿ ಕಟ್ಟುವೆರ್. ದಾಯೆ ಪಂಡ ಪೂವೊಲ್ಲದ ದಂಡ್ಗ್ ಗಾಲಿ ಪೊಗ್ಗಂಡ... ಪೂವೊಲ್ ಪುಗ್ಗದ ಲೆಕ್ಕ ಮಲ್ಲೆ ಆಪುಂಡು, ಬಾಲೆ ಎಣ್ಣೆ ನೀರ್ಡೇ ಮಲ್ಲೆ ಆಪುಂಡು ಪನ್ಪುನ ನಂಬೊಲಿಕೆ ಇನಿಕ್ಲಾ ತುಳುನಾಡ್ಡ್ ಉಂಡು.
ಬಾಲೆಗ್ ಪೂಜರೆಗಾದ್ರ ಬೇತೆ ಬೇತೆ ಗಿಡಮೂಲಿಕೆದ ರೆಸ ದೆತ್ತ್ದ್ ಎಣ್ಣೆ ಬೆಚ್ಚ ಮಲ್ಲುವೆರ್. ಈ ಎಣ್ಣೆಡ್ ಮಸಾಜ್ ಮಲ್ಪುನಗ ಬಾಲೆದ ಎಲು ಗಟ್ಟಿ ಆಪುಂಡು, ನರ ಸಡಿಲಾಪುಂಡು, ಚರ್ಮ ನಸೆ ಬೂರ್ದು ಪುಲೆಪುಂಡು. ಅತ್ತಾಂದೆ ನೆತ್ತೆರ್ ಶುದ್ಧ ಆದ್ ವಾ ಚರ್ಮರೋಗ, ಪೊಡಿಕಜ್ಜಿ ಬರ್ಪುಜಿಗೆ, ಪತ್ತ್ ದಿನತ ಬೊಕ್ಕ ಚಂದನೊನ್ ಪೇರ್ದೊಟ್ಟುಗು ತರೆತ್ದ್ ಮೈಕ್ ಪೂಜುವೆರ್.
•ತಾರಾಯಿದ ಪೇರ್ನ್ ಪೂಜಿದ್ ಮೀಪಾವೆರ್.
•ಕೆಲವೆರ್ ಪೇರ್ದ ಮಾಲ್ಗ್ ತಿಗ-ಬೊಕ್ಕ ಮಂಜಲ್ದ ಪೊಡಿನ್ ಬೆರಕಾದ್ ಪೂಜಿವೆ.
•ಎಲ್ಯ ಬಾಲೆಲೆನ್ ಮೀಪಾನಗಮೈತ ಪಸೆ ಪೋವೆರೆಗ್ ಬೇತೆ ದಾಲ ಪಾಡಂದೆ ಬೆಚ್ಚ ನೀರ್ಡೇ ಮೀಪಾವೆರ್.
•ಕೆಲವೆರ್ ಮೀಪಾನಗ ಕಡ್ಲೆದ ಪೊಡಿ ಅತ್ತ್ ಡ ಪದೆಂಗಿದ ಪೊಡಿನ್ ತಿಕ್ಕ್ ದ್ ಮೀಪಾವೆರ್.
•ಅಂಟ್ವಾಲದ ಕಾಯ್ದ ಪೊಡಿನ್ ವಾರಗೊರ ಪಾಡ್ದ್ ತಿಕ್ಕ್ ದ್ ಮೀಪಾವೆರ್.
•ಈ ಪೊಡಿಗಜ್ಜಿ ಬರಂದಿಲೆಕ್ಕ ಬಾಲೆ ಮೀಪಾವುನ ಬೆಚ್ಚ ನೀರ್ಗ್ ಒಂಜಿ ಬೆಳ್ಳೆ ಕುಂದಾದಿನ ಕಷಾಯ ನೀರ್ನ್ ಬೆರಕಾವೊಂದಿತ್ತೆರ್.
ಬಾಲೆ ಮೀಪಾವುನ ಬೆಚ್ಚ ನೀರ್ಗ್ ಬೆರಕಾವುನ ಕಷಾಯ
1) ಕೈಬೇವ್ದ ಕಷಾಯ 2) ಚಂದನದ ಅರೆಪು 3) ಒಳ್ಳೆಕೊಡಿತ ಕಷಾಯ 4) ಶಂಖ ಬೇರ್ದ ಅರೆಪು 5) ಆಡ್ಸೋಗೆದ ಕಷಾಯ 6) ಗೆಂದಾಲಿದ ಅರೆಪು 7) ಕಾವೇರಿ ತಪ್ಪುದ ಕಷಾಯ 8) ಇಟ್ಟಿದ ಬೇರ್ದ ಅರೆಪು 9) ದಾಲಿಂಬೆದ ಚೋಲಿ 10) ಕಡಿರ ಬೇರ್ದ ಅರೆಪು 11) ತಾರಾಯಿದ ಕಜಕ್ 12) ಮಂಜಲ್ದ ಅರೆಪು
42
