ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಎಡ್ಡೆಮುಂಚಿ, ಓಮ, ದಾಸೆಮಿ, ವೊಂಟೆಪುಲಿ, ಮುಂಚಿ, ಬೊಳ್ಳುಳ್ಳಿ, ಶುಂಠಿ ಉಂದೆನ್ ಮಾತ ಪಾಡ್ದ್ ಮಲ್ತಿನ ಕೊಡಿಗಟ್ಟಿದ ಕೈಪುನು ಮೂಜಿ ತಿಂಗೊಲು ಮುಟ್ಟ ಕೊರ್ಪೆರ್. ಪದಿನೈನ್ ದಿನತ ಲೆಕ್ಕಡ್ ಬದಲ್-ಬದಲ್ ಮಲ್ತದ್ ಶುಂಠಿ, ಬೊಳ್ಳುಳ್ಳಿ, ನೀರುಳ್ಳಿ, ಓಮಗ್ ನೈ ಬೆಲ್ಲ ಪಾಡ್ದ್ ಲೇಹ ಮಲ್ತ್ ಕೊರ್ಪೆರ್. ಬೊಕ್ಕ ಶಕ್ತಿ ಬರೆಗಾದ್ರ ಕಡೆ ಮರ್ದ್ಂದ್ ದ್ರಾಕ್ಷಿ, ಬಾದಾಮಿ, ಅಂಟು, ಜೀರ್ದರಿ, ಉತ್ತುತ್ತೆ, ಗಸಗಸೆ, ನೆಲಕಡ್ಲೆ, ನೈ, ತಾರೆದ ಲತ್ತ್ ಕೊಂಬುಲೆನ್ ಸಣ್ಣ ಕಡೆದ್ ವಾಲೆ ಬೆಲ್ಲದ ಪಾಕಗ್ ಪಾಡ್ಡಿನ ಲೇಹನ್ ಪುಲ್ಲ್ಯ ಕಾಂಡೆ ಮೂಜಿ ತಿಂಗಲ್ಡ್ದ್ ಏಲ್ ತಿಂಗಲ್ ಮುಟ್ಟ ಲಿಂಬೆಪುಲಿದಾತ್ ಮಲ್ಲ ಉಂಡೆನ್ ಪುಲ್ಯಕಾಂಡೆ ಬಜೀ ಬಂಜಿಗೆ ಕೊರ್ಪೆರ್. ಕೊಜಪು, ಪೇರ್ ಜಿಂಜ ಕೊರ್ಪೆರ್. ಈ ಮರ್ದ್ಡ್ದ್ ಅಪ್ಪೆನ ಮಿರೆತ ಪೇರ್ಲ ಹೆಚ್ಚಾದ್ ಬಾಲೆದ ಬುಲೆಚಿಲ್ ಎಡ್ಡೆ ಆಪುಂಡು. ಇಂಚ ದುಂಬುದು ಬಂಜಿಡಿತ್ತಿನ ಬಾಲೆದ ತಾಂಕಣೆಗಾದ್ರ ಬಂಜಿನಾಲೆಗ್ಲಾ ಶಕ್ತಿ ಕೊರ್ಪುನಂಚಿನ, ಹಾರಲೆನ್, ಮರ್ದ್ಲೆನ್, ಕಷಾಯಲೆನ್ ಕೊರೊಂದಿತ್ತೆರ್. ಪೆದ್ದುನ ಮುಟ್ಟಲ ಬೇಲೆನ್ ಮಲ್ಪಾವೊಂದಿತ್ತೆರ್.
******
27
