ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಪೆದುಮದಿ
ಬಾಲೆದ ಅರೋಗ್ಯಗದ್ರಾ ಪೆದಿಮೆದಿಗ್ ಮೂಜಿ ತಿಂಗಳ ಮುಟ್ಟ ಬೇತೆ ಬೇತೆ ನಮೂನೆದ ಮರ್ದ್ನ್ ಮಲ್ತ್ ಕೊರೊಂದಿತ್ತೆರ್. ಮೈತ ನಂಜಿ ಪೋವರೆಗಾದ್ರ ಸೂರುತ್ತ ಪತ್ತ ದಿನ ಕಾಲ್ ಜೀರ್ದರಿತ ಕಷಾಯ, ಬೊಕ್ಕ ಪತ್ತ್ ಪತ್ತ್ ದಿನತ ಲೆಕ್ಕಾಚಾರಡು ಶೂಂಠಿ, ಇರುಳ್ಳಿ, ಉಳ್ಳಿ, ಮೆಂತೆ, ಇಂಚಿನೈಡ್ದ್ ಲೇಹ ಮಲ್ತ್ ಕೊರೊಂದಿತ್ತೆರ್. ಬೊಕ್ಕ ಜಿಂಜ ಪೇರ್ ಕೊಜಪು, ನೈ ಬಲಸೊಂದಿತ್ತೆರ್, ಮಾತ ಗಿಡಮೂಲಿಕೆದ ಕೊಡಿಗಟಿನಿ ಉನ್ನರೆ ಪಾಡೊಂದಿತ್ತೇರ್. ಬೊಕ್ಕ ಎರಡ ತಿಂಗಳ್ದ್ ದ್ ನಾಲ್ ತಿಂಗಳ ಮುಟ್ಟ ಪೆದುಮೆದಿಗ್ ನೆತ್ತರ್ ಕೂಡಾವರಗ್, ಪೇರ್ ಅವೆರಗ್ ತ್ರಾಣ ಬರೆಗಾದ್ರ ಕಡೆ ಮರ್ದ್ನ್ ಮಲ್ತ್ ಕೊರೊಂದಿತ್ತೆರ್. ಪೆದಿಮೆತ್ತಿ ತಿನ್ಪುನ ಇಂಚಿನ ಮರ್ದ್ಡ್ ಆತಿನಪೇರ್ಡ್ ಪರ್ಪುನಂಚಿನ ಬಾಲೆಗ್ ವಾ ಸೀಕ್ಲಾ ಬರೊಂದಿತ್ತಿಜ್ಜಿಗೆ.
ಕೆಲವು ವರ್ಗದಾಕ್ಲು, ಕಾಲ್ ಜೀರರಿತ ಕಷಾಯಾ, ಸಾಸೆಮಿದ ಉರುಂಡೆ, ತಾತಾಯಿ ಮುಂಚಿ, ತೇರೆ ಕತ್ತೆದ ಗಂಜಿ, ಜಿರಿಗೆದ ಪಲದೆ, ತುರೆತ ಮೆತ್ತೆದ ಗಂಜಿ ಕೇರ್ತಿಲಪುದ ಕಷಾಯ, ಮಾತ ಮರ್ದ್ ಕೆತ್ತೆದ ಕಷಾಯ, ಸಾಂಬಾರ್ ಅರಿತ ಗಂಜೆ, ಮೆಂತೆ, ಓಮ, ಸಾಸಿಮೆದ ಗಂಜಿ, ಮಲ್ತ್ ಕೊರೊಂದಿತ್ತೆರ್ಗೆ. ಬಂಜಿನಾಲೆಗ್ ದೃಷ್ಟಿ ಬೂರುಂಡುಂದ್ ಪೆದ್ಮೆತ್ತಿಗ್ ಬೇತೆನೇ ಬಲಸೊಂದಿತ್ತೆರ್.
ಬೊಕ್ಕ ಬಾಲೆನ್ ಬತ್ತಲೆಡ್ ಆ ಕೋನೆಡ್ ವಂತೆ ಪೊತ್ತು ದೀನಗ ನೆಲತ ಸಿಮಕ್ ಬಾಲೆ ತೇರಂಟೆ ತುಲ್ಲಿಲೆಕ ತುಲ್ಲೊಂದು ಬುಲಿಪನ ಮಾತ್ರ ಕೇನುಂಡು. ಈ ಕ್ರಮೊಟು ಬ್ರಹ್ಮ ದೇವರ್ ಬಾಲೆದ ಹಣೆಬರವುನ್ ಬರೆಪೆರ್ಂದ್ದ್ ಪನ್ಪುನ ನಂಬೊಲಿಕೆ ಉಂಡು.
ಬೊಕ್ಕ ಬತ್ತಿ ಬಿನ್ನೆರೆಗ್, ಪೊದ್ದೆರೆಗ್ ತಮ್ಮಾನದ ವನಸ್ ಪಾಡುವೆರ್. ಅನಿ ಕೋನೆಡ್ ದೀತಿನ ಸಾಹಿತ್ಯಲು ಮಡ್ಯಾಲ್ತಿಗ್ ಸೇರುಂಡು. ಬ್ರಾಹ್ಮನೇತರತ್ತಾವಂದಿನಕ್ಲೆಡ ಮೂಜನೆ ಅಮೆ, ಏಲನೇ ಅಮೆ, ಪದಿನಾಜನೆ ದಿನತ ಪೆರಿಯಾಮೆ ಕಲೆಪುನ ಕ್ರಮೊನು ಮಡ್ಯಾಲ್ತಿ ಮಲ್ಪುವಲ್.
ಬ್ರಾಣೇರ್ ಪುದಾರ್ ದೀಪುನ ಕ್ರಮಲೆನ್ ಧಾರ್ಮಿಕ ವಿಧಿವಿಧಾನೆಲೆನ್ ಆಕ್ಲೆನ ಕುಲ ಪುರೋಹಿತೆರ್ ಮಲ್ತ್ ಕೊರ್ಪೆರ್. ಕೆಲವರ್ ಪತ್ತೊಂಜನಾನಿ ಪುದಾರ್ ದೀಂಡ, ನನ ಕೆಲವೆರ್ ಬಾಲೆ ವಂತೆ ಮಲ್ಲೆ ಆಯಿಬೊಕ್ಕ ಎಡ್ಡೆದಿನ ತೂದ್ ಪುದಾರ್ ದೀಪುನ ಕ್ರಮ ಮಲ್ಪೆರ್. ಬಾಲೆಗ್ ನಕ್ಷತ್ರದ ಪುದಾರ್, ಕುಲದೇವೆರೆನ ಪುದಾರ್, ತಿಂಗಲ್ದ ಪುದಾರ್, ಬೊಕ್ಕ ವಾಡಿಕೆಡ್ ಲೆಪ್ಪುನ ಪುದಾರ್ ಇಂಚ ನಾಲ್ ಪುದಾರ್ ದೀಪೆರ್. ಅತ್ತಾಂದೆ ಬ್ರಾಣೇರ್ ಬಾಲೆ ಪುಟ್ಟಗಲ್ಗಡೇ ಪೊರ್ತುನು ತೂದ್ ಜಾತಕ ಮಲ್ಪುವೆರ್. ಗೆರಚಾರ
32
