ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಕುಂಟುದ ತೊಟಿಲ್ಡ್ ಜೆಪ್ಪುಂಡು. ಅತ್ತಂದೆ ಪಡ್ಕೆ ಮಲ್ತ್ಂಡಲಾ ನೆಲಕ್ ತೋರ್ದ್
ಪೋಪುಂಡು. ಅರ್ದ್ದ್ ಪಾಡೆರೆಗ್ಲಾ ಸುಲಭ. ಬೆತ್ತ, ಮರ, ಪಿತ್ತಾಲೆ, ಕರ್ಬದ ತೊಟಿಲ್ಡ್
ದೀಪುನಾಂಡ ಬಾಲೆದ ಮಂಡೆದಲ್ಪ ನಸೆತ ಕುಂಟುಡು ತೆರ್ವೆ ಮಲ್ತ್ದ್ ದೀಪೆರ್. ಬೊಕ್ಕ
ಬಾಲೆದ ಕೈತ ಮುಡುತ ಅಂಚಿ-ಇಂಚಿಗ್ ಕುಂಟುದ ಮಡಿಕೆಲೆನ್ ದೀಪೆರ್. ಬಂಜಿದ
ಮಿತ್ತ್ ದಪ್ಪ ಕುಂಟುನು ಪೊದಪಾವೆರ್.
ಚೋರೆ-ಚದಿಟ್ ಬುಲಿಪುನ ಬಾಲುಲೆನ್ ದಿನ-ನಿಚ್ಚಲಾ ದೆರ್ತ್ತೊಂದು ತಿರ್ಗೆರೆಗ್
ಆಪುಜ್ಜಿ. ಅಂಚಾದ್ ತೊಟ್ಟಿಲ್ದ ನಡುಕು ಬಲ್ಲ್ ಕಟ್ಟ್oಡ ಪೆದಿಮೆದಿಗ್ ಜೆತೊಂದೆ
ತೂಂಕೊಲಿ, ಕೆಲ ಜೋಕುಲು ಇಡೀ ದಿನಲಾ ತೂಂಕೊಡುಂದ್ ಬುಲಿಪುನಲ ಉಂಡು
ಆಂಡ ಎಲ್ಯ ಬಾಲೆದ ಬುಲೆಚಿಲ್ಗ್. ಸುಖಟ್ ನಿದಿರೆ ಮಲ್ಪೆರೆಗ್ ತೊಟ್ಟಿಲ್ ಪನ್ಪುನವು
ಮಲ್ಲ ಸೊತ್ತುಂದ್ ಪನೊಲಿ.
ಚೌಲ
ಬ್ರಾಣೇರೆಡ್ ಒಂಜಿ, ಮೂಜಿ, ಐನ್ ಇಂಚ ಮುಗುಲಿ ವರ್ಷಡ್ ಆನ್ ಬಾಲೆಗ್
ಚೌಲ ಮಲ್ಪುನ ಕ್ರಮ ಉಂಡು. ಬಾಲೆದ ನಕ್ಷತ್ರಗ್ ಸೇರುನ ಎಡ್ಡೆ ದಿನ ಎಡ್ಡೆ ಮುಹೂರ್ತಡ್
ಚೌಲದ ಶಾಸ್ತ್ರ ಮಲ್ಪೆರ್. ಉಂದೆನ್ ಕುಲಪುರೋಹಿತೆರ್ ಬತ್ತದ್ ಈ ಧಾರ್ಮಿಕ ವಿಧಿ
ವಿಧಾನಲೆನ್ ಮಲ್ಪೆರ್. ಮೂರ್ತದ ಪೊರ್ತುಗು, ಕೆಲೆಸಿ ಬತ್ತ್ ದ್ ಬಾಲೆದ ಸುರುತ
ಕುಜಲ್ನ್ ಗೀಸ್ವೆ, ಅತ್ತಡ ಪಿರಮೈಟ್ವಂತೆ ಜುಟ್ಟು ಬುಡ್ಪೆ . ಬೊಕ್ಕ ಕುಟ್ಮಗ್ ಬತ್ತಿ
ಬಿನ್ನೆರೆಗ್ ಗಡ್ದ್ ದ ವನಸ್ ಪಾಡುವೆರ್. ಹೆಚ್ಚಾದ್ ಕೆಲವೆರ್ ಮಲ್ಲ ಮಲ್ಲ ಪುಣ್ಯಕ್ಷೇತ್ರಲೆಗ್
ಬಾಲೆದ ಕೂಜಲ್ನ್ ಮುಡಿ ಕೊರ್ಪಿನ ಪರಕೆನ್ ಪನ್ನೊಂದಿಪ್ಪೆರ್. ಅಪಗ ಕೆಲೆಸಿಗ್
ಅರಿ, ತಾರಾಯಿ, ಬಚ್ಚಿರೆ, ಪೂಲು ಬೈರಾಸದ ಸ್ವಸ್ತಿಗೆ, ದಕ್ಷಿನೆ ಕೊರ್ದ್ ಮರ್ಯಾದೆ
ಮಲ್ಪೆರ್.
ಬ್ರಾಹ್ಮಣೇತರ ವರ್ಗಡ್ ಬಾಲೆಲೆಗ್ ಕಜಂಬುದ ಆಚರನೆ ಮಲ್ಪೆರ್. ಅತ್ತಡ ನಮ್ಮ ತುಲುನಾಡ್ದ ಕೆಲವು ದೇವಿ ದೇವಸ್ಥಾನೊಡು ವರ್ಷದ ನೇಮನ್ ಕಜಂಬು ಪನ್ಪುನ ಪುದಾರ್ಡ್ ಲೆಪ್ಪುವೆರ್. ದೇವಿ ದುರ್ಗೆ, ಉಳ್ಳಾಲ್ತಿ ಪಂಡ ಮುಲ್ಪ ಅಪ್ಪೆಂದ್ ನಂಬುವೆರ್. ಅಲೆಗ್ ಬಾಲೆಲೆನ್ ಒಪ್ಪಿಸಾದ್ ಮುಡಿ ಕೊರ್ಪುನ ಕಟ್ಟಲೆ ಉಂಡು. ಹೆಚ್ಚಾದ್ ಬಾಲೆಲುದಾಂತಿನಕುಲು ಈ ಪರಕೆನ್ ಪನ್ಪೆರ್. “ಮುಖ್ಯವಾದ ಪುರುಬಾಲೆಲೆಗ್ ಕಜಂಬು ಪನ್ಪುನ ಮದಿಪುದ ಪುದಾರ್ಡ್ ನಡೆಪುನಂಚಿನ ಪರಕೆದ ಉತ್ಸವ. ಪರಕೆ ಕೊರ್ಪುನಂಚಿನ
40
