ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ - ಇಂಚ ಅಪ್ಪೆ ಬಾಲೆನ್ ಮಾನಾವೊಂದು ತೂಂಕುನ ಪಾಡನಡ್ ತನ್ನುಡಲ್ಲ ಅಂಗಲಾಪುಲೇನ್ ಬಾಲೆಡಪ ಪಾವುನೆಟ್ ತೋಜಾವೊಂದುಲ್ಲಲ್, ದಾಯೆ ಪಂಡ ಪೊನ್ನ ಸಂಸಾರ ಬಂಗಾರ್ದ ಪದ್ದಾಯಿ ಪಂಡ ಜೀವದ ಬಲ್ಸ್ ಕಡಪೆಲ್ ಕಂಜಿನ್ ಬಂಗಾರ್ಡ್ ಮಲ್ಪಾದ್ ಕೆಕ್ಕಿಲ್‌ಗ್ ಪಾಡ್‌ಂಡಲಾ ಅಲೆಗ್ ಅವು ದುನ್ನ ಅತ್ತೆಗೆ ಈ ಪಾಡ್ನಡ್ ತರೆಡ್ ಕಾರ್ ಮುಟ್ಟ ಐತ ಮಲ್ಲುನ ಬಂಗಾ‌ದ ಪಲ್ಟಾಯಿದ ಪುದಾರ್ ಬರ್ಪುಂಡು. ಪದ್ದಯಿದ ವಿವರನೆನ್ ಅಪ್ಪೆ ಕೊರೊಂದು ಪೋನಗ ಅಲೆಗ್ಲ ಬಾಯಿಬಚ್ಚೆಲಿಜ್ಜಿ, ಉರು ಐಡ್ಡುಂಬು ಇಜ್ಜಿ ಪೊರ್ತು ಪೋಪುನನೇ ತೆರಿಯಂದೆ ಪೋನಗ ಬಾಲೆಲಾ ಪೊರ್ಲುಡೆ ನಿದ್ರೆಡ್ ಜೆತ್ತೊಂದಿಪ್ಪುಂಡು, ತುಳುಜನಪದರನ ಸಾಹಿತ್ಯಡ್ ಪ್ರಶೋತ್ತರದ ಪದಕುಲುಲಾ ಉಂಡು, ಅತ್ತಂದೆ ಉಂದೆನ್ ಬಾಲೆಲೆಗ್ ಉರು ಪಾಡೆಲ್ಲಾ ಬರಿ ಸುಲೊಬೊಡುಂಡು. ಉದಾರ್ಮೆಗ್, “ತಿತ್ತೆರಿ ತಿತ್ತೆರಿ ಮಜಲೆಡೆ ಪಂತಿ ಎರ್ಕೆಂಡೆ, ದಾಯೆ ಎರ್ಮ ದಾಯೆ ಎರ್ಮೆ ಪಂತಿ ಮೇಯಿಜ್ಜ? ಈರೆದಿಕ್ಕೆ ಬಲ್ಲ ಬುಡಾಂದಿನೆಕ್ ಯಾನ್ ದಾನೆಡೊ? ದಾಯೆ ದಿಕ್ಕ ದಾಯೆ ದಿಕ್ಕ ಬಣ್ಣ ಬುಡುಜ್ಜ? ಈರೆ ದೆತ್ತಿ ತೆಲಿ ಮೈಪಂದಿನೆ ಯಾನ್ ದಾನೆಡೊ? ದಾಯೆ ಪೊನ್ನ ದಾಯೆ ಪೊನ್ನೆ ದಿಕ್ಕಗ್ ತೆಲಿ ಮೈತಿಜ ? ಎನ್ನ ಕುಡ್ಡುನು ಎಲಿ ಕೊನೊಯಿನೆಕ್ ಯಾನ್ ದಾನೆಡೊ? ದಾಯೆ ಪುಚ್ಚೆ ದಾಯೆ ಪುಚ್ಚೆ ಎಲಿ ಪತ್ತಿಜ ? ಈರೆಮಗಲ್ ಪೇರ ಬಿಸಿಲೆ ನಕ್ಕರೆ ಕೊರಂದಿನೆಕ್ ಯಾನ್ ದಾನೆಡೊ ? ಕಬಿತೆ ಇಂಚ ದುಂಬುವರಿದ್ ಕಡೆಕ್ ದಾಯೆ ಬೂತೊ ದಾಯೆ ಬೂತೊ ಕಳೆರೆನ್ ಪತ್ತೇಜ ? ವರ್ಸದೊಂಜಿ ಕೋಲ ಕೊರಂದಿನಗ ದಾಯೆ ಪತ್ತೋಡುಂದು ಅಕೇರಿ ಆಪುಂಡು, ಮುಲ್ಪ ಕುಸಾಲ್ದ ಗೊಬ್ಬಾಟಿಕೆ ಮುಖ್ಯ ಆಂಡಲಾ ಬಾಲೆದ ನೆಂಪು ಶಕ್ತಿಗ್ ಇಂಬು ಕೊರ್ಪುಂಡು, ಬೊಕ್ಕ ಊರ್ದಾನ ಕಸಬುದ, ಮುರ್ಗ, ಪಕ್ಕಿಲೆನ, ಜನಮಾನಿನ ಸಂಸ್ಕೃತಿದ ಚಿತ್ರನನ್ ಕೊರ್ಪುಂಡು.
35
