ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಇಂಚ ಪದೊತ ಒಂಜೊಂಜೆ ಸಾಲ್‌ನ್ ರಡ್ಡೆ ಸರ್ತಿ ಪನ್ನಗ ಬಾಲೆಲೆಗೆ ಬಾಯಿಪಟ ಆಪುಂಡು. • ನನೊಂಜಿ ಪದಟ್ ಅರನದ ಪದ ಬರ್ಪುಂಡು, ಅರನೆಗೆ ಕೊಕ್ಕರೆ, ಕಕ್ಕೆ, ಪೆಗುಂಡೆ, ಗುಬ್ಬಿ, ಕಪ್ಪೆ, ಇಂಚ ಐನ್ ಜನ ಬುಡೆದಿಯರ್ಲು, ಮುಲ್ಪ ಪೆರ್ಗುಡೆ ಪೆದ್ದ್ ಜೆಪ್ಪುನಗ ಬಾಕಿದಗ್ ಬಾಲೆಲು ದಾಂತಿನ ಬಂಜಿ ಉರಿ, ಆಂಡಲಾ ಬಾಯಿಡ್ ಉಪಚಾರ ಮಲ್ಲುನ ಕೊಣಜಿಡ್ ಕಪ್ಪೆ ಬತ್ತದ್ ಕೇನುವಲ್. ಪೆರ್ಗುಡಕ್ಕ ಪೆರ್ಗುಡೆ ಪೆಸ್ಟ್ ಜೈದನ? ಇಂಚ ಕೇನ್ನಗ ಪೆರ್ಗುಡೆಗ್ ಎನನ್ ಇಂಚ ಲೆತ್‌ದ್ ಮಕ್ಕ ಮಲ್ಲಲ್ಕಂದ್ ನೆನೆತ್‌ದ್ ಐಕ್ ಪಗರ ಬೂಟರೆಗಾದ ಅಂದ್ ಲಾಯಿಪೆ ಅಂದ್ ಲಾಯಿಪೆ ಪಟಿಕೆ ಮಲ್ಲೊಲೂಂದು ನಂಜಿಡ್ ಪನ್ನೊಲುಗೆ ಈ ಕತೆ ಇಂಚನೆ ದುಂಬುವರಿದ್ ಅಂದ್, ಬಾಲೆ ಅಂಚ ಉಂಡು ಯಾನ್ ಇಂಚ ಉಲ್ಲೆ ಓಂತಿಯಣ್ಣೆರೆ ಓಂತಿಯಣ್ಣೆರೆ ಉಣಿಯರ ಬರೊಡುಗೆ ಈ ಓಂತಿ ಪಂಡು? ಈ ಅರನೆ ಪಂಡ? ಮದವೂರ ಮೈಂದಡೆ ಪಂತುವತ್ತಾ? ಇಟ್ಟಲಾ ಡೊಂಬಡೆ ಪಂತುವತ್ತಾ? ಕುಡಲದೇವು ಸೆಟ್ಟಿ ಪಂತುವತ್ತಾ? ಇಂಚ ಅರನೆ ತನ್ನ ಮಲ್ಲಾದಿಗೆನ್ ನೆರ್ಟ್ ಪನ್ನೆ. ಇಂಚ ಸಂಸಾರೊದ ಚಿತ್ರಣ ಪಗೆ, ದಗೆ, ಕಂಡನೆ ಬುಡೆದಿನ ಲಡಾಯಿ ಈ ಪದಟ್ ಪೊರ್ಲುಡು ಅರಲ್ಪೆಂಡ್, ನನೊಂಜಿ ಪ್ರಾಣಿಲೆನ ಪದಟ್ ಈ ಓಲು ಪುಟ್ಟನಂಬೆ ಚನಿಲಣ್ಣ? ಮರತಮೇಲ್ ಪುಟ್ಟಿನೆಂದೆ ಚನಿಲಣ್ಣೆ ಕಾಯಿಕುಕ್ಕು ಬಾರಿನೆಂದೆ ಚನಿಲಣ್ಣೆ -ಗೆಲ್ ಗೆಲ್ಲ ಬಳತ್‌ನೆಂದೆ ಚನಿಲಣ್ಣ. -ಇಲ ಅಂಚಿ ಪೋಲಂಬೆ ಚನಿಲಣೆ. ಇಂಚನೆ ಪಿಲಿಯಣ್ಣೆ, ಮರಿಅಣ್ಣೆ, ಕುದುಕಣ್ಣೆ, ಇಂಚಿನ ಮುರ್ಗ್‌ನ ವಿಚಾರ ಬರ್ಪುಂಡು. ಇಂಚ ತುಳು ಜನಪದ ಉಂಡು ಮಲ್ಲಿನ ಬಾಲೆಲೆನ ಪದಕುಲು ಅಕುಲೆನ ದಿನಬಲಕೆಡ್‌ ಉಪ್ಪಿಂಚಿತ್ತಿನವು. ಅಪ್ಪೆ ಬಾಲೆಲೆನ ಸಂಬಂಧದ ಮೋಕೆನ್ ತೊಜಪಾವುನ ಈ ಸುಲಭವಾಯಿನ ಪದಕುಲು ಕಾಲದ ಪೊರ್ತುದ ಉಪದ್ರದಾಂತೆ ಏನಿ ಏನಿಲ್ಲಾ ಏಪಲಾ ಪನ್ನುಂಚಿತ್ತಿನವು. ದುಂಬು ಹಳ್ಳಿಲೆಡ್ ಪೊಂಜೋವುಲು ಅಲ್ಲಿನ ದಿನ ನಿತ್ಯದ ಬೇಲೆಡ್ ಪದಕ್‌ಲೆನ್ ಮುಡೆದ್ ಪನೊಂದು ಬೇರೆದ ದುನಿಪುನು ಮಾತೃ ಬುಡೊಂದಿತ್ತೆರ್, ಐಡ್‌ದ್ದಾ ಇಲ್ಲಡೊಂಜಿ ಪುರುಬಾಲೆ ಇತ್ತಂಡ ದಿನ ಇಡಿಲಾ ಪದತನೆ ಉರ್ಬು, ಪದ ಪಸ್ತುನವು ಜೀವಾ, ಮನಸ್ಸಿಗ್ಲಾ ಉಲ್ಲಾಸ ಕನಪುಂಡು ಪಂಡ್ ದುಂಬುದಕ್ಕೆ ಪಂತೆರ್. ಈ ಪಾತೆರೊಡು ವೈಜ್ಞಾನಿಕ ಸತ್ಯಲಾ ಉಂಡು. ಇಂಚ ಜನಪದರೆನ ಸಾಹಿತ್ಯನ್ ಗರ್ತದ್ ನಾಡಿನಾತ್ ತಿಕ್ಕುನ ಅನುಭವದ ಮುತ್ತುಲು ಕಡಲ್ಲ ಸಿರಿತುಪ್ಪೆಂದ್ ಪನೊಲಿ.
