ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಮೋಕೆಡ್ ಆನ್ ಬಾಲೆಲೆನ್ ಪೊಲ್ಲ, ಬಾಬು, ರಾಜ, ಮುತ್ತು, ರನ್ನ, ಅಣ್ಣು,
ಬಂಗಾರು, ಬೊಲ್ಲಿ, ಕಿನ್ನಿ, ಮಾಣಿ, ಬೊಗ್ರ, ಬಾಚು, ತಾತೆ, ಕುಡುವೆ, ಪುಟ್ಟ, ಬಾಲೆ,
ಕುಂಟೆ, ಚಣಿಲ್, ಮಂಗು ಇಂಚ ಲೆತ್ತ್ಂಡ, ಪೊನ್ನು ಬಾಲೆಲೆನ್ ಪೊಲ್ಲಿ, ಸಿರಿ, ರಾಣಿ,
ಅಪ್ಪಿ, ಕೆಂಪಿ, ಬಂಗಾರಿ, ಬೊಲ್ಲಿ, ಬೊಗ್ಗಿ, ಕಿನ್ನಿ, ಕುಂಟಿ, ಪುಟ್ಟಿ, ಗುಬ್ಬಿ, ಅಚ್ಚು, ಅಮ್ಮಿ
ಇಂಚ ಲೆತ್ತೊಂದಿತ್ತೆರ್.
ಬ್ರಾಹ್ಮಣೇತರ ವರ್ಗೊಡು ಬಾಲೆದ ರಂಗ್, ಐತ ಜೀವದಾಕೃತಿಗ್ ಸಮವಾದ್
ಬೂದೆ, ಕರಿಯೆ, ಕಾಳೆ, ಬೊಳ್ಳೆ, ಕೆಂಚೆ, ಕುದುಪೆ ಇಂಚಲಾ ಲೆತ್ತೊಂದಿತ್ತೆರ್. ಅಂಚನೆ
ಅಕುಲು ಪುಟ್ಟುದಿನ ವಾರದಲಾ ಪುದಾರ್ ಪಂಡ-ಐತಪ್ಪೆ, ತೋಮ, ಅಂಗಾರೆ, ಬೂದೆ,
ಗುರುವೆ, ತುಕ್ರ, ತನಿಯೆ, ಪೂವೆ, ಚನಿಯೆ, ಸುರಪಾಲೆ, ಗುಣಪಾಲೆ, ಭಾಸ್ಕರ, ಜಯಪಾಲ
ಇಂಚ ಪುದಾರ್ ದೀವೊಂದಿತ್ತೆರ್.
ಪೊನ್ನು ಜೋಕುಲೆಗ್, ಗುಲ್ಲಿ, ಚಿಮುನಿ, ದೊಡ್ಡು, ಪೂವು, ಚಂಪಾ, ಲಚ್ಚು,
ಯಮುನಾ, ಪೊನ್ನು, ಮಾಣಿ, ಸರಸು, ದುಗ್ಗೆ, ಬೇಬಿ ಇಂಚ ಲೆತ್ತೊಂದಿತ್ತೆರ್.
ಕೊರಗೆರ ಜಾತಿಡ್ ಮುರ್ಗ ಬೊಕ್ಕ ಕ್ರಿಮಿಕೀಟದ ಪುದಾರ್ ದೀಪುನ ಶೋಷಣೆ
ಇತ್ತಿನೆಕ್ಕಾ ದಾನ್ನ ಆಕುಲೆನ ವರ್ಗೊಡು ಆನ್ ಜೋಕ್ಲಗ್ ಬಾಕುಡ, ದಿಕ್ಕ, ತುರುವೆ,
ಕೆಲಂಜಿ, ನಕ್ಕುರ, ತೆರಂಟೆ, ಬೆರು, ಬಲಿಪ, ಕುದಿಕೆ, ಪಿಜಿನ, ಉಮುಲಿ, ಪಂಜಿ, ಕಂಬುಲಿ,
ಮಂಗು, ಕೂಸ, ದಾಸು, ಬೂಟಿ, ನುಕ್ಕಿ, ತೆತ್ತಿ, ಪಡ್ಡೆ, ಕಕ್ಕೆ ಇಂಚಿನ ಪುದಾರ್ನ್
ದೀವೊಂದಿತ್ತೆರ್. ಪೊನ್ನು ಜೋಕುಲೆಗ್ ಕೂಸು, ಪಾಪೆ, ದೇಪೆ, ಬೊಗ್ಗಿ, ಬಾಕುಡಿ,
ತೇರೆ, ತುಪ್ಪೆ, ಕೆರೆಂಗ್, ಅರನೆ ಇಂಚಿನ ಪುದಾರ್ ದೀವೊಂದಿತ್ತೆರ್. ಬಹುಶ ಅದಗ
ತಿರ್ತವರ್ಗದಾಕ್ಲು ಪೊರ್ಲ್ಲುದ ಪುದಾರ್ ದೀಯೆರೆ ಬಲ್ಲಿ ಪನ್ಪುನ ಕಟ್ಟ್ ಉಪ್ಪರೆಗ್ಲಾ ಯಾವು.
ತುಳುವೆರೆಡ ಬಾಲೆದ ಒಂಜಿ... ಮೂಜಿ... ಇಂಚ ಮುಗುಲಿ ವರ್ಸೊಡು ಬಾಲೆದ
ಕೂಜಲ್ ದೆಪ್ಪುನ ಕಜಂಬುದ ಕಾರ್ಯಕ್ರಮನ್ ಮಲ್ಪಾವೆರ್. ಅತ್ತಂದೆ ದೇವೆರೆಗ್ ಬಾಲೆದ
ಸುರುತ ಕಜಂಬು ಕೊರ್ಪಂದ್ ಪರಕೆ ಪನೊಂದಿತ್ತೆರ್.
ತೊಟ್ಟಿಲ್
ಬಾಲೆಲೆನ್ ಸುರುಕು ಬೆತ್ತ, ಮರತ, ಪಿತ್ತಾಲೆದ ತೊಟೆಲ್ಗ್ ಪಾಡುಂಡಲಾ ದುಂಬು
ಪುರುಬಾಲೆನ್ ಕುಂಟುದ ತೊಟಿಲ್ಡ್ ಜೆಪುಡಾವುನು ಹೆಚ್ಚ. ದಾಯೆಪಂಡ ಬಾಲೆದ ಮಂಡೆ
ತಾರಾಯಿದ ಲೆಕ್ಕ ಉರುಂಟು ಆಪುಂಡುಗೆ. ಪರತ್ ಗಟ್ಟಿದ ಕುಂಟುಲೆನ್ ತೊಟಿಲ್ಗೆ
ಬಲಕೆ ಮಲ್ಲೊಂದಿತ್ತೆರ್. ಬಾಲೆಲಾ ಅಂಚಿ-ಇಂಚಿ ತಿರ್ಗಂದೆ ಬೆಪ್ಪುಡು, ಸುಖೋಟು
39
