ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಪಾಲೆಡ್ ಪಾಡುವೆರೊ, ಮೂಜೇಡು ಮುಚ್ಚಿಲ ಅಮೆ, ಏಲೇಡ್ ಏಲನೆ ಅಮೆ, ಪದಿನಾಜೆಡ್ ಪೆರಿಯ ಅಮೆ ಕಲೆವೊಡು ಪಂಡೇ. ಮಡ್ಯಾಲ್ಲಿ ಚೆಲುವೆದೆನು ಲೆಪ್ಪಾದೆರೊ, ಅಮೆ ಸುದ್ದ ಮುದ್ರಿಕೆ ಮಲ್ಲೇರೊ ತಲ್ಲು ತಲ್ಪದರೊ (ತೀರ್ಥ-ಪವಿತ್ರ ನೀರು) ಒಕ್ಕನೂಲು ಮಟ್ಟೇ ಕಟ್ಟುವೊಲು, ಪುರುಬಾಲೆನ್ ಪಾಲೆಡ್ ಪಾಡುವೆರೊ ಪಾಲೆದ ಬಾಲುಲೆನ್ ಸಕುನೊಡು ಪಾಡುವೆರ್ (ಚಾಪೆ) ತೊಟ್ಟಿಲ್ ಕಟ್ಟಿ ತೊಟ ತೊಟಿಲ್ ಪಾಡ್ ಮಡ್ಯಾಲ್ಲಿ ಮುದಾರ್‌ ಲೆಪ್ಪುವೊಲು, ತೊಟಿಲ್‌ದ ಬಾಲೆಲು ಸೋಯೇ ತಡ್ಯ ಬಂಜಿ ಕೊರು ನಿರೆವೆರೊ, ನಡತ್ ನಾಲೆಜ್ಜೆ ಬನ್ನಗ ಬಾಲುಲೆಗ್ ಸೊಂಟೊಗ್ ನೂಲು, ಕಾರ್ ಕಡವು, ಕೆಬಿಕ್ ಒಂಟಿ ಪಾಡಿಯ ಪಾಡ್ಜ್ ಬಾಲೆಲು ಕಿನ್ನಿ ಮೋದು ಮತ್ತೆ ಆಯೇ. ಈ ಪಾಡೊನೊಡು ತುಳು ಜನಪದೆರೆನ ಸಂಸ್ಕೃತಿ, ಮಡ್ಯಾಲಿನ ಗುರ್ಕಾರ್ಮೆ, ಪುದಾ ದೀಪುನ, ಅಮೆತ ನಡಾವಲಿದ ಪಾಲೆ-ಪಜೆತ, ಪದ್ದಾಯಿದ ವಿವರನೆ ತಿಕ್ಕುಂಡು. ಕಲ್ಕುಡ ಪಾಡ್ಡನೊಡು ಬಂಜಿನಾಲ್ ಬೊಕ್ಕ ಬಾಲೆದ ವಿವರಲೆನ್ ಪನ್ತಿನಾರ್ ಕಾರ್ಕಳ ತಾಲೂಕು ಮಾಲ ಚೌಕಿದ ಜಲಜ ಪರೇತಿ ಸುವ್ವಾ ಬೆಳಗೋಡ್ಡ್ ಬೆಂದೋನೋ ಉಪ್ಪುನಗ. ಆರೇ ಬುಡದೀನ ಬಂಜಿಗ್ ಏಲ್ ತಿಂಗೊಲ್ ಕಡದೊಂಡೂ ಎಡ್‌ಮ್ಮಾ ತಿಂಗೊಲ್, ಎಡ್‌ ಕಡದೊಮಡು ಪತ್ನಿ ಪಾದ್ದೇಯ್ಯೋ ತಿಂಗೋಲ್ ಆವೊಂದ್ ಬನ್ನಗ ಚೆಲ್ಲುಲ್ಲಾ ಮೋನೆಡೂ ... ಪುಲೀಲ್ಲಾ ಬೇನೇಲಾ, ತೋಜೀದ್ ಪುಲೀಲ್ಲಾ ಬೇನೇಲಾ, ತೋಜೀದ್ ಬನ್ನಾಗಾ, ಮಾ‌ಯಮ್ಮಾ ಕಲ್‌ಡೇಗೂ ಮಗಲೇ ಪದ್ದಯ್ಯರೋ..ಮನಾ ಸೆಲ್ಲಿರೋ, ಮಗೇ ಪರೋ..ಸಂತೋಮಿ ಆಪೇರೋ, 189
