ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಜೀವಡ್ ಕರ್ಬ.. ಬೊಕ್ಕ ಬೇತೆ ಪೋಷಕಾಂಶೊಲು ಕಡಿಮೆ ಇತ್ತಂಡ ಇಂಚಿನ ರಾವು ತೊಡು ಬಡವು ಉಪ್ಪುಂಡು. ಕೆಲವೆರೆಗ್ ಗಂಜಿ ಕೊದಿನಗ, ದಾಸಿಮೆ ಪುಡಾನಗ, ಪೂ..ತ, ಊದುಬತ್ತಿ-ಕರ್ಪೂರ ಇಂಚಿನ ಕಮ್ಮೆನೊಲು ಮೂಂಕ್ಡ್ ಪೊಗ್ಗುಂಡ ಕಕ್ಕುನಂದೆ ಲೆಕ್ಕ. ಕೆಲೆವೆರೆಗ್ ಈ ಸಂಕಟ ನಾಲೈನ್ ತಿಂಗಲ್ ಕಡಿಮೆ ಆಂಡ ಕೆಲವೆರೆಗ್ ಪೆದ್ದುನಮುಟ್ಟಲಾ ಇಂಚಿನ ಸಂಕಟ ಉಪ್ಪುಂಡು. ಇಂಚಿನ ಮಾತಾ ಸಂಕಟದ ಬೇನೆ ದಿಂಗ್ದ್ ಒಂಜಿ ಜೀವ ರಡ್ಡ್ ಆಪುನ ಪಂಡ ಪೊಕ್ಕಡೆ ಅತ್ತ್. ಪೆದ್ದುನವು ಪ್ರಪಂಚದ ಮಾ-ಮಲ್ಲ ಚೋದ್ಯಂದ್ಲಾ ಪನೊಲಿ.
ಬಂಜಿನಾಲೆಗ್ ಏಲ್ತಿಂಗಲ್ಲಾಯಿಬೊಕ್ಕ ಅಲೆಗ್ ಅಮೆತಕರ ಉಪ್ಪುಂಡು. ದೈವೊದ ಮಂಚ ದೀತಿನ ಚಾವಡಿಗ್, ದೇವಸ್ಥಾನೊಗು, ದೈವೊದ ಗುಂಡೊಗು ಪೋಪುಜೆರ್. ಅಲೆನ ಕಂಡನೆಗ್ಲ ಅಮೆತಕರ ಉಂಡು. ಅತ್ತಂದೆ ಬುಡೆದಿ ಬಂಜಿನಾಲ್ ಆಂಡ ಏಡ್, ಕೋರಿನ್ ಕುದ್ದುಜೆರ್ಗೆ. ಬಜ್ಜೈದ ಮರಡ್ ಪಿಂಗಾರ ದೆಪ್ಪುಜೆರ್ಗೆ. ತನ್ನ ವಂಶ ಬೆಲಗುನ ಗಬ್ಬ (ಭ್ರೂಣ) ತೈಪುಂಡು ಪನ್ಪುನ ಪೋಡಿಗೆಗಾದರೆ . ಪಿಂಗಾರ ಪೂ- ಕು ತುಳುನಾಡ್ಡ್ ಮಲ್ಲ ಪೂಜ್ಯ ಭಾವನೆ ಉಪ್ಪುನೈಡ್ಡಾವರ ಆದಿಪ್ಪು.
ಬ್ರಾಣೇರ ವರ್ಗಡ್ ಬಯಕದ ಮದಿಮಾಲೆಗ್ ಮಲ್ಲಿಗೆ ಪೂ- ತ ಜಲ್ಲಿಪಾಡ್ದ್.. ನೆತ್ತಿಗೆ ಮುಲ್ಲುಪಂಜಿದ ಕಣೆನ್ ಒರುಂಬ ಬಗೆತ ಪೂತೊಟ್ಟುಗು , ಬಜ್ಜೆ, ಉಂಗಿಲ ಸುರಿದ್ ಎಲ್ಯ ಪಿಂಗಾರದ ಪೂ ಕಟ್ಟಿದ್ ಅಲೆನ ನೆತ್ತಿಗೆ ಕಂಡನೆ ದೀಯೊಡು. ಪಾಲೆಡಿತ್ತಿನ ಪಿಂಗಾರೊನು ಬಾಲೆಂದ್ ಎನ್ವೆರ್ಗೆ. ಬಂಜಿದ ಬಾಲೆಗ್ ಧಾರ್ಮಿಕ ಸಂಸ್ಕಾರ ಕೊರ್ಪುನಂಚಿನ ಕಾರ್ಯಲೆನ್ ಪೊರೊಹಿತೆರ್ ಮಲ್ಪೆರ್. ಮಾತೃ ಮೂಲ ಪದ್ಧತಿದಕ್ಲೆಡ್ ಮುತ್ತೈಸಿ ಪೊಂಜೋವುಲು ಬಯಕೆದ ಕ್ರಮಲೆನ್ ನಡಪಾದ್ ಕೊರ್ಪೆರ್. ಬಯಕೆದ ಕ್ರಮ ಮಲ್ಪುನವು ಕಡಿರ್ದ ಬಂಜಿನಾಲೆಗ್ ಮಾತ್ರ. ಆಂಡ ತುಳುನಾಡ್ಡ್ ಬ್ರಾಣೇರ್ ಪೊಂಜೋವು ಪದ್ರಾಡ್ ಜೋಕ್ಲೆನ್ ಪೆದ್ದ್ದ್ ಬೊಕ್ಕ ಬತ್ತಿನ ಪದಿಮೂಜನೆ ಬಂಜಿಡ್ ಬಂಜಿನಾಲೆಗ್ ಕುಡೊರ ಬಯಕೆ ಬಲಸುನ ಕ್ರಮ ಉಂಡು.
******
23
