ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಬಾಲೆಲೆಗ್ ದುಂಬುದ ದಿನ ಅರಿಪಾಡಂದಿನ ಹಾರಲೆನ್ ಕೊರ್ಪೆರ್. ಎಲ್ಯ ಬಾಲೆಲಾಂಡ ಪೇರ್ ಕೊರ್ಪಿನಂಚಿನ ಅಪ್ಪೆಯರ್ಲು ಫಲಹಾರ ತಿಂದ್‌ ಶುದ್ಧ ಆಚರಣೆ ಮಲ್ಪೆರ್. ಬಾಲೆಲೆನ್ ದೇವೆರ್ ಮೀಪುನ ಗುಂಡಿಡ್ ಮೀಪಾದ್ ಮುಟ್ಟುಡು ಉಂತಾದ್ ಗುರ್‌ಕಾರನಕ್ಲನ ಕೈಟ್ ಕೊರುದು ಅಕುಲು ಬಾಲೆದ ಮುಂಡೊನು ದೇವೆರ್ನ ಗುಂಡದ ಮುಟ್ಟಿಗಲ್ಲೆಗೆ ತಾಗಾದ್ ಕೊರ್ಪೆರ್. ಬೊಕ್ಕ ಪುಂಡಿಪನವು, ತೊಟ್ಟಿಲ್‌ಬಾಲೆ ಇಂಚಿನ ಕಾಣಿಕೆ ಕೊರ್ದು ಪುರ್ಸಾದ ದೆತೊನ್ವೆರ್, ಈ ಪರಕೆಗ್ ಕಜಂಬು ಪಾಡಾವುನೆ ಪನ್ನೆರ್. ಕಜಂಬು ಪರಕೆ ಬಾಕಿ ಒರಿಂಡ ಪೊನ್ನು ಜೋಕ್ಲು ಮದ್‌ಮಾಲ್ ಆಪುಜ್ಜಿ ಪೊದು ಬರ್ಪುಜ್ಜಿ, ಸೀಕ್ ಸಂಕಟೊಲು ಬರ್ಪುಂಡುಂದು ಪನ್ನೆರ್. ಕಜ ಅತ್ತಡ ಕಜವು ಪಂಡ ಕೂಜಲ್ ಪನ್ಸುನ ಅರ್ಥ ಉಂಡು. ಬಾಹ್ಮಣೇತರ ವರ್ಗಡ್ ಮಡ್ಯಾಳೆನ ಗುರ್‌ ಕಾರ್ಮಡ್ ಕಜಂಬುದ ಕಾರ್ಯಕ್ರಮನ್ ಕೆಲೆಸಿ ಮಲ್ಲುಕೊರ್ಪೆಗೆ. ಆನಿ ಇಲ್ಲಾದಲ್ಲೆಗ್, ಬತ್ತಿ ಬಿನ್ನೆರ್‌ಗ್‌ ಪಾಯಸದ ವನಸ್ ಪಾಡುವೆರ್. ಬಾಲೆಲೆಗಾದ್ರ ಪಂಚಾಂಗದ ಇರುವತ್ತೇಳ್ ನಕ್ಷತ್ರಡ್ ಒಂಜಾಯಿನ ಆಶ್ಲೇಷಾ ನಕ್ಷತ ತುಳುನಾಡ್‌ಡ್ ಆಶ್ಲೇಷಬಲಿ ಪಪ್ಪುನಂಚಿನ ಧಾರ್ಮಿಕವಿಧಿನ್ ಮಲ್ಪೆರ್. ವಿಶಿಷ್ಟವಾಯಿನ ಮಂಡಲ ಬರೆದ್ ಪಿಂಡ ಪಾಡ್ ಅಪ್ಪ ಪಪ್ಪುನಂಚಿನ ಭಕ್ಷದೀದ್ ಮಂಡಲದ ಒರ್ಮಲಾ ಬಲಿ ಪಾಡುವೆರ್. ಈ ಪೂಜೆನ್ ನಾಗೆ ಸ್ವೀಕಾರ ಮಲ್ತ್‌ದ್ ಸಂತಾನ ಭಾಗ್ಯನ್ ಕೊರ್ಪೆ‌ಂದ್ ನಂಬುವೆರ್. ಇಂಚ ತುಳುವೆರ್ ಬಾಲೆಲ್‌ಗಾದ್ರ, ಬಾಲೆದ ಎಡ್ಡೆಗಾದ ಬೇತೆ ಬೇತೆ ವಿಧಿ ವಿಧಾನಲೆಡ್ ಪರಕೆ ಪನ್ನೆರ್.
7. ಪುರುಬಾಲೆನ್ ಮೀಪಾವುನ ಕ್ರಮ ಲೋಕೊಡು ಸೃಷ್ಟಿ ಆತಿನ ಜೀವಿಲು ಪ್ರಾಣಿ ಆವಡ್ ಪಕ್ಕಿ ಆವಡ್, ಐತ ಜೀವೊದ ಸುದ್ದನ್ ಅವ್ವ ಮಲ್ಪುಂಡು. ಪುಚ್ಚೆ, ನಾಯಿ ಇಂಚಿನ ಪ್ರಾಣಿಲು ಇಲ್ಲಿನ ಜೊಲ್ಲುಡ್ ನಕ್ಕ-ನಕ್ಕದ್ ಸುದ್ದ ಮಲ್ಪುಂಡು. ಆನೆ, ಪೆತ್ತ, ಎರೆ, ಕುದ್ರೆ, ಮಂಗ ಇಂಚಿನ ಪ್ರಾಣಿಲು ಕೆದುಟು-ಸುದೆಟ್ ಮೀಪ. ಪತ್ನಿ ಜಾತಿದವು ತನ್ನ ಕೋಕಾಯಿಡ್ ಸುದ್ದ ಮಲ್ಲೊನುವ. ಆಂಡ ಜನಮಾನಿನ ಕಿನ್ನಿಲೆಗ್ ರಡ್-ಮೂಜಿ ವರ್ಸ ಮುಟ್ಟ ಮಲ್ಲಾಕುಲು ಮೀಪಾವೊಡು. ಅವುಲಾ ಚಪ್ಪೆ ನೀ‌ಡ್ ಅತ್ತೆ, ಎಣ್ಣೆನ್ ಪೂಜಿದ್, ರಡ್ ಕೊಡಪಾನ ನೀರ್ ಪತ್ತುನ ಮರಾಯಿಡ್ ಬೆಚ್ಚ ನೀರ್ ಕೂಟ್‌ ಮೀಪಾವೆರ್. 41
