ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಜನಪದರನ ಸಾಹಿತ್ಯಡ್ ಪುರುಬಾಲೆ.
• ಪುರುಬಾಲೆಲೆಗ್ ಮಲ್ಲಕ್ಲು ಬಾಯಿಡ್ ಪನ್ಪುನ ಪದರಂಗಿತಡ್ ಬದ್ಕ್ ದ ಸಂಸ್ಕೃತಿ ಬೊಕ್ಕ ಸಾಹಿತ್ಯ ತೋಜುದು ಬರ್ಪುಂಡು. ಎಚ್ಚಾದ್ ಬಾಲೆಲೆಡ ಪಾತೆರ್ನಗ ಬಲಸುನ ಸುಲೊಭದ ಉಚ್ಚಾರದ ತೊದ್ದೆ ಪಾತೆರಡ್ ಪದ ಪನೊಂದು ಮೋಕೆಡ್ ಜೋಕೆಡ್ ಬಾಲೆಲೆನ್ ಮಾನಾವೆರ್. ಪುರು ಬಾಲೆಲೆನ ಪೇರ್ದ ಮನಸ್ಸಿಗ್ ಸುಲೊಬೊಡು ಅರ್ಥ ಆಪಿನಲೆಕ್ಕ ಮಲ್ಲಕ್ಲೆನ ಮನಸ್ಗ್ಲ ಕುಸಿ ಕನಪಿಲೆಕ್ಕ ಅಂಚಿ ಇಂಚಿ ಪೋದು ಬರ್ಪುನ ಪಾಂಬುದ ಬೇಲೆನ್ ತುಳು ಜನಪದ ಪುರುಬಾಲೆಲೆನ ಸಾಹಿತ್ಯೋಡು ಮುಡೆದರ್. ಪುರು ಬಾಲೆಲೆನ ಮನಸ್ಸೇ ಸೋಜಿಗಗ್, ಕಲ್ಪ ಕೋಮಾಟಿಕೆಗ್, ಚಮತ್ಕಾರ ಬಿರ್ಸಾತಿಕೆಗ್, ಪೊರ್ಲುದ ಪದ ರಂಗೀತಗ್, ಬೇಗ ಮರ್ಲಾಪಿನವು ಸತ್ಯ. ಅಂಚಿನ ಪದ, ಕತೆ, ಎದುರುಕತೆ, ಗಾದೆ, ನಡಾವಲಿಲು ಪ್ರಪಂಚದ ಮಾತಾ ಕೋಡಿಡ್ಲಾ ಉಪ್ಪುಲೆಕ್ಕನೆ ತುಳು ಭಾಸೆಡ್ಲಾ ಉಂಡು. ಅಂಚಿನ ಒಂಜಿ ಪದತ ಗೆಲ್ಲ್ ಇಂಚ ಉಂಡು.
“ಟ್ರುವೆಲೆ ಬಾಲೆ ಬಾಲೆ ಪೊಲಿಯೇ -ಗಂಗೇನೇ ಗೌರಿನ್ದ್ ಪೊನ್ನೂಲುದ್
ಪಾರುನ ಪಕ್ಕಿಗ್ ಪುತ್ರ ಫಲ ಉಂಡು -ಪರಪ್ಪುನ ಪಿಜಿನ್ಗ್ ಪುತ್ರ ಫಲ ಉಂಡು,
ನಂಕಲ ನನಕೂಡಾ ಇಜ್ಜಿಂದೇರೇ -ಮಿತ್ತಿನೆ ಮಿರಿಯಮ್ಮ ಲೋಕೋಡುದೇ
ಉಲ್ಲೇರ್ ಆರ್ ಲೋಕೋಗೀಶ್ವರ -ಆರೆಗ್ ಪಾದಕಾನಿಕೆ ಒಪ್ಪೋಡು ಆರೆಡ ಪುತ್ರಫಲ ನಟ್ಟೋಡುಂದೇರೇ
• ನನೊಂಜಿ ಪದಟ್ ಬಾಲೆನ್ ಮಾನಾವುನ ಚಿತ್ರ ಇಂಚ ಉಂಡು. ಬಾಲೆ ಒಂಜೊಂಜಿದ ಪುದಾರ್ ಪಂಡ್ದ್ ಬೋಡೊಂದ್ ನಲ್ಪುನಗ ಅಪ್ಪೆ ಬಾಲೆಗ್ ಅವೆನ್ ಕೊರ್ದು ಮಾನಾವುನ ಬಂನ್ಗೊದ ಚಿತ್ರನ ಈ ಪದೊಟು ಉಂಡು.
ದಾಯೆಗ್ ಮಗ ಈ ಬುಲ್ಪುವೆಂದರ್- ಕೆಕ್ಕಿಲ್ಗೆ ಕೀಲಬಂದಿ ಆವೊಡುಂದಲೇ
ಬೊಕ್ಕಲಾ ಬೊಕ್ಕಲಾಳ್ ಬುಲ್ಪಾಲ್ದಲೇ- ನನಲಾ ದಾಯೆಮಗ ಬುಲ್ಲುವಾಂದೇರೇ
ಕೈಕ್ ಕಾಜಿನನ ಬೋಡೂಂದಲೇ-ಕುಡಲಾ ಕುಡಲಾಳ್ ಬುಳುವಾಳದೇ?
ದಾಯೆಗಾದ್ ಮಗ ಈ ಬುಳ್ಪುವಾಂದೇರ್ - ಸೊಂಟಗ್ ಪಟ್ಟಿ ನನ ಬೋಡುಂದಳೇ
ಬೊಕ್ಕಲಾ ಬೊಕ್ಕಲಾಳ್ ಬುಲ್ಪುವಾಳದೇ-ನನನೆ ನಿಮ್ಮ ದಾನೆ ಆವೊಡೂಂದಳೇ
ಕೆಬಿಕ್ ಕುಡ ನನ ಆವೊಡೂಂದಳ್-ಕುಡಲ ಕುಡಲಾಳ್ ಬುಳುವಾಳದೇ
ನನನೆ ನಿಮ್ಮ ದಾನೆ ಆವೊಡೂಂದಳೇ-ಮೂಂಕುಗು ಮೂಂಕುತ್ತಿ ಆವೊಡೂಂದಳೇ
34
