ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಬಾಲೆದ ಕುಂಟು
ದುಂಬು ಬಾಲೆದ ಮೈಕ್ ಪಾಡೆರೆಗ್ ತೆಲ್ಪು ಕೋರದ ಅಂಗಿನ್ ಪೊಲಿಪಾವೊಂದಿ
ತ್ತೆರ್ಗೆ. ಸುರುಕು ಪೊಸಬಾಲೆದ ಮೈಕ್ ಪೊಸ ಕುಂಟುನ್ ಪಾಡುನ ಕ್ರಮ ಇತ್ತಿಜ್ಜಿ.
ಬೇತೆ ಬಾಲುಲೆನ ಪರ ಅಂಗಿ ಪಾಡ್ದ್ ಬೊಕ್ಕ ಪೊಸ ಅಂಗಿ ಪಾಡುನ ಕ್ರಮಗೆ. ಬೊಕ್ಕ
ತರೆಕ್ಲಾ ಕುಂಟುನು ಸುಂದ್ದ್ ದೀವೊಂದಿತ್ತೆರ್ಗೆ. ಟೊಪ್ಪಿ ಸ್ವೆಟರ್ ಮಾತಾ ಇತ್ತೆದ. ಬೊಕ್ಕ
ತರೆ ಮೈ ಕೈ ಒಚ್ಚರೆಗ್ ಪಾಲೆದ ಮಿತ್ತ್ ಅಡಿಕ್ ಪಾಡರೆಗ್ ಪತ್ತಿದ ಪರ ಸೀರೆಲೆನ್,
ಮುಂಡುಲೆನ್ ತುಂಡು ಮಲ್ತ್ದ್ ಬಲಸೊಂದಿತ್ತೆರ್ . ಪಾಪದಾಕಲು ಪುರುಬಾಲೆಲೆಗ್
ಪರಕುಂಟುಲೆನ್ ಮೈಕ್ ಸುಂದೊಂದಿತ್ತೆರೆಗೆ. ಪಾಲೆ ಅತ್ತಡ ಚರ್ಮದ, ಮುಂಡೆವು ಒಲಿತ
ಪಜೆಲೆನ್ ಬಾಲೆ ಜೆಪ್ಪರೆಗ್ ಬಲಸೊಂದಿತ್ತೆರ್ಗೆ.
6. ಬಾಲೆದ ಪುದಾರುಲು
ಜಗತ್ತ್ ಡ್ ಪುಟ್ಟಿನ ವಾ ನರಮಾನಿಗಾಂಡಲಾ ಗುರ್ತ ಮಲ್ತ್ದ್ ಲೆಪ್ಪೆರೆಗ್ ಒಂಜಿ ಪುದಾರ್ ಬೋಡೇ ಬೋಡು. ಮುರ್ಗ, ಪಕ್ಕಿ, ಮರ, ಬೂರು, ಪೂ , ಕೈಪು ವಾ ವರ್ಗಲೆಗ್ಲಾ ಪುದಾರುಪ್ಪುನಗ ಜನಮನಿ ತನನ್ ಪೊರ್ಲುದ ಪುದಾರ್ಡ್ ಗುರ್ತ ಮಲ್ತೊನೊ ಡುಂದು ಬಯಕುನವು ತಪ್ಪತ್ತ್. ದುಂಬು ಆ ಬಾಲೆದ ರಂಗ್, ಮನೆತನದ ಹೆರಿಯರೆನ ಪುದಾರ್ನ್ ದೀವೊಂದಿತ್ತೇರ್. ಈ ಕ್ರಮ ಅರಸು ಮನೆತನಡ್ ಎಚ್ಚ. ಉದಾರ್ಮೆಗ್, ಒಂಜನೇ ಲಕ್ಷ್ಮಪ್ಪ ಬಂಗರಸು, ರಡ್ಡನೆ ಅಬ್ಬಕ್ಕ ಇಂಚ... ಅಂಕೆ ಸಂಖ್ಯೆಡ್ ಲೆತ್ತೊಂದಿತ್ತೇರ್.
ಬ್ರಾಣೆರ್ನ ವರ್ಗೊಡು ರಾಮಚಂದ್ರ, ಕೃಷ್ಣ, ಸುಬ್ಬ, ನಾರಾಯಣ, ಗೋವಿಂದ, ಅಚ್ಯುತ, ಮಾಧವ, ಕೇಶವ ಇಂಚ ಪುರಾಣ ಕಥೆಕ್ಲಡ್ ಬರ್ಪುನ ದೇವೆರೆನ ಪುದಾರ್ ದೀವೊಂದಿತ್ತೆರ್. ಪೊನ್ನು ಜೋಕ್ಲೆಗ್ ಪಾರ್ವತಿ, ಲಕ್ಷ್ಮೀ, ಗಂಗಾ, ಯಮುನಾ, ತುಲಸಿ, ಸೀತಾ, ಗೌರಿ, ಅಹಲ್ಯ, ದಮಯಂತಿ ಇಂಚ ದೇವೆರೆನ ಬೊಕ್ಕ ಪೂತ, ನದಿಕ್ಲೆನ ಪುದಾರ್ನ್
ದೀವೊಂದಿತ್ತೆರ್.
ಅವು ಅತ್ತಾವಂದೆ ಸುಂದರ, ಸಂತೋಷ, ಮೋಹನ, ಆನಂದ, ಅಶೋಕ, ರಾಜ, ಮನೋಜ್ ಇಂಚ ಸೋಕುದ ಪುದಾರ್ದೀಂಡ, ಪೊನ್ನು ಬಾಲೆಲೆಗ್ ಮೋಹಿನಿ, ರಾನಿ, ಸುಂದರಿ, ಹರಿಣಾಕ್ಷಿ, ಕೋಕಿಲಾ, ಚಂಚಲಾ, ಸುನೇತ್ರ, ಆನಂದಿ ಇಂಚ ಪುದಾರ್ ದೀವೊಂದಿತ್ತೆರ್.
38
