ಈ ಪುಟೊನು ಪ್ರಕಟಿಸದ್ ಆಂಡ್
ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಬ್ರಾಣೆರೆಡ್ ಮಂಡೆಗ್ ಬಯಕೆದಾನಿ ದೀಪುನ ಪಿಂಗಾರ ಪೂವು ವಾ ದಿಕ್ಕ್ಗ್ ಮಾಲ್ದುಂಡ್ಂದ್ ತೂದ್. ಬಲಮರ್ಗಿಲಾಂಡ ಆಂಡ ಆಣ್ ಬಾಲೆ, ದತ್ತ ಮರ್ಗಿಲಾಂಡ ಪೊನ್ನು ಬಾಲೆಂದ್ ಎನ್ವೆರ್. ಅತ್ತಾಂದೆ ಬಯಕೆದಾನಿ ಮಲ್ತಿನ ಚಕ್ಕುಲಿ ಮುರ್ದು ಆದ್ ರುಚಿ ಇತ್ತಂಡ ಆನ್ಬಾಲೆ, ಗಟ್ಟಿಯಾದ್ ರುಚಿದಾಂತೆ ಪೋಂಡ ಪೊನ್ನು ಬಾಲೆಂದ್ ಎನ್ನುವೆರ್. ಬೊಕ್ಕ ಕಂಡನೆ ಇಲ್ಲಡ್ ಕೊರ್ತಿನ ತಾರಾಯಿನ್ ಅಪ್ಪೆ ಇಲ್ಲಡ್ ಆಲ್ ಅವೆನ್ ಕೌಂಪೊಡು. ಆಲ್ ತೊಟ್ಲಾಲೆ ಪೋನಗ ಅವ್ ಪೊರ್ಲುಡು ತೆಗಲ್ಡ್ಪ್ಪುಂಡು. ಇತ್ತೆಲ ಕೆಲವೆರ್ ಆ ಮರಕ್ ಎನ್ನಾತ್ ಪ್ರಾಯ ಆಂಡ್ಂದ್, ಈ ಮರಕ್ ಎನ್ನ ಮಗಲ್/ ಮಗನ ಪ್ರಾಯಂದ್ ಅಪ್ಪೆಡಿಕ್ಲು ಪೆರ್ಮೆಡ್ ಪನ್ಪುನಾಕ್ಲುಲ್ಲೆರ್. ತುಳುವೆರೆಡ ತಾರೆದಮರ ಪಂಡ ಅವ್ ನಟ್ಟುನೆನ್ ಕೊರ್ಪಿನ ಕಲ್ಪವೃಕ್ಷ. ಉಪ್ಪುನ ವಂತೆ ಜಾಗಡ್ ನಾಲ್ ಮರ ಇತ್ತಂಡ ಪೊರ್ಲುಡು ಬದುಕೊಲಿಂದ್ ಅಕುಲೆನ ನಂಬಲಿಗೆ. ದುಂಬುದಕ್ಲೆನ ಇಂಚಿನ ಕೆಲವು ಕಟ್ಲೆಡ್ದ್ ಪರಿಸರ ಸಂರಕ್ಷಣೆದ ತತ್ವ ದೆಂಗ್ದುಪ್ಪುನ ಸತ್ಯ ನೆಗೆತ್ ತೋಜುಂಡ್.
******
29
