ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ನಂಬಲಿಕೆಲು
•ಬಂಜಿನಾಲೆಗ್ ಶಕ್ತಿ ಕೊರ್ಪುನ, ತಪ್ಪು-ಧಾನ್ಯದ ಎಡ್ಡೆ ಹಾರ-ಅನುಪಾನ ಮಲ್ಪುನೈಟ್ ಬಂಜಿದ ಬಾಲೆ ಎಡ್ಡೆ ಬುಲೆಪ.
• ಬಂಜಿನಾಲ್ ಬತ್ತ್ಂಡ ಉಜ್ಜೆರ್ ಕೊರು, ಪೆದುಮೆತ್ತಿ ಬತ್ತ್ಂಡ ಮಣೆ ಕೊರುಂದು ಗಾದೆದ ಪಾತೆರ ಉಂಡು.
• ಅಪ್ಪೆ ಎಲ್ಯ ಬಾಲೆನ್ ಪತೊಂದು ಇಲ್ಲ್ ಇಲ್ಲಗ್ ಪೋಂಡ ಹವೆ ಬದಲಾವನೆಡ್ದ್ ಶೀತ-ಜರ ಇರ್ವೆರೆಗ್ಲಾ ಬರು. ಐಕಾದ್ರ ಸುರುಕು ಕಂಡನೆನೆ ಇಲ್ಲಗ್ ತೊಟ್ಲಾಲೆ ಪೋಪುನ ಕ್ರಮ ಬತ್ತಿಪ್ಪು.
•ಪೆದ್ಮೆದಿನ ಪಥ್ಯದ ಹಾರಡ್ದ್ ಬಾಲೆಗ್ ಸೀಕ್ -ಜರ ಬರೊಂದಿತ್ತಿಜ್ಜಿ. ಬಂಜಿದ ಪುರಿ ಸೊರ್ಕುದಿತ್ತಿಜ್ಜಿ.
• ಇಲ್ಲದಕ್ಲೆನ ಅತ್ತಡ ಬತ್ತಿನಾಕ್ಲೆನ ಸೀಕ್.. ಬಾಲೆಗ್ ಬರ್ರೆಬಲ್ಲಿಂದ್.. ಅಕುಲೆಗ್ ಬೇತೆನೇ ಕೋನೆ ಇತ್ತಂಡ್. ಪತ್ತ್ ದಿನ ಮಡ್ಯಾಲ್ತಿ ಅತಾಂದೆ ಆ ಕೋನೆಗ್ ಏರ್ಲ ಪೊಗೊಂದಿತ್ಜ್ಜೆರ್.
•ದುಂಬುದ ಪೊಂಜೋವುಲೆನ ಬೆನ್ಪಾಟಿಕೆಡ್ ತೊಪ್ಪು, ತಜಂಕ್, ಬಿತ್ತಿಲ್ದ ಕೈಪು.. ಇಲ್ಲಡ್ ಮೆದ್ತಿನ ಅರಿ. ಈ ಹಾರದ ಕ್ರಮಟ್ ಆಲ್ ಸಾಲ್ ಸಾಲ್ಡ್ ಪತ್ತ್ ಇರ್ವ ಪೆದ್ಂಡಲಾ ವಾ ಸೀಕ್ದಾಂತೆ ತೈನಮುಟ್ಟಲ ಕಲ್ಲಗುಂಡುದಲೆಕ್ಕ ಇತ್ತೆರ್. ಪೆದಿಮೆದಿ ತಾಂಕುನವು ಎಡ್ಡೆ ಆಂಡ ಆಲೆನ ಬಾಲೆಗ್ ವಾ ಸೀಕ್ಲಾ ಬರ್ಪುಜ್ಜಿಗೆ. ಬಂಜಿನಾಲ್ ಪೆದ್ದುನಮುಟ್ಟ ಉಲ್ಲಾಸಡ್ ಬೇಲೆ ಮಲ್ಲೊಂದಿತ್ತಂಡ ಬೇಗ ಪೆದ್ದುವೆರ್ಗೆ. ಆಂಡ ಶಕ್ತಿ ಬರೆಗಾತದ್ರ ರಡ್ಡ್ ತಿಂಗಲ್ ಮುಟ್ಟ ವಿಶ್ರಾಂತಿ ಪಡೆಯೊಂದಿತ್ತೆರ್. ಬಂಜಿದ ಕರ ಸಿರ್ಂಟರೆಗ್ ಪಥ್ಯದ ಹಾರ ಮರ್ದ್ ಕಸಾಯ ಕೊರೊಂದಿತ್ತೆರ್.
•ಪೆದ್ಮೆದಿಗ್ ಬಾರೆದ ಪೂಂಬೆ, ಸೊಪ್ಪು, ತರಕಾರಿದ ಪಲದ್ಯ ಮಲ್ಪೆರ್. ಗಿಡಮೂಲಿಕೆದ ಪೊಡಿಗಟ್ಟಿ, ನೈ ಕಷಾಯ ಮಲ್ತೊಂದಿತ್ತೆರ್.
•ಇತ್ತೆದಲ್ಲೆಗ್ ಒಂಜಿ ಬಾಲೆಗೇ ಬಂಜಿನಾಲೆಗ್ ಬೆಡ್ರೆಸ್ಟ್, ಪೆದಿಬೊಕ್ಕ ಸುಸ್ತು.
•ಪೆದ್ಮೆದಿನ ಜೀವೊಗು ಪೋಯಿನ ನೆತ್ತೆರ್ ಕೂಡರೆಗಾದ್ರ ಮೆಂತೆದ ಗಂಜಿ, ಪೂಂಬೆದ ಚಟ್ನಿ ಮಾತಾ ದೈತ ಕೊಡಿನ್ ಪಾಡ್ (ನೂತೆನ್ಮ ಬಗೆತ ತಪ್ಪು) ಜೀರ್ದರಿ,
26
